【香港八大大學】入學要求 2024|8大院校 JUPAS Admission Score 收生要求

AfterSchool
AfterSchool 2024-3-11 310,082
呢個懶人包收集晒八大院校,包括 HKU, CUHK, HKUST, CityU, PolyU, BUHK, EdU, LingU 及兩所自資大學 HSU, MU(即 OU )2024年最新嘅 JUPAS Admission Score 同收生要求。想知道唔同院校今年嘅入學要求同計分方法就快啲入嚟睇下喇!
AfterSchool 幫你收集晒八大院校 2024 年最新嘅 JUPAS Admission Score、收生要求同計分方法,包括經常講嘅 8 大政府資助( UGC-Funded )大學 HKU, CUHK, HKUST, CityU, PolyU, BUHK, EdU, LingU,以及兩間都比較多學生選擇嘅自資大學HSU, HKMU(即 OUHK )。睇完呢篇文章之後,包你秒懂八大院校今年嘅 Admission Score 同收生要求嘅重點!
目錄
 

【全港最齊】香港八大 JUPAS  Admission Score 終極懶人包

排 JUPAS 前當然唔少得睇翻每個學科嘅收生要求。呢個懶人包入面有晒全港八大政府資助院校( HKU, CUHK, HKUST, BUHK, CityU, PolyU, LingU, EduHK )及兩大自資院校(HSU, HKMU)嘅 JUPAS Admission Score,等你可以輕鬆比較唔同學科嘅收生要求,輕鬆高效排 JUPAS!

香港大學 The University of Hong Kong

香港大學位於香港島薄扶林道。有十個學術學院,其中港大牙醫學院仲喺 2016、2017 年攞到全球牙醫學院 Number One!除此之外香港大學嘅教育學院喺 2017 年亦居於全亞洲首位!

香港大學入學要求 (HKU Admission Score)

香港大學嘅基本收生要求喺「332A33」,即係中英文達到 DSE 3 級水平、數學達到2級水平、公民與社會發展科達到合格 A 水平,而學生其中嘅兩科選修科亦需達到 3 級水平。

考得「達標並表現優異」的 JUPAS 計分方法:

需要特別留意嘅係香港大學對於同學於文憑試考得「達標並表現優異」(Attained with Distinction) 嘅水平,會有特別嘅計分方法:
在甲組(Categroy A)嘅科目(即係高中科目)
Level 1-4Level 5Level  5*Level  5**
1-45.578.5
在丙組(Categroy C)嘅科目(即係其他語言)
Grade E:Grade DGrade C:Grade B:Grade A:
12.545.57

即係點?即係越多 5** 越著數!專精型考生比平均型考生更大優勢!唔明?睇下下面個例子喇!
 同學A 同學B 
中文55**
英文55**
數學43
公民社會發展科AA
選修科X52
Best 51919
Best 5 
(最新計分方法計算)
19.522
你無睇錯!明明同學 A 同 B 嘅 Best 5 係一樣高,但係最新嘅加成機制底下同學 B 輕鬆高分過同學A😱  所以要係新嘅計分方法下突圍而出,記得唔好錯過呢一點,亦要記得參考 HKU JUPAS Admission Score!

香港大學收生分數和要求:每科不同

同學需要留意嘅係,即使你達到「332A33」嘅基本收生水平,並唔代表你可以入讀你心儀嘅學科。「332A33」只係香港大學基本嘅入讀要求,唔同嘅學科會有屬乎該學科嘅入讀要求或會有要求面試嘅環節!
就以 JS6107 Bachelor of Dental Surgery (牙醫學士)為例:
雖然大學嘅基本收生要求為「332A33」,但係牙醫學士嘅學科當中,基本嘅收生要求為「433A33」即係英文要取得 Level 4,剩餘嘅學科要取得 Level 3 嘅要求才可以達到牙醫學士學科嘅基本入學要求。
就算達到做基本收生要求,同學都要參考翻學科收生分數 (Admission Score):如果同學想穩入呢個學科,記得你嘅 DSE 預測分數要高過學科嘅 Upper Quartile,先至穩陣嘅;但係各位同學依家仲係學期中,仲有小小時間可以 Chur!記得唔好放棄啊!

