同朋友一齊溫習真喺Work?

The Chemist🧪
The Chemist🧪 2019年08月20日
有唔少人都鍾意放學後或者週末嘅時候,約埋一班朋友到圖書館或者Cafe一齊溫書,但係相比起自己一個溫書,同fd一齊溫係咪真係好事呢?

有唔少人都鍾意放學後或者週末嘅時候,約埋一班朋友到圖書館或者Cafe一齊溫書,但係相比起自己一個溫書,同fd一齊溫係咪真係好事呢?

同fd溫習嘅好處

有研究就話原來同朋友一齊溫習係可以有效提升動力(Motivation),原因我就無深究,但可能就係你見到朋友坐起隔離咁勤力,你都會想一齊努力考好個試佢!
而且一齊溫習果陣,有咩唔明唔肯定都可以隨時隨地提出,同身邊嘅朋友一齊討論!而喺呢個過程入面更加可以加強你對各個概念嘅認識!

同fd溫習嘅壞處

聽落好似好正,但原來同朋友溫習比起自己溫個效率未必有咁高,因為同朋友溫嘅過程中往往會出現好多令你分心嘅事物(Distractions),例如突然你個fd「聊」你講嘢,搞到你分心,根住傾傾下又發現自己浪費咗唔少時間😭

總結

你問我的話,我覺得同朋友一齊溫習係可以,但係就唔好太過經常去做,留多少少時間比自己去集中溫習。
而就算你真係約朋友出黎溫,最好都要互相監督,同埋最好就有個leader定好果日要溫嘅topics可以一齊溫,而唔好每個人各自溫自己嘅嘢,相信咁樣大家有效提升Group Study嘅效率!