2026 年 8 月 15 號（三）就係放榜嘅大日子啦！DSE 放榜一日後，考生就可以喺特定時間內因應自己嘅成績改 JUPAS choice！呢次係最後一次嘅 JUPAS 改選機會，非常重要！所以 AfterSchool 為各位 2025 DSE 考生整合咗 JUPAS 改選程序嘅資訊、攻略同步驟，希望大家都入到心儀嘅科目啦！ 放榜後 JUPAS 改選時段 1. 個人改選時段 每位考生都會被分配一個喺 2026 年 7 月 16 日 (上午 10 點) 至 7 月 18 日 (上午 11 點) 期間嘅改 choice 時段，同學喺 2026 年 6 月 24 日 (上午 9 點) 開始就可以於自己嘅 JUPAS 帳戶查閱個人嘅改選時段，改選時間因人而異，記得唔好跟錯咗其他朋友嘅 deadline 呀！同學亦只可以喺個人時段內免費改一次 JUPAS choice 㗎咋！ 2. 網上系統開放時間 同學仔要注意 JUPAS 嘅網上申請系統喺每日嘅上午 3 點至上午 6 點會因為系統維護工程而暫停開放，所以要自己安排喺適當嘅時間登入啦！ 3. 所有同學都必須遞交申請？ 絕對唔係呀！如果同學滿意之前嘅課程選擇，就無須喺改選時段內遞交申請。院校會考慮同學之前遞交嘅 JUPAS choice list，所以無需要改選嘅同學都記得要 double check 之前嘅選擇呀！ Credit: Unsplash 改選方式 增選或者以新 choice 取代最多 5 個舊 choice，但要確保全部課程選擇最後唔多於 20 個 更改課程嘅優先次序 刪除舊嘅 JUPAS choice JUPAS 改選步驟 喺個人嘅改選時段內登入 JUPAS 帳戶 確認已明白並接受聲明中嘅所有條款 喺「My DRAFT Programme Choices (課程選擇草稿) 」改 JUPAS choice 將「My DRAFT Programme Choices (課程選擇草稿) 」內改咗嘅 JUPAS choice 遞交至「My CONFIRMED Programme Choices (確認課程選擇) 」 喺指定空格內輸入「Yes」，然後撳「Submit (遞交) 」確認指令 按組別同排列次序查閱並印出喺「My CONFIRMED Programme Choices (確認課程選擇) 」內改選咗嘅 JUPAS choice 再次登入 JUPAS 帳戶查閱修改咗嘅課程選擇 檢查有冇收到確認成功改選嘅電郵同 SMS 詳情可以按此了解下。 JUPAS 排 choice 小貼士 Credit: Unsplash 1. 留意各院校最新收生要求 各院校都有自己嘅一套收生要求同分數換算公式，而且每年都可能會有一啲變動，某些院校亦設有彈性收生安排，所以就算唔符合 332A2 都有機會入到大學㗎！DSE 放榜後，同學可以根據自己嘅分數同擅長嘅科目改 JUPAS choice，揀啱換算公式對自己有利嘅科目，就可以大大增加獲錄取嘅機會，想知道各院校嘅入學要求同各科收生詳情，可以參考【八大院校入學要求 2026 】8大政府資助（UGC）及兩大自資大學 JUPAS Admission Score 收生要求 同埋 9大院校 JUPAS 入學成績 了解。 2. 比較各課程競爭情況 同學排 choice 嘅時候，應該先了解各學科嘅學額同過往競爭人數，再以 DSE 放榜成績衡量自己嘅競爭力，調整 JUPAS choice 嘅次序。 