人嘅專注力正不斷下降？ 近年外界有唔少數據指出人嘅專注力正不斷下降緊：人嘅平均注意力跨度係8秒，比金魚嘅9秒仲要短！聽落似乎都幾合乎邏輯—我哋每分幾乎每秒都畀多個頻道同設備上播放嘅內容，所以好難係任何時間內專注做好一件事。 更挑剔嘅注意力 咁係咪代表冇得救？同學仔唔洗擔心！最近一項研究就推翻咗呢種講法，事實上，人嘅注意力範圍唔單並冇縮小，只係改變緊。人類注意力會下降但唔知同學仔有冇發現：溫一個鐘頭書好似好難專注，但係Netflix連續煲了6個鐘頭劇就毫不費力—到底點解？根據Prezi同Kelton Research合作嘅一項研究結果，原來係千禧一代每天面對大量資訊，迫使佢哋嘅注意力變得更加挑剔！ 關鍵係「視覺刺激」同「互動性」 到底「現代嘅注意力」會畀咩內容吸引？根據調查結果，分別有33％嘅受訪者同55％嘅受訪者認為，只要內容包含「視覺刺激」，同有「互動性」，就會更容易令人全神貫注。另外，有79％嘅受訪專業人士發現，係演講文稿中有用動畫視覺效果會更加有效咁保持受眾關注。 多媒體學習/答問題有助保持專注 所以，同學仔呢家知道：淨係坐定定對住本書溫未必係最好嘅方法。除咗之前講過嘅適時休息，同學仔仲可以善用影片等多媒體學習，仲可以試吓做題目，例如話思考吓教科書每個單元後嘅一啲溫習重點問題，都有助幫助保持專注！ 參考資料：https://www.entrepreneur.com/article/321266
