【2021 DSE考生必睇】DSE Chem化學操卷全攻略

The Chemist🧪
The Chemist🧪 2020年09月16日
讀 DSE Chem 嘅中六同學得返唔夠一年就要考試,考 DSE 離唔開操卷,點操卷先最有效?得咁少時間又追唔追得切?等 The Chemist 教你DSE Chem 化學操卷全攻略!

 

雖然 2020 DSE 先放咗 JUPAS 無耐,但原來仲有大約 220 日就到 2021 DSE 考 CHEM 嘅日子!今年讀中六嘅你唔係得返好多時間,咁係有限嘅時間入面點溫習、點操卷先最有效率?操卷難就難在點樣可以透過操卷去搵出自己嘅弱點、提升自己嘅實戰能力。為咗幫大家有系統咁溫晒 DSE Chem 三年嘅內容,我決定分享呢套溫習攻略。如果你到呢一刻都未有一個具體嘅溫習計劃,麻煩你一定要認真睇落去,因為呢篇文好有可能可以救你一命!

 

 

DSE Chem 化學嘅考核要求

 

根據考評局2021年化學科評核大綱,化學 Chem 嘅考試只有原本「公開考試」嘅部分,「校本評核」(即係SBA)將會取消。

「公開考試」有分試卷一 (必修部分) 同埋試卷二 (選修部分):

  • 卷一 Paper 1 (必修 Compulsory)(考試時間2小時30分鐘,佔全卷75%)
    • Section A: 多項選擇題 MC (佔全卷22.5%)
    • Section B: 短題目 short questions、結構體 structured questions、論述題 essay questions (佔全卷52.5%)
  • 卷二 Paper 2 (選修 Elective) (考試時間1小時,佔全卷25%)

了解清楚 DSE Chem 嘅考核方式之後,我哋就可以開始就住以下嘅重點去操卷!

 

DSE Chem 操卷前準備

 

清楚了解 Syllabus 變動

 

其實 2021 DSE CHEM 真係有唔少變動,唔單止評核大綱變咗,更 cut 咗唔少 syllabus!要打贏 DSE 呢個遊戲嘅首要條件就係掌握到個「遊戲規則」,syllabus 改咗都唔知,亂咁溫亂咁背,嘥時間溫多咗嘢都算,溫錯咗先大鑊。(已經聽過有啲老師都無提翻同學,搞到好多同學嘥時間背咗啲唔會考嘅嘢)

如果你唔係100%清楚個 syllabus 的話,記得自己 Google "DSE CHEM Syllabus" 睇睇,唔好依賴任何人,因為考試嘅係你。就算之前拎咗我嘅《Out C 終極懶人包》都要下載嚟睇睇,我嗰份只係一個 summary。

 

理解操 Past Paper 嘅原因

 

其實你知唔知點解要操 Past Paper?⠀

好多人為操而操,但就無諗過點解要操卷。連目標係咩都唔知就走去操,你覺得真係幫到你提升成績?我認為操卷要達成嘅目的主要有三個:⠀

1)提升 DSE 實戰能力

除咗日校大考外,正常學生根本無乜機會去操卷。但 DSE 真係一場「七分實力,三分運氣」嘅遊戲,而想提升實力同運氣就要多練習,確保到時 DSE 嘅臨場發揮可以穩穩陣陣!

2)測試自己對 DSE 題型嘅理解程度

喺呢個過程你要搵到自己嘅強項弱項,從而調整你嘅溫習策略以得到最佳嘅回報!⠀

3)預測 DSE 成績

畢竟考試只係過程,每個人嘅目標都係拎住呢個成績入讀心儀大學。排JUPAS都係一個策略,要排得靚就必須要有能力以最大準確度去預測自己嘅成績!⠀

接下來我會針對呢三大操卷目標,去話你知點樣「操」先可以真正幫到你考好 DSE !

DSE Chem 化學嘅操卷順序

 

By Topic 重溫課題嘅 concept 同題型

 

考 2021 DSE 嘅學生得返大約 220 日就考 DSE,但升上中六其實好多中三、四嘅課題嘅 concept 同題型都唔記得七七八八,所以強烈建議大家先 By Topic 咁溫書同埋操 Paper。

12 個 Core +2 個 Elective 前後 14 個課題,依加九月開始平均一個星期操一個課題,大約去到十二月就要操得晒所有課題!(一星期一個課題唔會花你好長時間,咁樣都 commit 唔到真係好難幫你)⠀

依加開始準備定課題操練嘅 schedule(建議無咩特別嘅就由最簡單嘅開始),再準備好要操嘅 By Topic CE/DSE PP(係我嘅學生之後會比埋相關資源你,唔洗你晒時間自己搵),咁花少少心機就可以 K.O. 全部課題。

 

By Year 高強度操練 DSE Past Paper

 

By Topic 操完你嘅根基應該會札實好多,去到呢嘅 stage 你需要 Full Paper 咁樣操,單計 DSE 有 10 份卷左右(CE、AL 都無咩意思)。平均一星期操 1 - 2 份,咁去到一月(最遲二月)就可以操晒。

中六同學要記得自己嘅時間有限,所以一定要跟足時間表去操,如果唔係我教埋你操卷嘅具體時間分配都冇用!

 

DSE Chem 操卷三大重點

 

重點一:100% 跟足 DSE 要求

 

要提提大家,操卷時需要 100% 跟足 DSE 要求!有同學會問我:提早做完 Past Paper 可唔可以對卷?答案係「唔可以」!唔講 DSE 講你學校大考,你做完有時間剩都會對下卷掛!如果你用 1 個鐘就做晒,咁麻煩你剩低 1.5 小時都同我專心對卷、check答案,直到你手機上嘅 timer 開始響起為止!

