【DSE Maths MC 全攻略】如何提升答題速度200%?

Gary Maths
Gary Maths 2020年04月18日
DSE Maths 嘅 Paper 2(MC卷)除翻開一題平均有100秒嘅時間,但每年總有好多學生表示唔夠時間做卷!等我教你提升數學MC答題速度200%嘅方法喇!

DSE數學科作為主修科目之中,喺唔少大學Program嘅JUPAS計分上都會有加成,例如係Nursing、Business呢啲數理、商科上數學嘅成績就會乘以1.5,甚至係乘以2。就算你專心諗住做個文科人,你報JUPAS嘅時候多1-2嘅話對你入大學絕對會有好大嘅幫助,所以千其唔好睇少數學呢一科。小編今次就集中同大家分享一吓DSE數學卷嘅應試心得,由備試操Past Paper去到考場上嘅做卷攻略,等大家可以更有效咁對付數學卷呢隻大Boss!

閱前須知

好多同學仔都會以為數學呢一科喺真正開考前一個月先開始操都冇問題,但其實呢個concept就正正係個好大嘅問題。DSE數學卷係一個考你答題準確度速度嘅遊戲,一個有跟開補習嘅同學,除咗會學識唔同提升做卷速度嘅技巧以外,佢仲可以喺日常Question Bank練習上訓練自己嘅數感。數感係啲乜?一個數感好嘅同學可以一睇題目就知道係問緊乜嘢Concept,咁樣就會節省好多解題嘅時間雖然數感係可以train翻嚟,但絕對唔係一個月內可以完成嘅事

而因為DSE數學卷係分開咗LQ同MC,兩份卷都各自有自己獨特嘅技巧,而今次小編就整合咗數學5**導師對MC卷嘅應試心得,等大家喺備試嘅時間可以有更好學習方向!

數學MC卷應對方法

DSE Maths 嘅 Paper 2(MC卷)有足足75分鐘時間比你做,除翻開一題平均有100秒嘅時間,而且唔需要寫任何步驟。但每一年都總係有好多處於中下遊嘅學生表示唔夠時間做卷!

相反,我喺 17 DSE 中數學以98%分數奪得5**,更加重要嘅係——我只係用咗一半時間就完成MC卷並取得滿分(45/45)嘅成績!

到底我同你嘅差別係邊度?同埋你又做啲咩先可以提升到去我嘅水平?睇落去你就知!

數學MC卷永遠做唔切嘅三大原因

原因一:每年都有新題型

其實每一年MC卷的出題方針都係大同小異,係一份比較容易操練嘅卷,而考評局每一年都會係MC題目些花多一啲心思,務求係某幾題入面浪費大家極多嘅時間,從而令成份卷唔夠時間做。

例如2017年新出嘅4心加直線方程,係要求大家好熟4心嘅Concept之餘,仲要配合直線嘅公式黎考,封殺大家用嘅4心Program,令同學仔唔夠時間做。

原因二:題目順序

每一年MC卷的題目順序其實暗藏伏位,大多數同學做MC嘅時候都應該係順序做落去,而呢個正正係好多人做唔晒嘅原因。

楷因考評局已經由Lv.1會考時代進化成Lv.2 DSE,最難完成嘅題目唔會再放係最尾,甚至乎唔係Section B嘅題目。所以大家好容易會係成份卷中間卡住,一直消耗原本已經唔係好多嘅時間。

原因三:冇圖嘅題目成為大趨勢

以往頭幾年DSE唔少題目都用CE做參考,所以好多題型都會提供一幅圖俾大家容易啲做。但係近年DSE開始將啲圖收埋,由長問答開始一直延伸到MCQ。

舉例如2019 DSE最新嘅Log對數題目,就冇提供到圖;又好似上面4心加直線方程,呢一類嘅題型以往都會提供圖用作參考。無圖嘅時侯條題目變得抽象,就算你識得畫翻出嚟都已經晒咗你唔少時間喇!

只需簡單技巧,即可大幅提升MC做卷速度200%!

上面就講少唔少考評局出卷嘅方針同埋大家做MC卷成日都做唔切嘅原因,跟住我就會分享下點樣用剩低嘅時間大幅提升你MC卷嘅答題速度:

方法一:先跳過最難題型

好似上面咁講,DSE最難完成嘅題目唔會再放係最尾,而係喺中間部份第 16 至 24 題嘅圖型及圓形題,近年亦會喺 Q37 - Q41 放一啲新題型。

如果見到呢一啲題目,不妨將佢地放到最後先做,以免影響到其他題目嘅發揮。一來可以增加自信心,二來做難題嘅時候無後顧之憂。

但如果呢類題型本身對你嚟講係無從入手的話,你可以報讀我嘅《座標幾何輕鬆秒|數學MC滿分全攻略》,入面我會教你點樣秒殺所有有關座標、圖形、幾何嘅題型,教你輕鬆打低 Boss 級嘅題目。更加會分享埋七個考試必入嘅計數機Program!幫你穩5衝星!

立即查看課程

 

方法二:用Skills、Program去秒殺必出題型,節省時間

操過卷嘅都知MC卷有唔少題型係每年必出,而呢堆題型其實有好多都可以用Skills同計數機Program輕鬆秒殺。我講緊嘅係一知道佢係咩題型,用 5 - 10 秒時間就可以搵到正確答案嘅速度!

你未必好似我咁 aim 用一半時間去KO份MC卷,但係學啱技巧秒咗啲必出題型,變相等你有更充裕嘅時間去做更難嘅題目!

你可以報讀我嘅《計數機屈分秒殺大法|數學MC滿分全攻略》,入面我會教你點樣單單用計數機去秒殺MC卷入面三分一(15題)嘅題目!仲會教埋DSE計數機最需要入嘅 Program!

立即查看課程

 

方法三:重複操練

任何嘅技巧同Program都需要大家一次又一次嘅練習先會融會貫通。再利害嘅技巧,考試用唔出都冇用!所以同學學識咗啲skills/program之後,必須要繼續操練,直到見到個題型個身體就識得反射動作咁用合適嘅skills/program去搵出個答案!

P.S. 我嘅《數學MC滿分全攻略》系列嘅所有課程都可以一年內俾大家無限次重溫,務求令大家熟悉晒所有嘅技巧,事不宜遲快啲去睇下詳情啦!

數學MC滿分全攻略

為咗令同學可以有系統咁去學習一套必勝嘅 DSE 數學 Paper 2 嘅答題技巧,我特意開發咗呢套《數學MC滿分全攻略》網上課程!

  1. 計數機屈分秒殺大法:教你點樣單用計數機奪取至少15題MC(平均每題30秒內做完)
  2. 概率統計題型輕鬆秒:主攻Probi嘅各種題型嘅秒殺神技(佔分 8 - 9%)
  3. 座標幾何輕鬆秒:主攻座標幾何嘅題型速解法,再教你七個必入嘅Program

每個課程各有重點,但均以實戰為中心(附有海量題庫),你可以按照需要去報讀。當然一次過報晒三個會更好,因為中間嘅技巧、概念會互相打通,務求你到DSE上可以得心應手。

最後你可以吸收到呢篇文同我課程嘅內容,到DSE果陣可以輕鬆KO數學MC卷!

相關課程

MC 神技體驗班

5
開放報名・尚有充足名額
  • $300 $50

MC Killer 技巧班

4.9
進行中・即將爆滿
  • $1500
數學
數學