範文表面上係「溫熟就有分」，但極多同學即使溫完之後都係完全攞唔到分，更加唔好講喺30分入面攞夠27/28分。小編喺中文攞到Straight 5** 嘅成績，今次就率先同大家披露兵家必爭之地－－十二篇範文嘅速溫方法❗️ 溫習範文時嘅兩個常見問題： 唔知點溫 唔知點答 針對第一個問題，極多一般考生嘅溫法就係就咁睇課文問題，或者「閱讀」吓本雞精書就覺得自己溫完。你心入面永遠諗住「其實範文出嚟出去都係嗰啲問題，冇乜必要溫啦，唔識咪吹水攞分」 ，但依種諗法喺DSE 入面喺死緊，閱讀卷後面已經唔易攞分，甲部仲諗住比自己失分？🤯 解決方法 以下係我溫每一課範文極入腦嘅方法，通常做咗一次就會極熟，之後唔駛再詳細研讀都會建立到長期記憶😎 收集同一課範文嘅資料，包括學校書、補習老師筆記、教育局資源同雞精書 整合唔同筆記嘅重點，再抄落自己嘅筆記簿度，我會大致分幾項 主旨及段落大意 中心思想 寫作及修辭手法 關鍵字譯 自己出範文嘅題目同諗埋答案 操範文MC同LQ，Yylam 同蕭源每篇範文嘅筆記都有50幾條MC比你操，我覺得可以幫到我清Concept☺️ 除此之外，我喺操範文嘅pp同mock卷之後，再會仔細研究Marking，比對唔同卷嘅相同題型嘅Marking之後，我發現咗一啲隱藏嘅系統化答題技巧🤣，之後完全明白唒所有極低命中率同空泛題目嘅破解方法，仲有即使你諗唔到點答，淨係睇條題目都可以吹到幾分嘅神技❗️🤯 對我喺DSE 攞Straight 5** 極有幫助😎 如果大家仲想知多啲準備中文卷一嘅心得同技巧，可以睇下呢篇【DSE溫習攻略】中文卷一閱讀備戰指南同【DSE中文備戰攻略】10月中文卷一、卷二綜合懶人包。大家亦可以報讀Afterschool提供嘅各款補習課程，好好規劃自己嘅學習計劃！
