【2019 DSE 中文作文】範文分析 - 讀書無用

Aaron
Aaron 2020年01月22日
今次AfterSchool幫你整理咗考評局中文文憑試卷二題三《談讀書無用》嘅評分參考同結構分析,教你由零開始構築一篇結構嚴謹嘅論說文。仲有中文五星星導師Aaron對呢題2019中文DSE嘅論說文做作文分析同全文結構範例~ 大家一齊嚟學嘢啦!

 

根據統計數據, 2019年DSE中文卷二(作文卷)有25%嘅同學都揀咗題三《談讀書無用》!想知道點樣抓住論說文技巧重點,跟貼考評局文憑試官方要求,喺四分之一人之中脫穎而出,即刻睇以下呢篇教你由零開始構築一篇結構嚴謹嘅論說文,跟住嚟做仲唔一take過攞5**!

今次AfterSchool幫你整理咗2019年考評局中文文憑試卷二題三《談讀書無用》評分參考同結構分析,本文取評語節錄自考評局評卷報告中文科教師會議簡報。仲有中文五星星導師Aaron直接分析比你聽佢會點樣作2019中文DSE卷二~ 大家一齊嚟學嘢啦!

2019 DSE 中文卷二(寫作)第三題題目《談讀書無用》

俗語說「萬般皆下品,惟有讀書高」,也有人說「讀書無用」。試寫作文章一篇,談談 你對「讀書無用」的看法。現今社會,不少人懷疑讀書的作用和價值,故有「讀書無用」一說。本題希望考生能對讀書之作用和價值加以反思,並抒述個人見解。

考評局中文卷二作文結構分析

命題立意

「現今社會,不少人懷疑讀書的作用和價值,故有「讀書無用」一說。本題希望考生能對讀書之作用和價值加以反思,並抒述個人見解。」歷年中文文憑試卷二第三題往往喺要求同學寫論說文,而論說文嘅寫作要求包括:

立論

立場不拘,可以贊成,可以反對,亦可以寫視乎情況,指出有時候「讀書」未必有用,有時候卻有用,須視乎不同的目的和方式、社會環境等因素。要注意本文中「視乎情況」嘅立場雖然亦算喺清晰表明立場,唔會被扣分,但當中嘅邏輯敘述和情況界定、例子選取、正反立論都需要較高語文能力嘅要求,尤其喺喺試場應試嘅壓力特別大,考生好易會因為心急而自亂陣腳,所以單單選定一個立場,並輔以駁論作正反立論仍是比較明智之選。 

若同學嘅引入先反思「讀書無用」一說之出現,可由歷史、社會、以及文化入手,亦可提出針對建議等,但必須論及「讀書無用」一說。若要先界定「讀書」和「用」,就可以藉此說明讀書學習所得的知識或能力能否對個人以至社會發生作用。

同學亦要注意分清楚題目重點,若只回應「萬般皆下品,惟有讀書高」此句引言喺會離題架!題目中嘅其他資訊雖然亦都可以取用回應,但中心嘅「讀書無用論」先喺最重要,其他相關概念雖然唔駛一一詳述,但亦要有基本概念,唔好理解錯啊!

以下喺考評局對一啲關鍵概念嘅說明,僅供參考之用:

  1. 「讀書」
  • 在學校學習
  • 為取得證書或資歷的學習過程
  • 閱讀書籍
  • 「讀書」一詞應與「學習」有密切的關係。
  1. 「讀書無用」
  • 「讀書」對個人的幫助不大的原因
  • 一般人認為作用不大的原因
  • 從生活累積的「經驗」更可貴
  • 學位泛濫
  1. 「用」
  • 與所「學」關係密切
  • 學習的知識不同,其用也不同。
  1. 「知」與「用」
  • 學習所得的「知識」→「內化得著」→「用處」
  • 例如:「實用的知識或技能→取得學位資歷→修讀課程考取會計師資格」

同學要注意唔好立意模糊、焦點不清。

例如「讀書」一詞,在不同語境代表着不同的意思,它可理解為閱讀書本、修讀課程、泛指吸取知識和技能的活動,個別考生未有對「讀書」一詞有清晰的界定,又或「讀書」一詞在文章中重複出現時所代表的概念時有轉換,很容易令文章論述的焦點不斷轉移,模糊不清。 