HKU JUPAS 面試

就算成績達到了要求,Bachelor of Dental Surgery 仲設有面試環節,呢個環節嘅分數都極可能左右你能否成功入讀此學科!
因此同學必須注意!雖然學校或補習社都會建議學生「專攻」某科奪星,但同學都必須要知道「奪星」嘅同時都必須要達到自己心儀學科嘅入讀要求,更加要做好面試嘅準備先可以萬無一失。
唔單單得牙醫呢科有面試㗎!仲有好多唔同嘅學科都會有面試。想知道自己心儀學科有咩收生要求或者有冇面試,可以參考香港大學2024年不同學科嘅入學要求
 

香港中文大學 The Chinese University of Hong Kong

香港中文大學位於香港沙田馬料水,係全港佔地最大,且唯一一間實行書院制嘅學校。中文大學嘅基本收生要求亦都係「332A33」,即係中英文達到 DSE 3 級水平、數學達到2級水平、公民與社會發展科達到合格 A 水平,而學生其中嘅兩科選修科亦需達到 3 級水平。

中大入學分數和要求 (CUHK Admission Score)

每所大學都係一樣,即使學生達到了大學嘅基本入學要求,亦需要同時達到學院、或該學科嘅基本入讀要求才算達標。同學可以參考中文大學2024年對於不同學科嘅收生要求,瞭解自己需要在文憑試中考得什麼成績亦作出溫習時間表嘅調整。
好想好好做好時間管理?不妨睇下都係係讀緊 CU Law 嘅同學,分享時間管理嘅心得~【唔想再hea時間——五個有用嘅時間管理技巧
都係嗰句,要穩入一個學科要至少預測分數都要高過佢 Upper Quartile 先可以!所以同學一定要做足準備功夫,搵定呢個學科最少三年嘅中大 admission score (收生分數) 作為參考!

考得「達標並表現優異」的 JUPAS 計分方法:

需要特別留意嘅係香港中文大學對於同學於 DSE考得「達標並表現優異」(Attained with Distinction)嘅水平,會有特別嘅計分方法:
在甲組(Categroy A)嘅科目(即高中科目)
Level 1-4Level 5Level  5*Level  5**
1-45.578.5
在丙組(Categroy C)嘅科目(即其他語言)
Grade EGrade DGrade CGrade BGrade A
12345
喺排JUPAS 嘅時間,同學仔記得要參考埋 CUHK JUPAS admission score!想知呢個同 HKU 一樣嘅計分方法有咩要留意嘅地方?快啲撳呢度上去睇下喇!

2024 年中大面試安排

需要留意嘅係某些學科亦會設有面試環節!面試環節嘅分數亦可能係左右你能否成功入讀大學嘅重要因素!所以同學記得!不要在應考DSE後就什麼都不管,要預留時間參與心儀學科嘅面試!

第二次或以上於文憑試考讀該學科的 JUPAS Admission Score 調整

如果係 JUPAS 嘅同學應該不會有這樣嘅苦惱,然而假若你為重考生,而又多於一次於DSE應考相同嘅選修科。某些學科會對該選修科會有減成... 詳情可以參考此文件檔:https://www.cuhk.edu.hk/adm/jupas/arrangement-for-more-than-one-sitting-2023.pdf
 

香港科技大學 The Hong Kong University of Science and Technology

香港科技大學為於清水灣半島,由四所學術學院組成。科大連續多年被獲評為亞洲三所最佳高等學府之一。雖然香港科技大學嘅基本收分要求與 HKU 及 CU 一樣都係「332A33」,但由於當中大部分課程都要求學生嘅英文成績達到 4 級水平,換言之實際上入讀要求應當作「432A33」先比較穩妥。想要入科大嘅同學就要特別注意了。

