相信有啲人會覺得 DSE 數學好難，或者好想得到5**，但喺想溫數學又唔知從何入手？開始之前，可以睇下數學唔同目標—最強備戰方法！揾到自己嘅目標，先再睇下面點樣By Year/ By Topic咁操數學卷，不如就等 AfterSchool 同大家分享下 DSE Maths 拎 5** 嘅操卷秘技！ DSE Maths 嘅 By Year Past Paper 要點操？ By year 練習大家可以中五先開始，DSE Sample Paper 同 Past Paper 12-19 當然要做完，但係會考 (CE Maths) 亦都千奇唔好放棄做啊！ CE Maths Past Paper 大概由 05 年開始做十幾年就 ok 啦 ，始終太初期嘅會考模式同我哋 DSE 唔同，相對嚟講無參考價值咁高（但咁樣並唔代表早期會考嘅 by topic 唔洗做，下面會給大家講下點解。） 做卷之前，梗喺試下知道多啲考評局到底點出數學卷啦！ 另外，大家要記得留翻幾年 DSE Past Paper study period /衝刺期計時做，唔好太快衝曬啊！ DSE 數學 By Topic Past Paper之操卷常見問題 credit: unsplash @jessicarockowitz 喺呢度同大家講下操 By Topic 嘅 Past Paper 常犯嘅毛病： 太遲做 淨喺做會考數 (CE Maths) 同文憑試 (DSE) By topic 做太少年份 1. 太遲做 Maths Past Paper 好多同學都會選擇中五暑假，甚至中六先開始做 by topic Past Paper...... 其實升中六暑假先開始做太遲啦 ！如果大家仲喺中四/中五的話，最好快啲開始做啦！數學唔同其他科，例如中文或者英文，有好明確嘅課題劃分，教完一個 math topic 就可以開始做！ 所以中四嘅同學唔好覺得「我淨係教咗好少課題，遲小小先開始做啦」，事實上，其實你已經可以做初中嘅 by topic 練習，例如： 黃金十七分（指數定律 Indices, 多項式 Polynomial, 公式 Formula, 一次方程 Linear Equations, 百分法 Percentage, 代數不等式 Inequalities） 坐標 Coordinate Geometry (例如 2014 DSE/ Q8) 估算與誤差 Estimation and Error (例如 2017 DSE/ Q9) 求積法 Mensuration (例如 2012 DSE/ Q12) 大家可以每學完一個 DSE 數學 topic， 就做嗰個 topic 嘅題目，記低難/錯題，留翻 study period 再做第二輪。 2. 操卷淨喺做會考數 (CE Maths) 同文憑試 (DSE) 呢個係最多同學犯嘅毛病。 我先講下歷史啦，新制 DSE 出現之前，整個數學領域分成五科：CE level: Maths (會考數學科)、Additional Maths (A Maths 會考附加數學科)、A level : Mathematics and Statistics (Math and Stat 高補數學與統計科)、Pure Maths (PMaths 高考純粹數學科)、Applied Maths (Ap Maths 高考數學與應用科)。 大家通常淨喺會做第一類 (CE Maths) Past Paper，而忽略咗其他，但其實有好多題目都好值得大家去做，不過同學自己都要清楚 syllabus，避免徙時間做咗 out syl 嘅嘢！ 下面我會比少少例子大家： A Maths： 有一部分題目仍然 in syllabus，例如 quadratic equation, complex number, log function…. (舉例：1986 CE AMaths/ Q6, 1990 CE AMaths/ Q9, 1995 CE AMaths/ Q10, CE AMaths/ Q4…) Math and Stat： 你唯一可以參考嘅就喺舊制嘅 nCr 同 nPr 題目。另外 probability 同 statistics 都值得大家一做！ (舉例：1994 ASL M&S/ Q3, 1997 ASL M&S/ Q7, 2000 ASL M&S/ Q13, 2004 ASL M&S/ Q6, 2009 ASL M&S/ Q10….) Pure Maths： 大家可以參考裡面 polynomial 嘅題目，因為近年 polynomial 題目出得難咗，值得大家嘗試。 (舉例：1999 ALE P Maths/ Q4, 2004 ALE P Maths/ Q4, 2007 ALE P Maths/ Q8, 2008 ALE P Maths Q3…) [不過真係要小心部分題目難度極高，嘗試前要有心理準備。] Applied Maths： 題目好多都喺 physics，而 statistics 內容太難，唔推薦。 P.S. A Maths 大家都應該試下，而 M&S 同 P maths 題目部分極具挑戰性，aim 5*／5** 同學可以一試。 3. By Topic 嘅 DSE Maths Past Paper 做太少年份 呢個問題通常會同第一個提過嘅問題 —「太遲做」一齊出現。 因為你太遲開始，導致每個 topic 都只能做到一部分題目，根本觸及唔到上面提及過嘅其他題目，甚至有啲 topic 嚟唔切做(或者純粹係你懶惰)。 同 by year 唔同，CE Maths 應該最少做 20 年(九十年代開始)，有時間/ aim high 可以做埋八十年代嘅練習。（八十年代 MC 出得好好） 做咁多 CE 題目主要有兩個好處： 依家DSE有時會參考舊制題目出題，你可以捉到考評局「路」 (舉例：2016 DSE/ Q20 (a) 其實同2008 CE/ Q17 (a) 非常類似，都係考緊三角形四心/平面幾何學證明，詳情大家可以睇翻兩條題目) 做得多自然熟能生巧，知道考評局要求啲咩，條題目考你咩嘢，你都可以睇到。 數學 DSE 操卷不二法門 當然，無論你喺做 by topic 定係 by year，操卷嘅時候都有啲好重要嘅野大家需要留意： 記得計時！特別喺 year，唔計時就同普通練習無分別，浪費咗份卷。 做完唔好淨喺對答案/計分就算，要認真睇下錯咩並記低錯題，方便自己溫習。 做 Maths 練習嘅少少心得 除咗注意翻數學卷的三大失分位——唔識做、唔小心、唔夠時間，最後最後，除咗 Past Paper 之外，相信大家都會做一啲坊間嘅練習，例如補充練習或者教科書。個人而言，我覺得大部分課題做完 Past Paper 同你地本書嘅部分題目就 ok。 除非喺好似 circle, probability, nCr nPr, ASGS 呢啲需要參考大量題型／Past Paper 太少，又或者你基礎比較遜色，咁做下補充練習都無壞嘅。咁做練習嘅時候又有咩需要特別留意嘅地方呢？ 練習邊間出版社出：如果間出版社你聽都未聽過/無出名，大家就小心啦！最好選擇翻啲教科書／出名嘅出版社，例如O, L, C, J, M字開頭嘅出版社我覺得都 ok，大家可以自行選擇邊本適合你。 好題目：特別留意參考近年公開試題型/ a maths p maths m&s 題目同埋 cross topic 題目。