亦都有不少考生未有弄清「讀書」及其「用」兩個概念的關係,甚至把兩者混淆,例如有考生把讀書即等如「獲取學位文憑」,反映了文章欠缺嚴密的邏輯思維

論述方式

論說的方式不限一格,如能破立兼備,或就古今異同加以論述,內容自然較單方面的說明更為全面和豐富。雖然論說文最睇重同學能否以準確例子同流暢文句詳細展述自己嘅睇法,但豐富嘅表達手法亦非常重要。考評報告亦好讚賞同學善用名言說理同比喻、反問、設問、設喻同引用古今中外嘅例子。同學不妨多運用想象力同發散性思維,嘗試多用唔同句式同修辭手法

選取材料

質同量都喺非常重要嘅。

量不必多提,讀書無用?錯啦,讀書好有用!小編都曾經經歷攞住幾本例子集日夜背誦嘅日子,死記硬背確實可以增加文章入面論據嘅數量,保證一定內容分。但比起攞住notes死記幾百個未聽過嘅名人嘅偉大事跡或者名言然後好快唔記得,不如認真睇本有內涵嘅書記住嗰個事例,然後諗可以點喺唔同題目、唔同文體以唔同角度深入詮釋呢個例子,做到一例多用。

喺考評報告入面,由等級一至等級五其實都有大量論據,等級一嘅卷二示例所用例子並非喺「量」唔充足,而喺「質」唔夠。成因可能喺例子同道理嘅聯繫牽強、展述不足、內容空洞。同學引用例子做說明時不妨諗下:

• 例子是否相關或恰當?

• 例子是否真確?

• 例子的闡述是否飽滿?

如果同學嘅例子做到多角度思考,質量互補,內容會更豐富,更易提高論說的質素和立意。

論證闡述

意指論點及論據能闡述及說明有關看法。通常黎講,同學每段都需要

1. 論點(主題句)

2. 論據(例子)

3. 闡述(說明例子如何支持主題句成立)

除咗例子須恰當(取材)、論據要可以支持結論、說明闡述須具體豐富,循序漸進地說明例子同主題句嘅邏輯關係,解釋你嘅立場。表現優異的考生有明確立意明確,舉例恰當,闡述飽滿,以層層遞進嘅例子深化概念,拓展人們對主題的思考,說服他人同意自己嘅立場。

結論

表明立場,重申前文所述嘅論點,多會於此段將文章立意升華,提升至對人生、對世界嘅反思嘅層次,亦可以以問句作結,帶出此議題嘅複雜性同爭議性。

Aaron 19 中文卷二題三作文分析 & 全文結構範例

論述重點

在於精準意念,且能層層深入探討

一、讀書無用

二、無用在何處

三、讀書的真正態度和方法

四、讀書的意義在於什麼

圍繞著四大問題討論之。

定義

「萬般皆下品,惟有讀書高」:讀書人才能有所成就,才值得人去尊重。

「讀書無用」:讀書沒有用處,難以成功。

主旨

理性看待讀書,不要過份鼓吹讀書之效用,也不宜死讀書,否則失卻了讀書的意義

正論一:

讀書人才有所成就,已經是舊有論點,現今有許多方法令人成功,不單單是讀書。更進一步,不是只有讀書人才能值得人尊重。凡是認真奉獻自己的工作,就值得人尊重。 

正論二:

讀書無用更是一種極端論調,反駁人們以讀書來謀求物質的心態,將「用」變成物質之用,繼而點出讀書有精神之「用」。 

正論三:

合適的態度讀書,才能得到讀書的意義。讀書不求物質之用處,反而樂於吸收知識,才是讀書的意義,是帶給人快樂。

「好讀書,不求甚解,偶有會意,欣然忘食。」 

正論四:

除了樂於讀書,更加要懂得選擇好的書,才能有修身之效用。 

正論五:

讀書更要懂得思考,學思並重,才能成功理解,化為自身的智慧。

正論六:

深化論點。

結論:

肯定讀書的價值,繼而指出讀書的應當的態度和方法。

Aaron 2018年香港中學文憑試卷二題三《談知己》都用了近似嘅結構寫作:

  1. 比較朋友與知己之分別
  2. 得到知己方法一
  3. 得到知己方法二
  4. 知己意義一
  5. 知己意義二
  6. 知己意義三

一共六大段落,全文約1600字左右

想向Aaron學多啲中文知識?不妨報讀

一撇中文常規課程—第一期

——仲可以先睇導覽~唔洗即刻比錢~

要睇多啲DSE中文卷二秘技?即刻睇埋19 DSE 中文作文題三 真跡(78% 5**) ,五星星嘅同學喺點用呢啲技巧啦!仲可以去溫埋卷一[十二篇範文]超精簡濃縮手寫真跡大總結

 

因為武漢肺炎突然放咗個長假?作為應屆考生唔知點算好?

快啲嚟睇下《【肺炎期間】DSE考生不得不做嘅四件事》喇!

相關課程