目錄
學校簡介
位於東區嘅庇理羅士女子中學(Belilios Public School)創立於1890年，係一間官立女子中學。由前香港上海匯豐銀行董事、猶太裔慈善家庇理羅士在19世紀末創立、無宗教背景。
佢嘅校訓為「登高見博」(Climb High See Wide)，除咗發揚校訓精神，佢嘅辦學宗旨仲包括提升學生創造力、提供均衡課程，以令學生得到全面發展，養成終身學習精神。
學校以英文為主要教學語言、按照教育局「中學學位分配辦法」收生。根據過往學校公開的文憑試(DSE)成績，庇理羅士女子中學的級別(banding)屬於band 1A。喺2017年，其學生施奕昕更成為DSE女狀元！
地址：香港天后廟道51號
歷史背景
作為香港歷史最悠久的官立女校， 學校創下兩個教育界先河：佢係首間中央女子書院、同埋首間以私人名義捐款建校嘅學校，標誌住香港喺女性教育上嘅突破。
佢嘅舊址中環荷李活道嘅中央書院，其三層高嘅校舍係喺猶太裔慈善家庇理羅士捐獻下建成。其中因為戰亂而停學、遷校數次。直到1965年，學校就由中環搬到今日位於北角天后廟道嘅校舍。
一直以黎，學校為香港培育咗唔少傑出人士，包括政界高官同藝人，着名校友包括全國政協委員方黃吉雯、前公務員事務局長俞宗怡、香港浸會大學文潔華教授。
猶太裔慈善家庇理羅士
（圖片來源：明周文化）
教學模式
庇理羅士著重營造英語學校環境，所以除咗中國語文、中國歷史、普通話、生命教育由中文授課外，其他科目都係以英文授課。更曾邀請數位已退休嘅香港知名人士，主領名為「英語聯隊」嘅英語會話計劃，希望透過會話交流，創造更豐富嘅英語環境、以輕鬆愉快的方式提升英語水平。
學生去到高中（中四至中六），除咗常見嘅科目，更有英國文學同旅遊與款待作為選修科。而從2018年起，學校同校外機構協辦日文課程，幫助同學與世界接軌。
學校共設有四個社，三十幾個學會同興趣小組，包括學術、藝術、體育、興趣、服務同宗教。學校亦鼓勵學生參加不同的比賽及交流活動，例如海外夏令營，奧林匹克比賽、花式溜冰大獎賽、各地區文化、學術交流團等。滿足不同學生的興趣及能力，拓闊學生的視野。
師資和教育配套
師資方面，目前庇理羅士教學人員有54人，其中96%擁有教育文憑、98%擁有學士資格、52%是碩士、博士或以上學歷、39%具有特殊教育培訓資歷。年資方面，有76%老師擁有10年或以上年資！
（資料來源：Schooland）
庇理羅士全校共有 24 班，而校舍則佔地約5574平方米。除咗課室、室內外操場同禮堂等基本配套之外之外，仲有校園電視台、實驗室、籃球場、排球場、PTA花園、BOGA花園、環保天台。設施咁齊備，相信可以幫到學生進行全人教育、發掘更多天賦潛能。
收生程序
庇理羅士身為本港首屈一指的官立女校、稱為盛產香港「女強人」的搖籃，入學競爭自然大。雖然冇直資嘅「一條龍」服務，不過官立津貼學校都有「聯繫學額」制度。
根據教育局「中學學位分配辦法」，中學扣除重讀生同「自行分配學位」後，可以為其聯繫小學分別保留最多 25% 的學位。而庇理羅士嘅聯繫小學就有：李陞小學、般咸道官立小學、香港南區官立小學、香島道官立小學、軒尼詩道官立小學。
學校自行收生主要以面試表現、學術成績及課外活動（包括校內、校外公開比賽成績及獎項）三方面來決定是否錄取學生，比重分別是40%、45%及15%，而同學嘅操行等級需獲乙級或以上。
面試則分兩個部分，分別為中、英文朗讀和語文知識相關課題及個人面談，內容包括常識及時事課題。所以，學生最好加強了解對於時事嘅認知！
面試
庇理羅士喺收生方面，除咗學業成績都相當重視面試表現。AfterSchool就喺網上搜集咗一啲關於Belilios面試嘅相關資料，作為同學、家長嘅參考！留意返依家疫情關係，學校有機會更改面試嘅模式㗎！
根據上網非官方資料，面試會分為兩輪。第一輪係個人面試，主要用英文同考官面談對答，所以表現積極嘅考生會更有優勢！問題唔會好難明，圍繞個人生活同埋你想入Belilios嘅原因，而成績較出眾嘅同學就會進入第一輪——小組討論，喺呢一環同學仔記得要主動發言，唔好因為緊張/ 驚出錯而唔出聲！
最後，記得面試當日要穿戴整齊、準時同保持禮貌！想做好準備，可以面試前睇多啲關於庇理羅士同時事資訊，提升面試發揮水準！
相關新聞/評價
庇理羅士係band 1A嘅學校，加上校風純樸，一直以嚟未見有負面新聞。新聞主要圍繞學校喺學術上嘅成就，例如2017年DSE狀元施奕昕就係出自於庇理羅士。Belilios更憑針對解決港鐵疏通人流嘅作品「燈車易」，贏得第50屆聯校科學展嘅總冠軍，可見喺STEM發展上都相當出色～
名校專訪系列