2024-2025年度各大院校競爭最多學生報讀嘅 3 個科目如下： 香港大學 課程 學額 Band A 申請人數 每個學額競爭人數 理學士 305 1473 4.83 工學學士 355 1071 3.02 文學士 289 884 3.06 香港中文大學 課程 學額 Band A 申請人數 每個學額競爭人數 理學 352 1428 4.06 工商管理學士綜合課程 222 1030 4.64 護理學 217 694 3.20 香港科技大學 課程 學額 Band A 申請人數 每個學額競爭人數 工程學 532 1575 2.96 理學B組 431 1057 2.45 工商管理 377 1035 2.75 香港城市大學 課程 學額 Band A 申請人數 每個學額競爭人數 工商管理學士（會計） 課程 150 1018 6.80 工商管理學士（市場營銷） 課程 85 934 11 電機工程學系 [選項: 工學士（電子計算機及數據工程學）、工學士（電子及電機工程學）、工學士（資訊工程學）、工學士（微電子工程學）] 178 884 5 香港浸會大學 課程 學額 Band A 申請人數 每個學額競爭人數 工商管理學士（榮譽） 187 1519 8.12 理學士(榮譽) 195 1296 6.65 文學士(榮譽) / 社會科學學士(榮譽) (歐洲研究 [法文/德文] / 地理 / 全球及中國研究 / 政治及國際關係學 / 歷史 / 社會學) 135 994 7.36 香港教育大學 課程 學額 Band A 申請人數 每個學額競爭人數 幼兒教育榮譽學士 49 1087 22.18 體育教育榮譽學士 26 903 34.73 運動科學及教練榮譽理學士 24 860 35.83 香港理工大學 課程 學額 Band A 申請人數 每個學額競爭人數 酒店及旅遊管理(榮譽)理學士組合課程 81 1086 13.41 設計學（榮譽）文學士組合課程 / / / 護理學（榮譽）理學士組合課程 - 護理學（榮譽）理學士 / / / 3. 唔同 Band 嘅排 choice 策略 各大專院校有唔少學科都傾向選擇放佢地喺 Band A 嘅學生，因此排 Band A 真係要非常小心，是決定 JUPAS 放榜成績嘅關鍵呀！ A1 可以嘗試放一啲你 DSE 分數比 Lower Quartile (LQ) 低 1、2 分而你又好想讀嘅博一博 A2 就要放比較有把握而且起碼達到 LQ 嘅科目 A3 就一定要放好有信心入到嘅科目，最好 DSE 分數去到 Medium 甚至 Upper Quartile (UQ)，而且收生人數多。 Band B，就可以話係放入硬嘅水泡科，但記得檢查清楚佢收唔收放 Band A 以外嘅人，唔好浪費咗個改選 JUPAS choice 嘅 quota 呀！ P.S. 其他 Band 入到嘅機會其實好微，可以放多啲時間研究咗最關鍵性嘅 Band A 先。 遞交並確認新 JUPAS choice 有咩要注意？ Credit: Unsplash 1. 遞交課程選擇草稿 同學要注意喺「My DRAFT Programme Choices (課程選擇草稿) 」內嘅 choice 只係草稿，唔會獲任何 JUPAS 院校作考慮用途，亦唔會被自動遞交到「My CONFIRMED Programme Choices (確認課程選擇)」內。因此，同學記得一定要將「My DRAFT Programme Choices (課程選擇草稿) 」內嘅 choice 交到「My CONFIRMED Programme Choices (確認課程選擇) 」先會被院校考慮錄取㗎！ 2. 確認成功改選 成功改選之後，同學應該印出確認版面記錄自己最終嘅 JUPAS programme list，亦會收到「大學聯招處」的確認電郵同 SMS。如果日後有任何查詢，「大學聯招處」只會接納列印版面同確認電郵作為正式證明文件，所以如果收唔到嘅話，要盡快聯絡「大學聯招處」呀！同學亦應該重新登入 JUPAS 帳戶，最後確認成功改選。 3. 謹記改選結束時間 同學一定要喺指定時間內遞交改選申請，逾期遞交嘅全部都唔會被接受㗎！唔好因為大頭蝦而錯過 JUPAS 改選機會呀！好唔抵㗎！ DSE 放榜後改 choice 係各位同學最後嘅 JUPAS 改選機會，大家一定要好好把握，小心啲根據自己嘅分數排 choice，咁先有更大嘅勝算入到自己中意嘅院校同 JUPAS programme 㗎，希望呢篇文幫到大家，各位同學都入到心儀嘅學科啦! ***注意：以上資料僅供參考，一切 JUPAS 改選程序、詳情以 JUPAS 以及各院校官方網站為準。
