「JUPAS 係咩？JUPAS 報名程序？JUPAS 選科有咩要注意？JUPAS 留位費幾時要交？」
相信各位中六同學都一定有過以上嘅問題，學校又冇乜講過 JUPAS 嘅機制，睇大學聯招網又唔係好睇得明。唔緊要，大家睇完 AfterSchool 呢個 JUPAS 報名懶人包，應該會明多咗 JUPAS 呢個機制同成個 JUPAS 報名流程！
目錄
JUPAS 是什麼？
Credit: PolyU
JUPAS (Joint University Programmes Admissions Scheme) 中文係「大學聯合招生辦法」，佢旨在為持有往屆及/或應屆 HKDSE (中學文憑試) 成績嘅本地學生提供申請入讀以下 JUPAS Programme 嘅一個途徑：
大學聯招參加院校
第一類：UGC-Funded 課程 / 教資會資助課程
由教資會資助嘅全日制學士學位 JUPAS 課程：
- CityU 香港城市大學（城大）
- HKBU 香港浸會大學（浸大）
- LingU 嶺南大學（嶺大）
- CUHK 香港中文大學（中大）
- EdUHK 香港教育大學（教大）
- PolyU 香港理工大學（理大）
- HKUST 香港科技大學（科大）
- HKU 香港大學（港大）
同埋由教大 (EdUHK) 提供嘅教資會資助全日制高級文憑 JUPAS programme。
第一類嘅 UGC-Funded 課程大部分係大學課程，JUPAS admission score 普遍達 20 分或以上（5 科）。呢啲課程受教資會資助，所以學費已經有減免（2021-22 年度大學全年學費普遍為 $42100，視乎課程學費可能有所唔同）。
UGC-Funded 課程基本收生要求大部分為「332233」或「33222」，視乎學院及課程要求。
延伸閱讀：
第二類：自資課程
由香港都會大學（都大）提供嘅自資全日制學士學位 JUPAS Programme，課程收分大約 15-17 分（5 科）。
第二類嘅自資課程由於冇教資會資助，所以學費為 $78320。香港都會大學提供 51 個 JUPAS programme，包括心理學、護理學、語言研究及翻譯、商學等等。
香港都會大學基本收生要求係「332233」。
第三類：SSSDP 資助計劃課程
由 SSSDP 資助計劃院校提供嘅 SSSDP「資助計劃」全日制學士學位 JUPAS 課程。SSSDP 課程收生分數大約 15-20 分（5 科）。
SSSDP 資助計劃參加院校包括明愛專上學院、珠海學院、香港都會大學、香港樹仁大學（仁大）、職業訓練局 – 香港高等教育科技學院（香港高科院）、香港恒生大學（恒大）、東華學院（東華）以及香港伍輪貢學院。
同第一類同第二類嘅課程一樣，SSSDP 資助課程同樣提供學士學位課程，包括護理學學士、物理治療理學士、醫療化驗科學理學士等等。有興趣入讀呢啲科目嘅同學可以留意 SSSDP 科目選擇！
延伸閱讀：
JUPAS Band
同學可能都有聽過「JUPAS Band A」、「JUPAS 選科排位策略」呢啲字眼，究竟咩係 JUPAS Band 同 JUPAS 排位？
JUPAS Band 其實就係同學嘅大學選科志願排位。每位同學最多可以選擇 20 個 JUPAS programme（亦即大學、大專課程），而同學亦需要將呢 20 個課程按照自己嘅意願排序。JUPAS 將同學 20 個選擇分為 5 個 JUPAS Band，詳情如下：
| JUPAS Band A | 選擇 1-3 (A1, A2, A3) |
| Band B | 選擇 4-6 (B4, B5, B6) |
| Band C | 選擇 7-10 (C7, C8, C9, C10) |
| Band D | 選擇 11-15 (D11, D12, D13, D14, D15) |
| Band E | 選擇 16-20 (E16, E17, E18, E19, E20) |
大家可以用各院校嘅 JUPAS Calculator 睇睇自己嘅 JUPAS 計分：
為 JUPAS 排位事宜煩惱？
Credit: unsplash @Markus Winkler
JUPAS 申請資格
以下同學具 JUPAS 申請資格：
- 只持有香港中學文憑考試 DSE 成績嘅本地申請人
- 同時持有香港中學文憑考試及其他學術成績嘅本地申請人
以下同學並無 JUPAS 申請資格：
- 非本地申請人
