通識卷一最後一條永遠都係平均分最低嗰條，原因係有極大量嘅同學根本做唔晒最後嗰條，甚至做唔到去最後嗰條。🤓
大家都知通識卷一永遠都唔夠時間做，但係又永遠都唔諗方法去解決佢。咁究竟點樣先可以做得晒成份通識卷一呢？今日就等我依個卷一差唔多滿分嘅考生同大家分享下啦！😍
1️⃣ 手速好重要 📝
對於通識科依類要寫好多嘢嘅科目來講，手觸真係一個非常非常之重要嘅因素。如果你天生手速慢嘅話，你已經係入考場嘅時候輸咗一半。手觸依家野其實真係老生常談，而點樣提升手速其實我之前都有post講過。（參考【佛系讀書心法】【低成本高效益: 提升手速神級心法】）
2️⃣ 邊寫邊諗🧠
有好多同學都係諗好哂論點寫啲咩，用咩例子，先開始寫呢篇長題目嘅問題。但其實咁樣係極嘥時間，我自己通常會諗左兩個論點嘅角度，然後就直接開始寫第一個論點，邊寫到邊諗第二個論點，當然，呢個方法其實唔係好適合啲唔能夠multi-tasking嘅同學來做，但其實所謂multi-tasking，都係透過無數嘅操卷訓練出嚟，所以可以係做長題目嘅時候試吓邊寫邊諗，當日常嘅練習，一方面可以提升自己諗Points嘅速度，另一方面亦都可以訓練下自己慳時間嘅技巧。想知道多啲點樣可以考學好通識可以參考下【DSE通識備戰攻略】同不得不知的通識科應試技巧。
3️⃣ 唔好順次序做📶
通常有極大量嘅同學都會花超過一半嘅時間睇第一條題目度，因為有好多同學都係由第一條順序咁樣做落去。但呢個絕對唔係一個好方法，你應該好快咁樣睇晒三條題目，再睇下邊條係你自己最有信心做嘅，就先做嗰條。從而留返你最唔識嗰條去到最後先諗。當然，如果你對自己嘅手觸同埋諗point嘅速度有信心嘅話，就可以好似我咁順序做，因為我相信自己係可以做得晒所有題目。而點樣可以令到你知道自己做唔做得晒呢？就係喺考之前做多幾份兩個鐘完整嘅通識卷一，再睇下自己究竟係做最熱嘅卷同最難嘅卷嘅時候分別有幾多時間淨。
當然，以上嘅小技巧都只係幫你做得更有效率，但唔代表可以幫你攞高分，講到底，都係要你自己操得多卷同對concpet清晰，咁就會做得最快！🤗
如果想知道更多關於時間管理嘅技巧可以睇下《仲通宵？！五大高效學習的小貼士》同 《DSE狀元》分配時間嘅秘密。亦可以報讀AfterSchool提供嘅各款補習課程，好好規劃自己嘅學習計劃！
