剩底兩個月就DSE⋯放棄反而有機會升grade?

Ronald
Ronald 2019年04月10日
最後兩個月、每科都有N咁多個課題,係唔係覺得點溫都溫唔晒?做極PP都拎唔到理想成績?與其「周身刀,無把利」,有無諗過專心磨好幾把刀呢?今日我會教你如何「有策略地放棄」!

剩底兩個月就DSE⋯放棄反而有機會升grade?

最後兩個月、每科都有N咁多個課題,係唔係覺得點溫都溫唔晒?做極PP都拎唔到理想成績?與其「周身刀,無把利」,有無諗過專心磨好幾把刀呢?今日我會教你如何「有策略地放棄」!


真人真事—棄完大課題都仲有lv 5?

我當年DSE其中一個選修科係Physics,而我果陣最唔掂嘅就係EM Wave呢個大課題(佔約15-25%)

所以我當時最後兩個月選擇咗完全放棄呢個大課題,講緊嘅係同佢相關嘅所有題目、概念都唔操、唔睇,專攻其他比較有信心嘅課題!

最後我嘅Physics係完全放棄一個大課題嘅情況底下,都拎到lv 5嘅成績!


棄科好處#1 高效運用有效時間

時間有限,你要認清你唔係識得影分身/三頭六臂,係無可能咩都溫晒。呢啲緊急關頭與其「取」,你更加係要「捨」。捨去你無信心嘅科目或課題,專攻其他科目,磨好一兩把刀!


棄科好處#2 JUPAS計分加成

19 DSE嘅應該都知HKU同CU今年都有加分機制,拎lv 5或以上會有加成!所以專攻一兩科去奪星絕對比科科都lv 4有著數!


棄科伏位#1 棄嘅課題必須為獨立課題

「獨立課題」係指果個課題本身嘅概念同其他課題無咩直接關係,放棄咗佢都唔會對其他課題嘅表現有影響!

以數學為例,Probability、P&C可以算係獨立課題,因為放棄佢哋唔會對你於algebra/geometry果方面有咩影響~所以你決定棄課題前要確保果個課題本身係接近100%獨立!否則到時弄巧反拙就⋯⋯


棄科伏位#2 棄科前要諗清楚

越嚟越多大學學科係計Best 6,如果你本身係2X,再棄一科其實好危險。除非你本身已經有一個好明確嘅JUPAS目標,好清楚你想讀嘅科嘅計分方法,否則棄科前必定要三思啊!


時間有限:放棄可能係最佳策略

剩底時間唔多,強烈建議每一位考生花少少時間反思下目前各科嘅進度同表現,以及你JUPAS想揀咩,決定棄科/棄課題與否,再製定一個最有效嘅溫習策略!

時間有限:你需要針對性嘅學習方法

如果你已經搵出想針對嘅科目或課題,但係由覺得自己一個未必搞得掂。你可以到AfterSchool嘅DSE學習平台,按照你嘅需要去選擇最合適嘅網上課程,安在家中高效學習,絕對比你盲目溫習有效得多


閱讀更多
唔知道大家溫書果陣有冇咁嘅感覺呢?身為DSE嘅過來人,受過DSE嘅洗禮,好明白大家喺備戰考試時嘅煎熬🤕有時望著厚到成座山咁嘅notes同埋教科書,真喺有種「心很累」、「還不夠絕望、尚可更絕望」嘅感覺😢。不過,年輕人,唔駛咁灰wor!以下喺幾個我根據自身經驗,同埋自己睇書做research得返黎嘅背書心得,希望可以幫到大家😜

抽字記憶法!助你得勝DSE!

Smarkle_dse

2019年10月09日

11
大家都睇咗好多同學習有關嘅文章,今次小編就同大家分享一下同Lifestyle有關嘅文章啦!雖然作者話係寫比18歲嘅人睇嘅~但係小編覺得呢啲~提早學習就可以提早享受!!😍所以就係呢個時候分享比大家睇啦!

18歲之前必須要知道的5件事情!

culawstudy

2019年10月04日

11