【DSE收音機全攻略】中、英文聆聽考試前必睇

AfterSchool
AfterSchool 2020-1-22 85,260

DSE中文同英文科嘅卷三聆聽及綜合考試都要考生自備收音機應試,但喺到底要用咩牌子嘅收音機?收音機要喺邊到買?AfterSchool一文帶你睇曬DSE 收音機同listening嘅事前準備!

1. 點解HKDSE聆聽考試要用收音機?

聆聽考試用電台或紅外線接收系統廣播錄音內容,同學可參照准考證列出嘅試場廣播方式,準備合適嘅器材:

  • 如果你喺電台廣播,就需要帶備耳筒和收音機
  • 如果你喺紅外線接收系統,就無須自備收音機,但必須帶備合規格嘅耳筒

 

2. 考評局對考試用收音機有咩要求?

✅必須:

  • 可收聽 FM 電台廣播
    每年嘅文憑試卷三都喺用香港電台第二台做廣播嘅,記住要睇清楚收音機喺咪接收到FM 94.8 - 96.9 MHz嘅頻率,唔可以用凈喺接收到AM頻譜嘅舊式收音機。
  • 符合尺寸
    機身要喺46厘米 x 15厘米 x 15厘米(18吋 x 6吋 x 6吋)之內,確保可以擺喺考試桌同埋有足夠空位擺放試題及答題簿。
  • 自備耳筒
    考評局規定耳筒唔可以附speaker同音量控制鍵,亦都唔可以有3個絕緣環,換言之買手機送嗰啲耳筒喺唔得架!合規格嘅耳筒需要喺直徑3.5mm嘅插頭同2個絕緣環,入耳式同頭戴式耳機都無問題。

❌ 唔可以:

  • 用其他電子儀器
    例如:MP3機、手機、內置喺耳筒嘅收音機。
  • 用放置咗儲存媒體嘅器材
    例如:放置咗錄音帶 / 雷射碟嘅收音錄音機 / 雷射機。
  • 收音機天線阻礙到其他考生或者阻塞通道

 

3. HKDSE收音機推介

講咗咁多,究竟點揀到符合DSE應試規格收音機?AfterSchool為你特別推介咗幾款上網都買到嘅合規格收音機做參考,方便你足不出戶都買到啱心水嘅收音機。

各大品牌HKDSE收音機比較

品牌 Panasonic Teledevice Sony Corus
型號 RFP150 FM-8 ICF-P26 DSE-555A
價錢 $95 $138 $168 $320
尺寸(毫米) 115x28x68 79x40x16.6 69.5x119x38 89x53x14
重量(克) 128 65 180 70

 

1. Panasonic - RFP150

2. Teledevice - FM-8

3. Sony - ICF-P26

4. Corus - CORUS DSE-555A

買邊種DSE收音機?去邊到買?

報章揾咗電子及資訊工程學者去測試三款唔同價位嘅收音機,結果發現,最貴型號雜音比較少,但其他型號嘅音質亦屬於可接受範圍。

小編認為最緊要喺考慮翻自己可接受嘅價錢範圍做選擇,除咗網購,可以嘅話梗喺去實地試機,同售貨員逐項核對翻考評局收音機嘅要求,咁就萬無一失啦!其他買到收音機嘅地方包括:

  1. 豐澤
  2. Sony
  3. 商務印書館
  4. 鴨寮街(要特別小心試機同留意保養期限)

 

4. 應考HKDSE中文、英文聆聽前嘅注意事項

  1. 如果收音機有立體聲及單聲道兩種接收模式,應選擇單聲道
  2. 預先熟習操作方法,試下自己喺屋企調校頻道同音量。
  3. 確保收音機可以正常運作,並將新電池放入機內,帶埋2-4粒後備電池,試場入面唔會有額外電池備用 。
  4. 如果考生所帶的收音機不符合要求,將會被安排前往「特別室」應考。

 

5. 咩喺特別室?

考試開始前,監考員會指示同學將收音機調校到正確嘅電台同檢查同學嘅設備。如果同學遇到特別狀況,將會被安排去「特別室」。特別室有一部座枱式收音機,同學喺入面會聽到電臺廣播,唔需要戴耳機。

喺「特別室」應考嘅所有同學都要填寫「特別室考試報告書」。

入特別室喺咪一定會扣分架?

未必嘅,以下情況喺唔會扣分嘅:

  • 帶咗嘅收音機或者耳筒唔可以正常運作
  • 報稱較唔到收音機去指定電台或收音機接收不清
  • 收音機體積過大

相反,以下呢啲情況就有機會被扣分

  • 無帶收音機
  • 無耳筒或者電池
  • 遲過報到時間 30 分鐘才到試場
  •  收音機唔啱規格或者帶錯具收音功能嘅其他器材(例如MP3機)
  • 在「特別室」入面用自備嘅耳筒式收音機收聽考試廣播

所以同學記住及早做好準備,避免比考評局扣分!

 

6. 八個你一定諗過既常見問題

①  應試專用收音機真喺好啲?

視乎你嘅需要,即使廠商唔喺以DSE適用黎做推廣,市面上大多數嘅收音機亦滿足卷三聆聽嘅要求,同學只需特別留意尺寸。

②  咩喺攻擊型 / 防禦型收音機

攻擊型收音機:有特長天線嘅收音機,可干擾其他考生接收訊號。

防禦型收音機:收音機接收訊號範圍大,抗干擾力強。

以上都喺坊間傳言,其實考評局曾諮詢廣播電訊專家的意見,澄清收音機的天線長短,並不會對附近其他收音機的收音質素造成影響嘅。

③  可唔可以揀去紅外線試場? 

唔可以,同學要注意准考證所載列的資料,如被分配到採用紅外線接收系統的試場,准考證上會以「#」號顯示。

④   駛唔駛帶兩部/ 三部收音機做後備

唔少同學都會帶多部以防萬一,其實同學即使只帶一部,而嗰部收音機臨場失靈嘅話,仍然可以申請入去特別室考而唔扣分嘅。

⑤  可唔可以同時用兩部收音機考試?

理論上可以,過去亦有同學會帶兩部收音機入試場測試邊部比較清晰再選用其中一部,更有同學左右兩邊耳仔各用唔同收音機,不過效果好唔好就見仁見智……

⑥  到時真喺有雜音點算?

可申請入特別室。

⑦  可唔可以揀入去特別室

可以,有合理理由嘅話可以向監考員申請,要留意翻上面講邊啲情況會扣分、邊啲唔會。

⑧  有無考評局認證嘅收音機

無,不同於計數機有H.K.E.A.A. 認證嘅考試型號,收音機是無考評局認證型號嘅,坊間販賣嘅考試專用收音機喺營銷噱頭,同學仍然需要自己判斷收音機啱唔啱規格。

 

工欲善其事、必先利其器。買完收音機仲想預備得好啲?邊個話聆聽考試無得準備!

AfterSchool為你帶黎《DSE七科5**—教你做英文卷三》同《DSE 英文Paper 2 Writing 與Paper 3 Extended Writing的解題技巧》,一齊睇下卷三點攞高分啦!

 

免費 DSE 電子報
定期為 30,000+ 中學生送上實用 DSE 資訊和資源
AfterSchool

AfterSchool