新年你唔應該溫書!

Ronald
Ronald 2019年04月08日
新年應該要放低書本!放低DSE!好好享受呢個新年!

首先祝你豬年快樂!話就話有假放好開心,但係相信今個新年對19 DSE嚟講絕對唔算得上係咩假期,因為仲有兩個月DSE就殺—到—埋—身—喇!但今日我就會用呢篇文去說服你新年應該要放低書本!放低DSE!好好享受呢個新年!

理由#1 陪下屋企人喇

我知你為咗DSE已經犧牲咗唔少自由同玩樂時間,但唔知你又覺唔覺好似自己都少咗陪屋企人呢?佢哋都明你準備DSE辛苦唔敢點打擾你,但難得新年咪陪下屋企人出街行下、拜下年、逗多兩封利是囉~


理由#2 少溫兩日唔會死

成個DSE我當你中四開始準備,加埋有成千日咁多。而家只係叫你放一兩日假姐,唔通少溫一兩日你個grade會跌咩!Don’t FF too much!


理由#3 休息是為了走更長遠的路

正所謂「吊頸都要透下氣」,日日咁Chur其實未必係最有效嘅學習方法。研究有話原來你休息放鬆緊嘅時候,你嘅潛意識其實就開始工作,將你學嘅嘢、記嘅嘢慢慢咁係大腦重組、理解,再逐漸強化形成記憶!正如你食嘢都要時間去消化㗎嘛!


溫馨提示

如果身邊有朋友太chur溫習,記得提一提佢休息下啊!如果唔係到時有反效果就真係得不償失!


閱讀更多
唔知道大家溫書果陣有冇咁嘅感覺呢?身為DSE嘅過來人,受過DSE嘅洗禮,好明白大家喺備戰考試時嘅煎熬🤕有時望著厚到成座山咁嘅notes同埋教科書,真喺有種「心很累」、「還不夠絕望、尚可更絕望」嘅感覺😢。不過,年輕人,唔駛咁灰wor!以下喺幾個我根據自身經驗,同埋自己睇書做research得返黎嘅背書心得,希望可以幫到大家😜

抽字記憶法!助你得勝DSE!

Smarkle_dse

2019年10月09日

11
大家都睇咗好多同學習有關嘅文章,今次小編就同大家分享一下同Lifestyle有關嘅文章啦!雖然作者話係寫比18歲嘅人睇嘅~但係小編覺得呢啲~提早學習就可以提早享受!!😍所以就係呢個時候分享比大家睇啦!

18歲之前必須要知道的5件事情!

culawstudy

2019年10月04日

11