「咁多嘢做點算啊?」、「唔記得咗原來聽日要交數學功課?」、「點解成個weekend好似咩都無做到?」，呢啲情況相信唔少同學都試過，而且會覺得好frustrating，好似所有嘢都失控完全唔識點處理咁。呢個時候你需要嘅係一個良好嘅規劃！ 點解我需要學習計劃？ 學習計劃係一種有效的學習方式，可以幫助您有組織地一步一步咁去學習。係自己創建依個個性化學習計劃時候，您需要對當前的計劃同埋時間管理進行一啲嘅自我評估。但要記住嘅係，每個學生的學習方式都係唔同，因此您需要學習嘅時間同您嘅同學投入學習嘅時間都會唔同。 所以您必須定立你自己嘅學習目標、以便您預計到自己嘅學習時間、確定你學習嘅原因、同埋製定一個可以幫助到你實現目標嘅計劃。 最後，制定一個合理嘅學習計劃，雖然你必須係學習的時間表入面預留足夠嘅時間溫習，但係如果係冇休息嘅情況下，不停咁溫足五個鐘可能會令到你失敗，所以如果你正確咁去做嘅話，你就可以花更少嘅時間去學習。但其實應該點去制定個性化學習計劃呢？咁就要睇下下面嘅step去做喇！ 使用依四個step去plan學習計劃 Step 1：為自己現有嘅活動制定時間表 每個人都會有一啲活動係需要好有規律咁去進行，例如係每個星期六朝早十點都要去學彈琴或每日早上七點半都會花半小時塔車去學校，呢類型已經有固定時間嘅活動可以先寫落自己日歷，咁就可以清楚了解到自己每一日嘅行程同安排。 Step 2: 創造屬於自己嘅行程 你而家知道咗邊日咩時間係會得閒可以自己安排，就將果啲空咗嘅時間適當咁Mark低佢係你手機嘅日歷或你自己嘅行程薄度。有人可能話「空咗咪得囉」，但事實上你block咗佢之後每次睇翻你都會提醒翻自己果個時段係要溫習，而唔係無野做。 Step 3: 設立你嘅學習目標 之後每個星期就要抽15分鐘，坐低認真為自己訂立本週嘅學習目標，例如黎緊暑假你可能會想操哂所有CE數學嘅Past Paper，咁你就係黎緊呢個星期，根據之前你自己寫嘅時間表，睇下點樣安排你可以自由活動嘅時間去進行你嘅學習。 例如星期一你只有早上0930-1200、晚上2000-2100得閒，可以安排自己早上計時操paper，晚上幫自己對答案，將呢啲事情仔細咁放係你嘅時間表入面。 Step 4: 按照計劃進行 最後計劃完，最緊要就係跟住個plan去進行。但好多時候，特別係啱啱開始果陣，你會發現自己花嘅時間會比平時長，或者中間成日有突發事情打擾你學習。咁樣係十分十分之正常，但重點係你一定要從中學習，嘗試即時去安排或調整你嘅學習計劃/時間表，慢慢你預嘅時間就會越黎越準確！ 總結 最後，如果你覺得用日歷/手寫行程薄唔好，其實都可以試下出面一啲Study Planner App，睇下邊隻模式最啱自己！呢篇文章係參考Intelligent.com其中一篇為大學生撰寫嘅「Create A Study Plan」，我哋經消化後翻譯並將佢調整至適合中學生嘅版本。
