相信唔少人都有試過「想學外語」，尤其係睇開韓劇、追開韓星嘅同學仔，唔多唔少都有諗過學韓文。無論大家想學韓文嘅原因係咩都好，雖然學語言係要我地花好多心機、金錢同時間，但係學多個語言對我地自身發展往往都係百利而無一害。
AfterSchool 今次整理咗學韓文嘅唔同資訊，包括佢嘅好處、同埋介紹幾個常見嘅學韓文方法，包括韓文私補、韓文網上補習、幾個韓文自學方法，重同大家分析韓文自學嘅好處同壞處，大家可以睇吓邊個方法最適合自己！
目錄
學韓文好處
Credit: unsplash @bundo
韓風熱潮依然盛行，唔少人鍾意聽韓文歌、睇韓劇。唔知有冇人同小編一樣，好想有一日可以唔使睇字幕都可以明白對白內容？
唯一可以達成呢個目標嘅方法就係：學！韓！文！學好韓文就自自然然可以聽得明劇入面嘅角色講乜嘢啦～ 重可以聽得明一啲翻譯唔到嘅笑話添！
雖然而家受疫情影響，冇得出走，但香港人一向出名鍾意去旅行，而近近地嘅韓國都係香港人嘅旅行首選之一。學好韓語之後，除咗溝通方便啲，識得當地語言重可以令我哋可以開始真正體驗當地文化。喺學識講韓文之後，我哋就可以同當地人進行深入嘅交流，對方亦會更樂意同我哋分享喺韓國嘅生活概況，令我哋可以拓寬眼界！
韓語難唔難學？
學韓文嘅第一步通常都係要背好韓語字母表先，而只要做好呢一步，讀韓文單字就已經難你唔到喇。所以，以第一步講，因為韓文拼音唔算複雜，所以韓文可能係一個相對容易上手嘅語言。（未學過韓文嘅同學可以睇睇呢兩個關於韓文元音同輔音 (vowels and consonants) 嘅表，其實韓文嘅字就係由以下嘅符號組成～）
Source: https://ucisportfolios.pitt.edu/madelynferdock/research-2/figure1/
但係，就算韓文發音相對容易學，如果要流利到可以靈活運用呢個語言同韓文 native speakers 溝通，同學習其他語言一樣，一定係一件唔容易嘅事，亦都一定需要付出好多努力、心機同時間。同樣哋，學每個語言都有佢自己嘅原因同價值，而且要掌握一個語言，都一定唔係一件容易嘅事。所以，如果大家想學呢個語言，就一於唔好諗太多，唔好深究太多究竟呢個語言難唔難學，放馬去學啦！
延伸閱讀：學外語三大好處
學韓文方法一覽
Credit: unsplash @Markus Winkler
韓語課程——學韓文邊間好？
香港有唔少有規模嘅韓文課程機構，為想學韓文嘅同學提供多一個學韓文嘅選擇。
| 韓語課程 | 特色 | 課堂價錢 | 聯絡方法 | 地址 |
| 大韓韓國語專門學校 | 提供大量課程，適合唔同程度嘅同學，包括：一年制韓語專業證書課程、韓日雙語證書課程、韓語集中強化課程、商業韓語專業應用課程等等。 小組形式：每班最多 7 人，確保師生之間有交流 | 基礎班：$2800 / 月（每星期 5 小時上堂時間） | Tel: 2398 1123 | 銅鑼灣分校 香港銅鑼灣伊榮街9號欣榮商業大廈7樓703室 旺角分校 香港九龍旺角廣東道982號嘉富商業中心11樓 太子分校 香港九龍太子彌敦道 794-802 號協成行太子中心 608 室 油麻地分校 香港九龍油麻地彌敦道 545 號安利大廈1樓 荃灣分校 香港新界荃灣沙嘴道358-362 號全發商業大廈8樓818室 |
| 東亞韓國語學校 | 設有工餘韓文課程 設有一年制 TOPIK 證書課程，適合需要考韓文試嘅同學 特設會話強化課程，提升同學嘅語言實力 另有韓國留學諮詢服務 | 初級班：$1080-1260 / 12 小時 | Tel: 3104 3383 | 香港九龍彌敦道719號銀都商業大廈6樓全層 |
| 駐香港韓國文化院 | 課程免費 每班 15 人，確保學生同老師之間有互動 | 免費 | Tel: 2270 3500 | 香港中環鴨巴甸街35號PMQ 元創方 B座Hollywood 6-7樓 |
| 世宗韓語教學中心 | 設於常規課程、集中課程、TOPIK 專題課程，適合有唔同學習目標嘅同學 | 入門班：$1800 / 16 小時 | Tel: 2142 7818 | 香港九龍尖沙咀彌敦道86-88號安樂大廈10樓B |
| Hana One 韓語中心 | 教材內容設有 Youtube 練習片段，方便同學隨時隨地、無限重溫練習 老師熟悉廣東話、英文同普通話，確保同學生冇溝通障礙 教授嘅文法內容對應 TOPIK 考試 | 入門班：$1180 / 12 小時 | Tel: 2392 1195 / 9380 5901 | 香港九龍旺角彌敦道736號中匯商業大廈 8 樓 |
韓文私補
如果同學想要度身訂造嘅韓文指導，韓文私補會係一個唔錯嘅選擇。
同其他私人補習一樣，一對一或者一對二嘅韓文課程比較個人化，老師可以度身訂造適合學生嘅教學進度，並且可以配合相應嘅練習，鞏固學生嘅學習。另外，同學可以自己同老師約時間補習，限制比較少。
AmazingTalker 係一個外語私人補習平台，為想學韓語嘅你提供好多韓文老師嘅選擇。老師嘅收費多元，適合有唔同 budget 嘅同學。另外，AmazingTalker 老師嘅資歷透明，而且有大量老師，同學可以自由選擇適合自己嘅韓語導師。
