用手機上哂癮.點算好?

AfterSchool
AfterSchool 2019年04月07日
成日都話唔夠時間用,其實係你唔知蹝哂啲時間去邊!今次Apple嘅iOS12就推出咗一個好唔錯嘅功能去幫你:了解自己啲時間用咗去邊,控制自己用某個app嘅時間

成日都話唔夠時間用,其實係你唔知蹝哂啲時間去邊!今次Apple嘅iOS12就推出咗一個好唔錯嘅功能去幫你:

  1. 了解自己啲時間用咗去邊
  2. 控制自己用某個app嘅時間
了解自己手機嘅使用習慣

首先當你更新咗iOS 12之後,好似平時咁用手機大約用5 -7日,等佢紀錄翻你用手機嘅習慣同各個應用程式嘅使用時間後,你可以到:設定(Setting) → 螢幕時間(Screen Time) → 過去七日(last 7 days),睇翻自己平日花咗幾多時間係唔同嘅app以及唔同類型嘅app入面!(見圖)如果你係正常中學生,你會發現自己其實發咗勁爆多時間係社交媒體或遊戲上!講緊係大約一日三粒鐘!

一日三粒鐘有咩問題?

你以為三粒鐘好少?天真!以週末為例,一日得24小時,扣咗日常生活必須花嘅時間:
瞓覺: 7 hrs
食飯: 2.5 hrs
梳洗: 2 hrs
交通: 1 hr
其實你得翻11.5小時係可以自由控制(未計補習同課外活動),如果你剩係手機上都哂咗3個鐘,即係你已經浪費咗26%嘅可控制時間落去一啲對你學習無幫助嘅應用程式上!超過四分一啊!仲要呢度剩係講緊手機使用情況,仲未計電腦或其他電子產品啊?

我想戒手機啊!

「咁點算啊!唔通要del app?!」放心啦!好彩Apple夠貼心,仲有啲功能去控制你每個app嘅使用量!係設定度你可以為每個app設定App Limit(見圖),例如你可以設定「每日只可以用兩小時嘅社交媒體」,再設定一個密碼,咁如果果日你過咗兩小時嘅限制,你就一定要輸入個密碼先可以解鎖同繼續用~

至於個密碼呢我就建議唔好由你自己去設定(你懂的)可以搵個朋友互相為大家設定密碼,仲要應承對方打死都唔會比個密碼佢!無計啦,非常時期非常手段啊麻!相信呢個新功能唔多唔少都會幫到你控制過度使用手機嘅情況同埋放更多時間落去學習到!

最後最後,Android的話我相信都有差唔多嘅app可以做到以上功能嘅!你有咩好介紹不妨係下面留言話比大家知啦!

都係唔夠時間用點算

廣告時間~其實平時你補習走嚟走去又係睇video的話真係好哂時間:搭車係時間、排隊入課室又係時間,仲未計你上堂環境嘈或者自己無精神吸收唔到或者抄唔切啲重點呢?不如試下我哋AfterSchool嘅精讀網上課程啦~又唔洗比人搏死又可以自由控制上堂時間,特別係中五、六嘅你真係時間無多架啦!

閱讀更多
有唔少人都鍾意放學後或者週末嘅時候,約埋一班朋友到圖書館或者Cafe一齊溫書,但係相比起自己一個溫書,同fd一齊溫係咪真係好事呢?

同朋友一齊溫習真喺Work?

Ronald校工|港大化學

2019年08月12日

13
高中讀英文應該功利d,以考試作主。   Reading——建議多操多練 除咗DSE值得操,AL fill-in-the blanks都可以幫你訓練語感(但不宜操太多,難度同DSE差距太大),CE Reading都值得用黎訓練基礎理解能力同考評局D套路,畢竟無人比考評局更了解考評局。

狀元教你考好DSE英文四卷——高中篇

Monica Chan

2019年08月12日

13
我喺小學五年班嘅時候由內地嚟香港讀書,嗰個時候啲英文程度真係好差,因為內地學英文或者考試,都係給你中文,然後叫你寫翻他的英文就可以了。

我對自己的英文很自卑

culawstudy

2019年08月07日

12