科大入學分數和要求 (UST Admission Score)

香港科技大學基本收生要求都係同其他大學差唔多,但記得即使學生達到咗大學嘅基本入學要求,亦需要同時達到學院、或該學科嘅基本入讀要求先算達標,而你嘅 DSE 分數都要同佢預測嘅收生分數(Admission Score)相若。UST 大部分學科對英文和數學嘅加成比較重,而人文學院嘅 BSc in Global China Studies 係唯一嘅學科對中文科有加成,所以想入 UST 嘅同學,可以係英文同數學多花小小時間啦!
有關不同學院嘅收生要求/ HKUST JUPAS Admission Score,學生可以參閱 2024 科大嘅收生要求

善用科技:用聯招計分神器計算入學分數

科大嘅網站設有 UST JUPAS Calculator,同學可以揀選自己嘅心儀學科,然後輸入自己嘅 JUPAS 分數後。JUPAS Score Calculator 就會幫你計算你經過學科加成後獲得嘅分數,並會顯示出 UST 該學科嘅基本收生要求同埋歷年嘅收生分數,包括有:Highest attainable、 Median 和 LQ 嘅數據,非常方便。
特此附上  JUPAS Calculator 嘅連結:https://join.ust.hk/jupas-score

2024年科大面試安排

需要留意嘅係某些學科會設有面試環節!面試環節嘅分數亦可能係左右你能否成功入讀大學嘅重要因素!所以同學記得!唔好係應考DSE後就咩都唔理,一定要預留時間去心儀學科嘅面試!
HKUST 有某啲學科係必須面試先會考慮取錄嘅,因此同學考完 DSE 之後一定要留意自己嘅 Email;根據 UST校方網站,面試大多會以 Skype 嘅形式進行。
 

香港城市大學 The City University of Hong Kong

香港城市大學位於九龍塘,注重多元化、跨文化學習與全球視野。由十個學院組成,其中以工學院、人文及社會科學院及商學院嘅表現較為突出。城大亦係全港唯一一間提供六年制獸醫課程嘅大學。
城市大學嘅基本收生要求亦係「332A33」。CityU 大部分課程使用 4 個核心科目 + 2 個選修科目計算,而不同嘅學科對不同嘅選修科亦有不同嘅加成。但先最準確了解到自己入到心儀科目嘅機會有幾高,小編都係建議你參考 CityU Admission Score!

城大入學分數和要求 (CityU JUPAS Admission Score)

城大亦一樣,不同嘅學科也會有自己嘅收生要求;其中最高要求嘅為 JS1061 Bachelor of Laws:要求學生於 DSE 中於英文獲得第 5 級水平;其他嘅學科大多嘅基本要求都係「332A33」詳情可以參閱 CityU 上一年度嘅收生數據

2024城大面試/筆試安排

某一啲學科會設有面試安排;有啲更設有筆試,或要求學生呈交作品集。同學記得注意呢啲要求。無論係面試、筆試抑或係作品集嘅分數都會計算落同學嘅入學分數當中,唔好放過任何一個可以獲得分數加成嘅機會。
城市大學已經發布 2024 年嘅面試/筆試安排,詳情可以參閱香港城市大學——面試/筆試安排
 

香港理工大學 The Polytechnic University of Hong Kong

香港理工大學位於九龍紅磡灣,由八間學院組成,於 2016 年嘅「本港僱主最願意聘用嘅大學畢業生」調查中名列第 2。理大嘅視光學、物理治療、護士學、酒店及管理學以及設計亦廣為人知。
理工大學基本收生要求亦係「332A33」,至於理大收生分數 (Admission Score) 就會按照唔同學科有所差異。PolyU 大部分嘅學科使用 Best 5 形式,即係你喺文憑試當中考獲嘅最佳五科成績來計算入學分數。