- 正在修讀經「大學聯招辦法」可選報嘅全日制學士學位課程嘅申請人（注意：有意 re-jupas 嘅大學生如果選擇繼續就讀課程，就必須經由 Non JUPAS 繼續報讀大學嘅程序）
- 需要合併 DSE 成績同其他學術成績嘅申請人
- 未持有任何 HKDSE 成績嘅申請人
- 只持有其他學術成績嘅申請人
延伸閱讀：【Non JUPAS】非聯招報名攻略
JUPAS 申請程序一覽 (2022 時間表)
聯招申請程序 | 時間 |
| 申請期限 | 2021年10月6日（上午 9 時）至 202年12月8日（下午 11 時 59 分） |
| 遞交過期申請（若申請人錯過了上述截止申請期限） | 2021年12月10日（上午9時至 2022 年6月1日（下午5時） |
| 更新課程選擇 / 改選（DSE 前） | 2021年12月10日（上午 9 時）至 2022年6月11日（下午 11 時 59 分） |
| 部分大學學科會邀請同學進行面試 | 2021年1月到3月，5月到7月（視乎不同學科安排；同學會個別收到電郵邀請通知） |
| HKDSE 文憑試成績公佈 | 2022年7月20日 |
| 修改課程選擇 / 改選（DSE 後） | 2022年7月21日至23日 |
| 公佈正式 JUPAS 遴選結果（學位結果） | 2022年8月10日（上午 9 時） |
| 繳交港幣 5,000 元正之留位費 | 2022年8月10日至11日（下午 5 時） |
JUPAS 申請日期
申請於 2022-2023 年度升讀 JUPAS 課程嘅同學，必須喺 2021 年 10 月 6 日上午 9 點至 2021 年 12 月 8 日下午 11 點 59 分遞交 JUPAS 申請。
10 - 12月：JUPAS 開戶口 Account + 第一次選科畀錢
究竟幾時要開始報名準備 JUPAS 呢？就係當你踏入中六嘅 10 月喇！
由 10 月中開始，JUPAS 會開放系統畀中學生申請戶口 Account 同埋遞交申請，直到 12 月頭為止。
通常喺呢段時間裡面，你要為自己選擇 20 個你有興趣嘅學士學位，並為佢哋排先後次序。次序分別由 Band A 到 Band E，而當中 Band A1、A2 及 A3 為重中之重，因為大部分嘅大專院校都只會收一啲將佢哋嘅 program 放喺 Band A 嘅學生，之後通常都未必考慮㗎喇。大專院校喺會知道啲學生有無佢哋 program 放喺 Band A，或者其他 Band 㗎，不過就唔會知道係 A1、A2 定係 A3。
以下為聯招官方提供嘅申請程序步驟，當中你會知道四大程序點樣進行，包括：
（1）建立「大學聯招辦法」帳戶；
（2）啟動「大學聯招辦法」帳戶及申請入學；
（3）繳交申請費；
（4）遞交課程選擇
JUPAS 留位費 / JUPAS 交錢
2022 年度 JUPAS 申請費為港幣 460 元正。如果申請人喺截止申請日期（2021年12月8日（下午11時59分））後繳交申請費，就需另繳港幣 350 元正嘅逾期申請附加費。
所有費用一經繳交，概不退還，亦不可轉讓。
JUPAS 留位費繳費方法
Credit: unsplash @Alexander Mils
所有在校同非在校申請人必須喺截止申請日期（2021年12月8日（下午11時59分））之前，以下列其中一個途徑繳交申請費：
- 信用卡
- 繳費靈網上服務
- 電子銀行服務（只適用於私人戶口）
- 現金（東亞銀行）
JUPAS 報名注意事項
- 同學有責任定期檢查由 JUPAS 寄出嘅所有相關訊息。當申請人成功建立 JUPAS 帳戶及獲得申請編號後，會收到大學聯招處嘅確認電郵。如果申請人未有收到有關訊息，應立即聯絡 JUPAS Office。
- 每位同學只需提交一份申請
- 同學要儘早遞交 JUPAS 報名申請，避免因為互聯網線路繁忙⽽錯過申請限期
JUPAS 報名 Q&A
JUPAS 係咩？
JUPAS 大學聯招係一個為往屆或現屆香港本地學生報讀大學、大專課程（包括 SSSDP 課程）嘅一個途徑。
2021 JUPAS 報名申請幾時截止？
2021 年 12 月 8 日下午 11 點 59 分。JUPAS 報名申請者亦需要喺呢個日期或之前繳交 $460 嘅 JUPAS 留位費。
延伸閱讀：【JUPAS】改選懶人包
*** 注意：以上資料僅供參考，一切 JUPAS 程序、詳情均以 JUPAS 以及各院校官方網站為準。***
