兩招幫你減輕DSE焦慮症

兩招幫你減輕DSE焦慮症

兩招幫你減輕DSE焦慮症
AfterSchool
AfterSchool 2019年04月07日
每年參與DSE嘅同學有成五萬幾六萬人,當中只有約20%嘅同學可以經JUPAS考入心儀大學,出現「淆底」、「恐懼」、「緊張」呢啲情緒係十分正常!但係如果比呢啲負面情緒影響到你嘅學習表現咪好唔抵?!
今次我就會同你分享兩個方法去解決呢啲負面情緒!

#1 「我好緊張」→ 「我好興奮」

你平時睇啟運/其他比賽果陣,你會發現記者係採訪入面成日都會問參賽者「你緊張嗎?」。而有趣地,99%嘅時間,佢都會答「不,我很興奮!」。點解呢班運動員係呢個全球舞台表演嘅時候都唔會緊張?
有專家就話其實焦慮、興奮呢兩種情緒嘅跡象係十分相似,都係「心跳加快」、「手心出汗」等等。所以,下次你係考試開始前覺得「焦慮」嘅話,不妨提醒下自己「呢場考試真係令我好興奮!」
小小心態上嘅改變,會為你帶嚟意想不到嘅效果!

#2 放鬆+呼吸大法

唔講唔知原來大部分嘅人都唔識用正確嘅方法去呼吸,好多時候我哋用胸部進行短暫嘅淺呼吸,限制咗氧氣嘅攝取量。呼吸嘅正確方法係用橫膈膜(肺部肌肉)擴張腹部!
如果唔好好控制,呢種呼吸模式會導致無休止嘅壓力循環:感到緊張 → 所以採取淺呼吸 → 淺呼吸導致更多緊張⋯如此類推,直到你一直處於低級焦慮嘅狀態。
唔信你可以即係放鬆試下深呼吸,你會feel到個肚慢慢越嚟越脹,再一下子將佢呼出嚟!係咪即刻成個人都放鬆哂呢~

通過呢啲小技巧,相信一定可以幫你減輕壓力!記住:呼吸並控制你可以控制嘅事物!最重要嘅係—提醒自己DSE只係人生嘅一個預關口,你亦無必要同其他人比較,不斷突破自己就已經好足夠了!加油!

2