理工大學收生要求 (PolyU Admission Score)

唔同嘅學科就著重唔同嘅特質和學習範疇,亦會有唔同嘅收生要求。有關 PolyU 不同學科嘅基本收生要求 (Poly Admission Score) 可以喺呢度找到:https://www.polyu.edu.hk/aradm/jupas/admission_figures.pdf

2024理工大學面試/筆試安排

理工大學於面試/筆試時段會 E-mail 同學邀請同學去面試,而時間、地點就會透過另外一個系統查閱,特意附上網址:https://www38.polyu.edu.hk/eAdmission/index.do,屆時同學會喺 Email 收到自己嘅 Login Name 同 Password, Login之後就會見到面試嘅時間、地點同需要攜帶嘅物品,同學記得自己多多留意喇!
 

香港浸會大學 Hong Kong Baptist University

香港浸會大學位於九龍塘,係一間有基督教浸信會背景嘅大學。2021 年位列亞洲 62 名,其中以傳理新聞系最出名。浸大嘅收生要求都係「332A33」,當中需要留意嘅係浸大有三種收生嘅計分方法,分別係:四個核心科目+兩個選修科目、四個選修科目+一個選修科目、最佳嘅五科成績。大家要格外留意不同學科收生計分方式。

HKBU入學分數和要求 (BU Admission Score)

不同嘅學科就住不同嘅特質和學習範疇,亦會有不同嘅收生要求。有關 HKBU 不同學科嘅基本收生要求同埋浸大嘅收生分數 (HKBU Admission Score) 都可以喺呢度搵到:https://admissions.hkbu.edu.hk/en/hkdse.html

HKBU 其他資訊

HKBU 都有自己嘅 YouTube Channel,如果想要了解更加多和 HKBU 有關嘅消息,都可以查閱 hongkongbaptistu 。去年嘅 Admission Talk 亦已係呢個 Channel 上載。大家知道更多有關入學嘅資訊就對入浸大嘅科目更加有信心啦!
 

嶺南大學 Lingnan University

嶺南大學位於屯門虎地,係全港唯一一間為 100% 本科生提供四年全宿嘅大學。提供嘅學科當中以人文藝術、哲學和語文藝術較為聞名。嶺大嘅收生要求係「332A2」,即中文、英文達到文憑試 3 級水平,數學達到 2 級水平,公民與社會發展科達到合格 A 水平,及其中嘅一科選修科需達到 2 級水平。JUPAS嘅計分方法係計算學生最佳嘅五科成績(Best 5)。

嶺南大學入學分數和要求 (Ling U Admission Score)

不同嘅學科就著不同嘅特質和學習範疇,亦會有不同嘅收生要求。有關 LU 不同學科嘅基本收生要求可以在這裡找到:https://www.ln.edu.hk/admissions/ug/jupas/admission-requirements/admission-score

不同科目的 JUPAS 計分加成

計分方法固然重要,然而同學在中學嘅選修科或係核心科目嘅加成亦不容忽視!有關嶺南大學不同學科對於高中科目嘅加成細則,可以參閱這個網址:https://www.ln.edu.hk/admissions/ug/jupas/jupas-score-calculator 有意入讀嶺大嘅同學就要特別留意啦!大家亦可以順便參考埋 LingU JUPAS Admission Score!
 