又有人問,「有唔識做可以點算?」咪做咗識做果啲先囉,有時間剩再翻嚟睇下識唔識做。唔好同我講見到有條題目唔識就走去 Google 或者搵筆記,因為 DSE 考試咁做嘅話你應該可以儲定錢報下一年嘅 DSE 了...⠀

其實自己操卷時做任何動作前都問自己一句:「如果而家考緊 DSE,我可唔可以咁做呢?」就得。奈何我實在聽過好多同學講一套做一套,希望你今日睇完真係會聽話!

 

重點二:極仔細對 Marking Scheme

 

Marking Scheme 同考評 Report 實在有太多嘢可以學到,特別係 LQ 好多同學連點計分都唔識,所以做完 PP 一定一定要對翻考評份 Marking。同學要留意翻啲 keywords,有唔肯定啱定唔啱嘅地方可以問老師或者問我。改卷嘅時候,寧願改得緊啲都唔好放水比自己,自己改得鬆手對你百害而無一利。你仲可以搵個朋友一齊做之後交換卷去改,因為自己做又自己改好容易有盲點。⠀

Marking Scheme 其實同貓紙無分別,已經講晒比你知點樣先可以贏到呢場遊戲,咁都唔肯花時間睇嘅話真係會輸蝕好多!

 

重點三:紀錄錯題並重溫

 

紀錄錯題並定期重溫,再調整溫習策略,都係非常重要。操完知道自己幾分就算數嘅同學,其實同掉咗份卷落垃圾筒無分別。記住操卷嘅其中一大目標就係反思、調整、進步。以下幾個 steps 大家可以跟住做,咁做卷先最有用:

Step 1:By Topic 去紀錄錯題(連同 Marking Scheme)⠀

建議大家唔好重新抄一次條題目,因為真係好晒時間。一係影相,一係剪亂份卷貼去本筆記到,再唔係開個 Google Sheet 記得佢都得!⠀

Step 2:調整溫習策略⠀

By Topic 分類嘅好處係等你可以從宏觀嘅角度去睇下自己邊個課題最弱,再去調整你嘅溫習策略。只有咁樣做你先可以真正透過操卷去提升自己嘅成績。⠀

Step 3:定期重溫DSE錯題⠀

你需要每星期至少做多一次曾經錯過嘅 DSE 題目。做嘅時侯一樣先做一次,然後再對 Marking 睇下自己啱幾多。⠀

就算啱晒都唔好自滿,因為要將過去嘅失誤轉化為長期記憶就需要不斷重複嘅練習。

 

2021 DSE Chem 最新安排

 

重申一次,2021 DSE Chem 嘅遊戲規則大改,本來佔分 20% 嘅 SBA cut 咗,令到 elective 部分變得尤其重要。點解?好簡單計條數比你睇:

Paper 1 兩個半鐘考 12 個課題,佔比 75%,除翻開條數即係平均一個課題佔比約 6.25%

Paper 2 一個鐘考兩個課題,佔比 25%,除翻開一個課題佔比約 12.5%⠀

雖然每個課題嘅「份量」唔同,有啲多啲、有啲少啲。但係咁樣換算落嚟,平均溫 elective 嘅回報率係比 core topic 高出兩倍之多!

 

Elective?其實唔難!⠀

Elective 話就話係一個全新嘅課題,但實質要你從零開始學起嘅 concept 可能只係佔有 30% - 50%。讀緊 Elective 嘅同學一定知其實入面好多 concept 係建基於某啲 Core 嘅課題。以 Industrial Chem 為例,入面有大約 50% 嘅內容其實都係同 Rate of Reaction 同 Equilibrium 有關。

換句話講,Elective 唔單止平均佔分比 Core Topic 高出一倍,而且入面平均有 50% 都係你學過嘅 concept!即係性價比高、回報率高啊!

到呢刻仲唔當 Elective 係一回事嘅同學真係要醒喇!兩個 elective 加埋 25%,可以幫你拉 2 - 3 個 grade 㗎喇。

Elective 咁重要,我可以點準備啊?

其實最緊要都係搞翻清楚個 DSE Syllabus 同考核範圍!因為 2021 DSE 起考評局講到明有啲內容係 cut 咗唔會考,如果你無為意又或者用緊舊書、舊筆記就真係要份外小心。

但你又唔洗太擔心嘅!我哋會舉辦一個免費嘅課程《2021 DSE CHEM: ELECTIVE INTENSIVE》,主要會幫你:⠀

1)掌握 2021 DSE 最新考核重點

2021 DSE cut 咗唔少內容,我會幫你搞翻清楚最新嘅 syllabus,務求你可以掌握最新嘅考核重點,唔會背多咗嘢亦唔洗驚學漏嘢!

2)學習 Elective LQ 搶分方法

每個 Elective 只有 20 分嘅 LQ、沒有 MC,玩法同 Paper 1 截然不同!所以我會教你 elective 嘅重點搶分位,務求幫你穩奪 80%+ 嘅分數,輕鬆拉高兩個 grade

3)拆解 Industrial Chem 必出最難題型

重點拆解搵出 Rate Equation 同 Order of Reaction 嘅萬能拆題思維,附以 DSE 每年接近必出嘅題型作即場講解,保證你可以即學即用!

 

中六嘅同學唔可以仲係唔清楚 DSE Chem 嘅玩法、唔同課題嘅 concept,依加我用一個鐘快速幫你了解 Chem elective,同學要把握機會報讀,名額有限!識得點操卷、肯花時間操卷,先可以係 DSE 攞個好成績嘛!

 

2021 DSE CHEM: ELECTIVE INTENSIVE