AmazingTalker 係一個外語私人補習平台，為想學韓語嘅你提供好多韓文老師嘅選擇。老師嘅收費多元，適合有唔同 budget 嘅同學。另外，AmazingTalker 老師嘅資歷透明，而且有大量老師，同學可以自由選擇適合自己嘅韓語導師。
韓文網上學習
搵到適合自己嘅韓文補習老師，價錢又相宜，但大家住好遠，所以都係取消補習？平時成日都要搭車去補習，浪費時間又浪費金錢、仲要喺放工時間同人迫車？
你需要網上補習！網上補習好處多多，平時喺屋企就上到堂，慳時間又慳錢。唔只咁，同學仲可以無限 loop 條教學片！以後唔明啲內容都唔驚，因為可以唔明睇到明為止！
韓文自學
唔少同學想喺出去學韓文之前，自己睇熟啲韓文拼音、學吓少少韓文單字同常用字句、甚至學吓啲韓文文法，自學韓文都係一個唔錯嘅選擇。
我哋大部分人而家搭車嘅時候都機不離手，與其漫無目的咁睇 Instagram，不如每日花少少時間，喺韓文 app、韓文課程網站同 Youtube Channel 學多個語言！
自學韓文 app
唔少人第一次試韓文自學都係透過學韓文 app，希望可以自學韓文單字，同聽吓 native speaker 點讀啲生字。小編今次喺度同大家分享吓 4 個常見嘅韓文自學 app，同埋分析佢哋嘅好處同壞處，等大家可以選擇適合自己嘅韓文 app～
Duolingo
| 優點/特色 | 缺點 |
| 免費 方便、易用、深入淺出 提供中文、英文嘅韓文教學 透過遊戲嘅教學方式，能夠令學習有趣 同學可以選擇自己嘅學習模式：休閒模式(每日 5 分鐘)、正常模式 (每日 10 分鐘)、好學模式 (每日 15 分鐘)、學霸模式(每日 20 分鐘) 同學可以根據自己嘅程度，選擇由頭開始學習（初學者），或者經過經過測試之後跳級至適合自己嘅程度，唔需要浪費時間喺自己已經熟習嘅課題上 題目包括翻譯題、聆聽題、口語題、選擇題等等，就選做 test 都唔會悶 | 教學並非考試為本，如果同學嘅目標係考韓文試，就需要喺用 Duolingo 之外，睇睇其他參考資料 對 Grammar 嘅解釋比較少，容易令學生覺得韓文嘅文法難以理解 |
App Store 評分：4.7/5
Eggbun
| 優點 | 缺點 |
| 全球用戶達 1,000,000+ 用戶可以運用自己嘅 personal chatbox，同虛擬老師練習韓文嘅讀、寫、聽、說 版面整潔易用 教授現實所用嘅句子，令同學去到韓國都可以學以致用 由 native speakers 錄製教材，幫助學生準確發音 | 唔係全部功能免費 |
App Store 評分：4.4/5
LingoDeer
| 優點 | 缺點 |
| 課堂內容均由專業團隊精心設計 由 native speakers 錄製生字同句子讀音 可以離線學習 以唔同嘅方式鞏固學習，包括小測、flashcard 練習等等 | 只提供 A1 - B1 程度嘅教學 需付費 |
App Store 評分：4.7/5
Hangeul 101 - Learn Korean Alphabet
| 優點 | 缺點 |
| 重點教授韓文讀音，包括用 80 個例子，教授 24 個元音同輔音 提供韓文讀音測驗 能夠為唔同初學程度嘅學生 鞏固韓文語音基礎 | 只教授讀音，不適合想學韓文文法、生字嘅學生 |
App Store 評分：4.0/5
網上自學韓文
Credit: unsplash @insungyoon
| 形式 | 網站 | 特色 |
| 學韓文網站 | 바른 소리 (正確的聲音) | 費用全免 主要教授韓文發音，包括韓文元音、輔音、變調、聲調 |
| Talk to Me in Korean | 基礎課程費用全免 基礎課程分為 3 個等級，適合唔同程度嘅同學 會員課程嘅教學更深入，提供諺語、短句教學、「半韓半英」嘅字、韓文常見錯誤等等，令同學可以真正學習韓國人常用嘅韓文句子 | |
| Youtube Channel | 韓文語學堂 Korean-Express 線上學韓語 | 費用全免 提供大量生活用語教學影片，同學可以輕鬆學識自我介紹、打招呼等基本韓語句子 片段極短，大部分片長短於 1 分鐘，同學可以喺極短時間內學識多一個韓文用語 |
| Conversational Korean | 費用全免 教學生動有趣，例如提供 crossword 練習 “Let’s Make Your Vocabulary Quiz” 系列為學生提供整理韓文詞彙嘅機會，同時令學習更有系統 提供不少 Listening Quiz、Korean Quiz 等等，令同學可以清楚自己嘅韓文能力 |
自學韓文優缺點
| 優點 | 缺點 |
| 免費 想學就學， 而且可以完全掌握自己嘅進度 唔會有嚟自測驗、考試嘅壓力 | 喺冇老師教導嘅情況下，同學唔會知道自己學得啱唔啱，例如發音準唔準確等，可能大大影響學習成效 可能冇咗其他人嘅督促、學校或者韓文課程測驗考試嘅壓力，同學會比較容易放棄學韓文 |
小編學過韓文，一開始自學，試過各種各樣嘅韓文自學方法，點知都係睇唔明啲教材，結果讀音又讀得唔好，韓文文法又唔識，結果學得半桶水...