香港教育大學 The Education University of Hong Kong

香港教育大學位於大埔,係香港唯一一間提供師範教育嘅學校。香港教育大學於 2022 年教育及師資培訓在國際 QS 世界大學排名位列全球第十七名、亞洲第三名。其中以幼兒教育最廣為人知。教大嘅收生要求係「332A2」,即中文、英文達到文憑試 3 級水平,數學達到 2 級水平,公民與社會發展科達到合格 A 水平,及其中嘅一科選修科需達到 2 級水平。教大會計算文憑試考生嘅最佳五科成績,並且在某些高中研讀科目當中亦有加成。

教大乙組科目、丙組科目的 JUPAS 計分方法

需要特別留意嘅係香港教育大學對於同學於文憑試中在乙組科目(Applied Learning Subject)以及丙組科目(Other Language)會有特別嘅計分方法:
在甲組(Categroy A)嘅科目(即高中科目)
Level 1-4Level 5Level  5*Level  5**
1-4567

在乙組(Categroy B)嘅科目(Applied Learning Subject)
Attained with Distinction (II)Attained with Distinction/Attained with Distinction (I)Attained
430

在丙組(Categroy C)嘅科目(即其他語言)
OtherGrade EGrade DGrade CGrade BGrade A
034567

EdUHK 教育大學收生分數 (EdUHK Admission Score)

為師者一定要對自己教授嘅科目有基本嘅認識先得嘅!有關教大對唔同嘅選修科嘅要求,同埋教大嘅收生分數(Admission Score) 可以參閱返上一年度嘅呢數據 https://www.eduhk.hk/degree/jupas-score.html 。 相比起早幾個年度,我哋唔難發現教大取消咗唔少文憑試於高中學科考獲級別 5 或以上嘅要求。雖然要求係降低咗,但同學都要留意,呢個舉動都會令更多嘅 DSE 考生同你競爭同一個學位。

2024年EdUHK面試安排

2024 年 EdUHK 嘅面試安排,可以喺教大嘅官方網站搵到。同學記得要準備好啲文件,定時睇 Email,同 Mark 實大學嘅面試時間,唔好約咗朋友去玩啊!
 

香港恆生大學 The Hand Seng University of Hong Kong

香港恆生大學位於沙田,係 2018 年 10 月獲得政府通過嘅一間私立大學。收生要求係「332A2」,即中文、英文達到文憑試 3 級水平,數學達到 2 級水平,公民與社會發展科達到合格 A 水平,及其中嘅一科選修科需達到 2 級水平。

恆大 SSSDP 學位

雖然 HSUHK 係自資大學,但係政府對於部分嘅學科都有資助,而資助嘅 Program 就係 SSSDP。SSSDP 嘅學科可以排喺 JUPAS Choice,而且因為有政府資助,所以學費更加便宜!暫時有係 SSSDP 入面嘅課程都係屬於決策科學學院嘅課程。想知道自己想讀嘅科目有冇 SSSDP 資助就可以參考恆大官網嘅介紹

恆大 SSSDP 下的學科比重/加成

咁恆大嘅 Admission Score(入學分數)係點計㗎?恆大大部分科目都係計算 Best 5 嘅成績,而同其他大學唔同嘅係,佢地學科加成嘅等級會有 10、7、5、3、2...等等嘅出現。即係點?就以著管理科學與資訊管理(榮譽)學士 (JSSH05) 為例子:

上述就係管理科學與資訊管理(榮譽)學士 (JSSH05) 嘅選修科最低入學要求同埋比重
就以著呢個同學為例子,首先會選出佢 Best 5 嘅科目,之後乘上學科入學分數嘅比重。最後就會得出佢嘅應計分數。因為學科嘅比重差別非常大,所以大家主要係比重 10 嘅學科表現較佳嘅話就會有好大嘅優勢!
更多有關恆大嘅比重同選修科最低要求嘅數據都可以係呢個網址搵到:https://registry.hsu.edu.hk/hk/prospective-students/undergraduate/programmes-offered/
以上只係最低入學要求,所以大家亦要參考埋 HSUHK JUPAS Admission Score 啊!

