【肺炎期間】DSE考生不得不做嘅四件事

AfterSchool
AfterSchool 2020年02月13日
武漢肺炎有幾可怕唔洗我講大家都知,但面對突如其來嘅「長期假」/提早開始嘅Study Leave,作為應屆考生又可以點樣好好準備呢?另外考評局又到底會唔會將DSE延期呢?放心!呢篇文入面我會教大家點樣提早準備DSE、利用坊間最高價值嘅免費DSE資源,同埋點樣係唔出街嘅情況下都可以喺屋企繼續補習嘅方法!

武漢肺炎有幾可怕唔洗我講大家都知,但面對突如其來嘅「長期假」/提早開始嘅Study Leave,作為應屆考生又可以點樣好好準備呢?

另外,呢篇文入面我亦會重點教你四樣於「閉關」時嘅溫習策略

  1. 面對肺炎原來要咁樣準備DSE?!
  2. 用儘坊間最高價值嘅免費DSE資源
  3. 唔出街都可以喺屋企繼續補習嘅絕密方法!
  4. 唔洗錢就可以瘋狂問學霸有關DSE問題嘅方法

教育局、學校同補習社嘅最新安排

教育局於13/2/2020公佈全港學校(包括幼稚園、小學、中學及特殊學校)最快將於16/3/2020復課

各補習社最新安排

如果睇翻大型補習社的話,暫時見到有兩間表示比學生轉去Video班(注意:Video班指再到補習社睇片,並非AfterSchool果種真係可以喺屋企上堂嘅網上課程),畢竟啲學生交咗學費都要嚟上堂。

至於課室上堂嘅環境、或者你來回補習社路上嘅風險有幾高就見仁見智喇。

P.S. 喺AfterSchool上堂嘅同學可以繼續不受影響,隨時隨地享用名師網上課程!

考評局正式宣布將DSE延期

下為今日(6/2)教育局局長記者會對DSE嘅安排:

首先會將今年 27/3 前舉行嘅所有考試押後(包括中文口試),以下為重點嘅應變安排:

  • 各科筆試、英文科口試如期係 27/3 開始舉行
  • 原定於 11/3 - 19/3 舉行嘅中文科口試將延至 18/5 - 26/5 舉行
  • 放榜日期延後一星期(暫定為15/7/2020)

考評局將於2月底,因應疫情最新發展情況再決定能否如計劃於 27/3 開始筆試,定係要將筆試延期至 24/4。

最新資訊同學可以直接到考評局網頁查詢!

放「長假」時備戰DSE必做嘅四件事

坦白講係咪會按時復課無人知,你唯一可以做嘅就係好好利用呢段時間去準備DSE。

#1:立即安排你嘅溫習時間表

If you fail to plan, you are planning to fail.

以往大家都會好依賴翻學嘅時間表,自己唔洗用腦去諗果日要做啲咩。但而家呢個情況相信大部分考生都會失晒預算、無從入手。如果你唔想白白浪費嚟緊呢個長期假的話,麻煩你馬上為自己定下一個可行動、具體嘅時間表,開始認真準備你嘅DSE!

如果想知多啲點樣去訂立一個真正有用嘅時間表的話,可以睇睇呢篇文章

 

#2:好好利用網上嘅DSE資源(免費)

每日肺炎嘅確診個案都係度上升緊,你驚唔敢出街都係人知常情。正正因為咁樣,你要更加好好咁利用網上嘅資源去學習。坊間無論係YouTube定係其他平台,啲DSE資源真係多到你用唔晒!

但正正因為免費資源太多,所以AfterSchool已經幫你做好全方位嘅整合,等你唔洗再花時間去搵邊啲啱你用。下面係幾個重點推介嘅DSE資源庫:

  1. 【全港最齊】歷屆 DSE Past Paper 資源庫
    DSE前最緊要就係狂操Paper摸熟考評局嘅要求,呢個資源庫入面就有齊晒所有科目嘅歷屆試題,唔洗你再左搵右搵!(連音樂呢啲冷門科都有!)
  2. 免費DSE資源庫
    入面有近100個唔同科目嘅免費DSE資源,你要範文筆記又有、DSE英文作文5**真跡都有,不過內容比較多,可能用學要花少少時間去「尋寶」。
  3. DSE網上補習課程
    你可能會問「呢啲唔係要錢㗎咩?」,其實入面有唔少導師整咗啲免費課程比大家做試堂用,仲有PDF筆記比你免費下載,課程內容絕對有質素保證!(提示:你可以用排序功能極速搵晒啲免費課程出嚟)

一句講到尾,資源就擺晒係度,唔好再用「出唔到街」嚟做藉口喇!要知道有好多考生一早已經利用緊呢啲資源去備戰DSE!
 

#3:按需要報名DSE網上課程

唔想冒住生命危險出去補習?又驚唔補會追唔切啲進度?AfterSchool平台上面聚集咗坊間各科名師開設嘅網上課程,比你報完名之後可以隨時隨地、安在家中、輕鬆上堂!

最正嘅係筆記仲可以免費寄到去最近你屋企嘅順豐站(有需要仲可以叫佢哋送上門)!真係門口都唔洗出、口罩都唔洗帶就可以適適服服咁上堂!

而且仲有「十四日無條件退款保證」,報完唔啱退錢再報過另一個課程,零成本零風險就可以安在家中輕鬆備戰DSE!點都好過你提心吊膽帶住口罩出去上堂喇!

即睇有咩精讀課程
 

#4:加入全港最大嘅DSE學習社區(免費)

溫書、上堂、操卷果陣有嘢想問但係又翻唔到學校問老師?WhatsApp問人又覆得慢?點解唔下載埋AfterSchool嘅DSE學習神器呢?

成個APP只有三句講完:「免費、匿名、十分鐘內有人答」。當你仲等緊某老師、同學覆你機果陣,呢個平台上嘅學霸、大學生同導師就已經解答緊上百條問題!仲唔快啲下載?!

立即免費下載

今次篇攻略就嚟到呢度,希望可以幫到大家(特別係應屆考生)應付今次突如其來嘅肺炎假期喇!最後都提提大家無咩事儘量唔好出街,真係要出街就一定一定要帶口罩!無論咩事都好,AfterSchool都會全天侯24小時陪住你!

 

因為武漢肺炎突然放咗個長假?作為應屆考生唔知點算好?
快啲嚟睇下《【肺炎期間】DSE考生不得不做嘅四件事》喇!