所以小編強烈建議大家：要搵老師學外語！因為喺有韓文老師嘅指導下，係真係學得好啲㗎！就算大家想慳 budget，都可以喺一開頭搵老師學韓文，打好個底先，咁先會學得好！
你適合邊種學韓文嘅方法？
Credit: unsplash @jmuniz
以上提及嘅各種學韓文方法都有自己嘅好處，而且適合唔同程度、有唔同目標、有唔同學費budget 嘅同學。所以，小編都分析咗各個學韓文方法適合邊啲人。未決定好點學韓文嘅你可以睇睇呢個表～
| 學韓文方法 | 呢種方法適合邊啲同學？ |
| 韓文課程 | 可以定期依時上堂嘅同學 需要有系統咁學習韓文嘅同學 |
| 韓文私補 | 學業繁忙，或者工時唔穩定嘅人 比較願意花費學韓文嘅同學 需要個人化教學嘅同學 |
| 韓文自學（學韓文 app、韓文教學網站） | 自律性比較高嘅同學（如果唔明白內容，同學可能要自己再上網搵答案） |
睇完咁多種補習嘅方法，都係想安坐家中睇韓文教學影片？
有時老師講得太快所以跟唔切，想聽返都唔得？
小編向你推介 AfterSchool Niki 老師嘅韓文課程～ 參加完呢個韓文暑期入門課程，同學就可以花 9 個星期嘅時間學習一個新語言！
呢個韓文班以直播形式舉行，學生可以即時同老師互動，課後重可以無限重睇韓文補習影片！
課程學額有限，從速報名喇喇喇喇喇！
而家就去學韓文！
「我想學多個語言啊，諗緊好唔好學韓文」
「我想學韓文啊，但呢排又有啲忙」
「想學韓文啊，之前試過唔同嘅韓文自學方法，都唔得，但又懶得搵韓文老師...
心動不如行動啦！唔少人想學外語，但過咗好多年，都係得個「想」字。學外語一拖再拖往往都係因為忙，但時間真係逼出嚟㗎！
心動不如行動啦！唔少人想學外語，但過咗好多年，都係得個「想」字。學外語一拖再拖往往都係因為忙，但時間真係逼出嚟㗎！
與其再只係「想」學韓語，不如由今日返到屋企開始，睇吓網上學韓文嘅資源、聽吓韓文發音、再望望有咩必學嘅韓文短語。可能你喺自學完一段時間之後，開始覺得自學韓文嘅成效不足，咁可能就要搵老師幫手。
希望喺不久嘅將來，我哋可以去韓國旅行嘅時候，大家都已經學識基本韓文，可以同當地人作基本溝通！
學韓文 Q&A
Credit: unsplash @Sava Bobov
學韓文有咩方法？
學韓文普遍嘅方法包括韓文私補、韓文小組課堂、韓文自學（透過韓文自學 App、韓文書、韓文教學 YouTube 等）。小編覺得學外語一開頭最後都係搵個老師學，打好基礎～ 不過搵網上韓文學習班都唔錯！
韓文難唔難學？
由於韓文拼音唔算複雜，大家只要認得啲拼音符號就會識讀啲字！但係要學識一個語言當然唔係一間容易嘅事，如果大家想學的一口流利嘅韓文，就一定要花時間同落苦功喇！
有咩好嘅韓文自學 App？
比較出名嘅韓文自學 App 包括 Duolingo、Eggbun、LingoDeer、Hangeul 101，有興趣嘅同學可以去《學韓文攻略》睇睇呢幾個 App 嘅好處壞處比較～