HSUHK 學費資助

除咗係政府嘅 SSSDP 資助之外,扣除咗呢個資助,如果同學係校內成績優異(獲得 GPA3.3 或以上)同係文憑試當中考得一定嘅分數,恆大都會有獎學金計劃。有關詳情可以查閱恆大入學獎學金計劃
 

香港都會大學 Hong Kong Metropolitan University( 香港公開大學 OUHK )

香港公開大學於2021年尾正式改名為「香港都會大學 HKMU 」,其位於何文田,係唯一一間由政府開辦嘅自資大學。收生要求係「332A2」即中文、英文達到文憑試 3 級水平,數學達到 2 級水平,公民與社會發展科達到合格 A 水平,及其中嘅一科選修科需達到 2 級水平。

HKMU SSSDP 學位

有 SSSDP 資助嘅 HKMU 課程多恆大嘅課程一倍以上。按照不同嘅學科類別,獲得嘅資助金額都唔同,而最多係可以獲得 HKD$74600 嘅資助金額。SSSDP 嘅課程係要透過 JUPAS 系統去分配嘅,所以係要排係JUPAS 嘅 20 個 Choice 入面。想知道係 2023/24 獲得 SSSDP 資助嘅課程有冇自己想讀個科?大家可以瀏覽呢個網址:
2023/24 學年「指定專業/界別課程資助計劃」(SSSDP)下開辦的學士學位課程

HKMU 2024 年面試/筆試安排

HKMU 已經有係 2024 年嘅面試安排概覽,雖然冇實際嘅日子,但係已經列明邊啲課程需要面試;而部分課程更加講明會喺 DSE 前抑或後安排面試。除咗物理治療要以小組形式加上個人形式面試之外,大部分嘅面試都會以小組形式進行,HKMU 更列明咗大概需要嘅時間:根據都大嘅官網所示,護理及健康學院及科技學院嘅課程都需要半日面試時間,而教育及語文學院嘅面試就只需要一小時(當中護理學榮譽學士普通科或精神科嘅同學更需要同日進行筆試!)要知道筆試同面試係除咗DSE分數之外,其中一項會左右大家可唔可以入學嘅重要因素,所以絕對唔可以睇小啊!
更詳細嘅面試安排可以參考翻 HKMU 2024 年面試/筆試安排。同學都可以係 HKMU 網站參考返去年學科收生分數係幾多,咁就可以更加有方向計劃自己嘅溫習時間表啦!

香港八大院校入學要求比較

我哋為你再次整合好晒上述八間資助大學 + 兩間自資大學嘅收生要求及課程收分連結,方便大家進行比較,知己知彼,百戰百勝!
大學名稱基本收分要求課程收分連結
HKU 香港大學3 3 2 A 3 3 按此
CUHK 香港中文大學3 3 2 A 3 3 按此
HKUST 香港科技大學3 3 2 A 3 3 (4 3 2 A 3 3)按此
CityU 香港城市大學3 3 2 A 3 3 按此
PolyU 香港理工大學3 3 2 A 3 3 按此
HKBU 香港浸會大學3 3 2 A 3 3 按此
LingU 香港嶺南大學3 3 2 A 2按此
EduHK 香港教育大學3 3 2 A 2按此
HSUHK 香港恆生大學3 3 2 A 2按此
HKMU 香港都會大學3 3 2 A 2按此
睇完入學要求想即係預測下自己嘅 DSE 成績?即刻到我哋嘅【DSE Cut Off 】全港最齊資料庫睇睇喇!

其他 DSE 資料庫
搵啱一個適合嘅補習老師,對你嘅DSE成績係非常重要!AfterSchool擁有師資優良嘅導師團隊,總有一位能夠助你勇奪5**!
免費 DSE 電子報
定期為 30,000+ 中學生送上實用 DSE 資訊和資源
AfterSchool

AfterSchool

AfterSchool 是一個針對DSE而設的網上補習平台,課程涵蓋多個 DSE 科目,讓同學足不出戶就可以享有優質教學。註冊用戶人達 50,000 人,當中超過四分之一學生為應屆文憑試考生,是全港最大型網上補習平台。