神奇記憶法~讓學習變得有趣嘅最佳良藥

AfterSchool
AfterSchool 2019年08月29日
想提升記憶力?唔想成日都乜都唔記得,想DSE考試可以高分一啲,想成為狀元?你需要讓學習變得有趣嘅記憶法

明明科學家話我地淨係用咗個腦嘅10% 但係點解自己好似咁蠢?成日記得呢樣唔記得個樣 究竟要點樣先可以聰明多小小?


上次第一集就講咗五個提升記憶力嘅方法 —— 想睇翻第一集嘅內容? Click here!


覺得唔夠用?等我講多四個比你聽啦!


方法六: 先了解、後背誦

如果你根本唔了解課文嘅根本,唔明白究竟佢想帶出黎嘅意思

你點記都好都只係會停留係死記嘅階段

死記有咩唔好?就係當題型一轉 你就會冇辦法思考,乜題目都唔會識得答 咁你用黎死記嘅時間全部都會白費

  

所以先成為了解嘅人 再去記憶、背誦啦


呢個技巧無論係文科抑或係理科都絕對可以使用!

中文範文?先了解內容,明白作者寫作背景、心情之後再去理解背誦

數學卷?先理解概念再做練習!


先要成為了解嘅人再去背誦,先可以提升效率 同一時間 提升成績!


方法七: 成為小老師教翻人地!

要成為小老師 避免誤人子弟 首先你就要完全了解課文嘅內容~
每一個人都對唔同嘅 topic 有唔同嘅疑問~ 如果你可以解答到對方所有嘅疑問 咁真係恭喜你!你已經呢個內容融會貫通喇


藉由教授其他人~你可以考驗自己係咪真係清楚了解每個概念。

你都可以同朋友一齊溫書,佢教下你、你又教下佢

無論係教人抑或係被教 你都等於學咗兩次~咁仲有唔記得嘅理由咩?

如果你仲真係唔記得嘅  咁就講多3、5、7次 !實行自己洗自己個腦,係你煩死自己之前 你一定會記得所有你該要記得嘅內容!😘

方法八:聽錄音

如果你唔想約個朋友出黎一齊溫書,不妨自己開個WhatsApp Group 或者直接自己錄音,自己解釋翻比自己聽。係搭地鐵嘅時候都可以聽翻自己講解嘅課文,呢個方法唔單止可以可以善用時間,仲可以練埋speaking,令自己說話更加有條理同有重點

方法九:學習後立刻使用

好多時候 學生都會有一個假象:「覺得自己識,但係做卷嘅時候就乜都唔記得」

明明記得自己學過 但係就唔記得個內容係乜🤨


點解?就係因為你冇使用你學習咗嘅部分。


你學習咗,知識已經輸入咗係你個腦當中;但係你唔使用,所以你個腦就define 咗呢個部分做唔重要🤯

所以先會好似「忘記」呢個部分~

唔想咁樣嘅話,首先你要話比你個腦知道 呢個「知識」係有用嘅~


「練習」就係使用咗你去「學習」嘅部分,所以大腦就知道呢個部分係有用嘅 就會將呢個部分放係意識當中~

藉由練習、實踐,就可以將學習嘅內容牢牢記住


方法就比咗你喇,你都學習咗呢啲方法,但係唯有實踐嘅人先會知道呢啲方法係咪真係work~

想知道我呃你?定係真係講真話?咁你咪跟住去做下囉😗


閱讀更多
要成為DSE狀元,首先要計畫!係F6要衝刺之前,不妨預留小小時間整個DSE study plan比自己!一齊想A1邁進

向DSE狀元偷師,從制訂Study Plan開始!贏在起跑線

Monica Chan

2019年08月29日

23
高中讀英文應該功利d,以考試作主。   Reading——建議多操多練 除咗DSE值得操,AL fill-in-the blanks都可以幫你訓練語感(但不宜操太多,難度同DSE差距太大),CE Reading都值得用黎訓練基礎理解能力同考評局D套路,畢竟無人比考評局更了解考評局。

狀元教你考好DSE英文四卷——高中篇

Monica Chan

2019年08月12日

19
DSE英文Listening Paper 3 ,好多時候大家見到咁多data就會無從入手,今日就教大家點樣好好處理海量data,係DSE英文卷三成為得分高手!

想英文綜合攞足分?咁你一定要入黎睇下喇

MasterFf

2019年08月29日

8