【香港培正中學 Pui Ching Middle School】名校專訪系列 - 九龍城區資助男女校

AfterSchool
AfterSchool 2021-5-16 1,979
香港大部分傳統名校都係英中,不過今日AfterSchool就為大家介紹名校中少數用中文為主要授課語言嘅學校——香港培正中學 (Pui Ching Middle School) 。排名出色之外,其直繫培正小學(幼稚園)直升率更高達85%!

學校簡介

香港培正中學(Pui Ching Middle School) (簡稱「培正中學」)係一間位於九龍城區嘅男女資助學校,宗教為基督教。培正中學嘅歷史始於1933年,當時只設小學部。直到1935年,先增辦初中。後來,校董會決定中小學各自獨立,中學為政府資助之「香港培正中學」,小學同幼稚園則為私立「香港培正小學」(Pui Ching Primary School)。
培正校訓為「至善至正」,辦學宗旨為基督教全人教育、提高民族民主意識;並培養完整人格同強健體魄、面對未來挑戰。
學校按照教育局「中學學位分配辦法」收生。學校以中文為主要教學語言。由於係政府資助學校,所以學費全免!根據過往學校公開的文憑試(DSE)成績,有幾位狀元皆出自香港培正中學,屬 Band 1A。
地址:九龍九龍城培正道20號

歷史背景

香港培正中學歷史悠久。喺最早期,「培正書院」由浸信會嘅華人牧師初建於廣州,成為廣州培正中學的雛型。直到1933年,校長黃啟明喺何文田設立香港培正小學,再後來發展至依家嘅「培正中學」同「香港培正小學」。
校色分為紅色和藍色,校徽亦以呢兩隻色為主。校服雖然全為純白色,但亦印有校徽。學生被稱為「紅藍兒女」,而學校的優良傳統被校友們稱為「紅藍精神」。
培正中學多年以黎培育出唔同界別嘅傑出人士,例如1998 年美國諾貝爾物理學獎得主崔琦教授,較近期嘅有擔任港交所主席、行政會議成員、前港鐵公司行政總裁嘅周松崗爵士、前任政務司長唐英年,同埋香港樂壇教父顧嘉煇。
 

教學模式

培正一直奉行母語教學。不過除咗以廣東話授課,學校會以英文製教材。希望通過學生對母語熟悉程度、維持他們的學習興趣,俾學生先從母語理解理論,再以英文教材作補充。相比起其他英中的「一刀切」進行全英文教學,培正中學希望學生可以循序漸進學習,分階段喺不同年級增加英文讀、寫、聽和講嘅分量。
雖然係中文中學,培正一直致力營造良好英語學習環境。例如學校設英語教師辦公室,喺入面學生只可用英語溝通。而初中生需要每日睇英語國際新聞、回答指定問題。中午又設英文咖啡店、英語戲劇等大量英語課外活動,幫學生用有趣嘅方法學英文。
 

師資和教育配套

師資方面,目前培正教學人員有87人。大部分老師都教育文憑/ 學士資格,更有幾位教師獲頒行政長官卓越教學獎!擁有10年或以上年資嘅老師亦佔大多數。
(資料來源:Schooland)
培正全校共有 36班,中一至中六的班數分別有6班。而校舍則佔地約15,000平方米。除咗課室、室內外操場同禮堂等基本配套之外之外,仲有STEM Room、電視台遠程教室、室內體育館、升降舞台、室內泳池、膳堂、書局等,幫學生進行全人教育、發掘更多天賦潛能。
 

收生程序

培正中學為名牌中文中學,競爭自然大。學校按照教育局的「中學學位分配辦法」收生。雖然並非真正「一條龍服務」,不過培正中學有其直屬小學,可以為其保留最多 85% 的學位,所以喺自行收生嘅環節,培正只接受直屬小學學生嘅申請。如果子女就讀培正小學,就絕對有啲優勢!
其實培正幼稚園原本是唯一列明可以100%一條龍直升培正小學部嘅幼稚園, 不過自從2017年起,因為學額減少嘅問題,幼小一條龍亦唔再存在啦~ 雖然「神話」不再,不過都無減家長為子女爭取就讀培正幼稚園嘅興趣!
 

相關新聞/評價

培正中學一直以黎聲譽良好,未見有負面新聞。新聞主要圍繞學校喺學術上嘅成就,例如喺2019年,女狀元葉卓穎就係出自於培正~除此之外,培正嘅學生喺唔同嘅國際同學界比賽都有出眾嘅成績,例如喺電腦奧林匹克比賽、中學智能創意比賽2020都有奪獎。
名校專訪系列
免費 DSE 電子報
定期為 30,000+ 中學生送上實用 DSE 資訊和資源
AfterSchool

AfterSchool

AfterSchool 是一個針對DSE而設的網上補習平台,課程涵蓋多個 DSE 科目,讓同學足不出戶就可以享有優質教學。註冊用戶人達 50,000 人,當中超過四分之一學生為應屆文憑試考生,是全港最大型網上補習平台。