中五升中六-暑假唔想無聊hea做咩好?

AfterSchool
AfterSchool 2019年07月31日
升中六嘅你,呢個係你DSE前最後一個暑假,絕對係你一個好大嘅衝刺機會🔥所以今次我就想同你分享充分善用暑假之道😉

升中六嘅你,呢個係你DSE前最後一個暑假,絕對係你一個好大嘅衝刺機會🔥所以今次我就想同你分享充分善用暑假之道😉

1.思考大學選科

  • 上網睇下各科嘅收生要求同歷年數據,衡量自己實力同目標嘅差距

  • 思考自己興趣所在:文?商?理?

  • 上大學官方網站睇下各科嘅課程同就業出路

  • 問讀緊U嘅師兄師姐相關意見

好多姨媽姑姐都會講:哎呀,唔使咁早諗啦,總之你而家專心讀書先,成績好嘅話咩科都任你簡到💁‍但選科係越早諗越好的,因為你知道自己目標學系重視邊科成績後,就要集中火力擺多啲時間落果科(e.g.你想讀accounting,你就擺多d時間落商科)咁樣時間分配都會做得好啲⏳

2. 考慮是否需要drop科

考完中五大考算係drop科嘅最後最後嘅合適關頭🤔(p.s.我自己亦係Chem嘅逃兵😓)我識得有啲人係中六先drop,甚至係DSE先黎後悔再缺席果科。

但讀書上同心理上嘅掙扎已經浪費太多時間🙅‍♀ 如果你讀緊一科嘅狀況完全符合以下情形,我就會建議你認真考慮下去留:

  • 付出同成果不合比例(e.g.擺四到五成嘅學習時間落去果科,但成績係最差)

  • 果科同你大學想讀嘅科冇太大關聯(e.g.你大學想讀商,而你讀bio讀得好吃力)

  • 你唔係好執著非3X不可 (如果你唔aim讀神科的話,其實2X/2.5X已經夠)

當然,drop科係好認真嘅事,記住問下科主任老師嘅意見 🤔

3. 搜羅學習資源

收集學習資源係超花時間的😕趁暑假就快啲做:

  • 搵By Year同By Topic嘅Past Paper

  • 影印Past Paper (如果學校唔幫你print的話)

  • 整理自己嘅讀書筆記(超重要!!)

  • 參考過來人讀書心得(e.g. 睇AfterSchool嘅分享)

  • 買補習筆記/ mock paper(有需要的話)

4. 搵補習

中六要溫書、操卷、補課、做SBA etc.😩時間少之又少,所以我個人都不太建議中六補太多習😥


真係覺得好有需要補嘅話,試下暑期精讀班,個幾月內地獄式集訓,如此一來開學就未必需要補,有多啲空餘時間🤔(報AfterSchool嘅網上課程都好慳時間架!好似上YouTube咁輕鬆!)

5. 做定學校啲無聊野

做定你覺得對DSE冇乜幫助學校又一定要求你做嘅野💩(e.g. news commentary, gp project, portfolio)

如果你知道project/ SBA要睇邊套書/戲嘅話,咪睇左先囉😴等到開學就可以集中火力備戰DSE😎

6. 溫書,操卷

呢點係常識吧😂😂

7. 培養好習慣

我知好多人一放假就日夜顛倒… 但去到F6咁緊張嘅階段就好停啦!✋作息要定時,就算放假都較鬧鐘,逼自己早睡早起(e.g. 六/七點起身),起碼訓七個鐘,保持呢個習慣到study leave,鬥志同狀態都會好好多🔥


同埋再忙都要做運動,例如夜跑,運動完身體會累,但會精神好多,溫書更有效率,而且減低患病嘅機會👩‍⚕


我有個夜貓fd去到study leave先一時夜訓,一時早訓,DSE先黎病左好幾次。所以千萬不要忽視自己嘅健康啊!

8. 訓練專注力

專注力對於溫書/考試呢d分秒必爭嘅情況超級超級重要😠如果你係機不離手,趁暑假就試下去自修室,學習獨處時點樣靜下心來💁‍♀同埋可以訂立時間表,逼自己響某段時間做曬所有野之後先黎休息⌚


唔好Study Leave先黎改拖延嘅習慣!

9. 放鬆

呢個暑假瘋狂操卷加補課,係chur的😥聽歌,做運動,約fd出黎吹下水都係唔錯嘅減壓方法😴但唔好再煲劇/煲動漫/追星,會有心癮的😑可以unlike/ unfollow 之前like/ follow 過嘅相關pages,逼自己唔再追新動態,都唔好再同fd傾啦。


我暑假果陣就一次過del曬手機game💩一時嘅忍耐係為更好的將來🌈可以去下短途旅行,但唔好去成個月嘅exchange/ trip 啦🌚


睇完係咪覺得暑假好多野可以做,可以好有意義同充實呢!即刻坐言起行把握而唔好浪費時間啦!唔喺又hea走咗啲時間架啦!


閱讀更多
升中六嘅同學可以睇翻我上一篇攻略😃今次呢篇主要係比翻升中四/中五嘅同學仔睇的~

中四升中五——高效運用暑假六式

AfterSchool

2019年07月31日

15
一年容易又暑假,成日話自己成績差追唔上進度,你又有無諗過原來識得善用暑假,可以幫你短時間內脫胎換骨,極速進步?今日我就會分享一啲溫習常犯錯誤同時間管理心得,幫你用呢個暑假追翻上年進度之餘,仲可以有多餘時間操paper!

暑假用呢套方法溫一個月,可以輕鬆追翻一年嘅進度?!

Ronald校工|港大化學

2019年07月31日

11
一個好嘅學習規劃可以有咩效果?Stanford University就做過一個實驗,發現學生用短短15分鐘去進行有效嘅學習規劃,可以於10日內提高考試成績10—15%!換翻DSE嘅語言就係十日內升1—2個grade!  而我今日會將呢套世界級頂尖大學嘅學習方法,做少少調整套落DSE度。務求幫你用最短時間、高效咁提高學習效率!

連世界頂尖大學尖子都用緊嘅極高效學習規劃方法—DSE版

Ronald校工|港大化學

2019年07月15日

13