升中六嘅同學可以睇翻我上一篇攻略😃今次呢篇主要係比翻升中四/中五嘅同學仔睇的～ 1. 溫故 F.4仲有比較多時間備戰DSE，所以鞏固舊知識比吸收新知識更重要，費時到F.6一次過溫時丟三落四📚可以整理筆記，做下By Topic嘅Past Paper✍ 2. 知新 正如上文所講，對F4黎講溫故比知新更為重要😠自己盲目想自學曬DSE剩低嘅syllabus可能只會越搞頭腦越混亂，所以粗略睇下新textbook就可以了👍 3. 搵補習 (有需要的話) 暑假開始亦係final結束之時，所以係時候回顧下自己呢一年嘅學習成果🔍 如果你想專注某一科又想補習加強下嘅話，其實最好由F5開始😕因為F6就要大包圍咁盡量兼顧每一科，響半年嘅補習成效有限😰 諗下自己需唔需要補習時，不妨考慮下： 補習所花嘅金錢同時間成本 （學費？車程？） 補習嘅效率比自學更高嗎？ e.g.補習老師可以比現成嘅modified by topic比自己，但自己就需花更長時間整合？ e.g.補習老師可以幫自己快d清concept，但自己自學就往往鑽牛角尖、無從入手？ 係咪真係需要補習？定係買補習筆記/參考書已經足夠？ 學習問題成因係自己唔夠勤力，定未遇到一個好老師指導自己？ 4. 考慮是否需要drop科 我識得有啲人係F.6先drop，甚至係DSE先黎後悔再缺席果科，但讀書上同心理上嘅掙扎已經浪費太多時間🙅♀ 如果你讀緊一科嘅狀況完全符合以下情形，我就會建議你認真考慮下去留： 付出同成果不合比例 果科同你大學想讀果科冇太大關聯（e.g.你大學想讀商，而你讀bio讀得好吃力） 你唔係好執著非3X不可 （如果你唔aim讀神科的話，其實2X/2.5X已經夠） 當然，drop科係好認真嘅事，記住問下科主任老師意見 🤔 5. 做自己想做嘅事、放鬆 自學語言、去旅行、考樂器試…呢段需要長時間準備嘅野就呢個暑假去做啦😆去到F.5升F.6嘅暑假唔會有餘暇比你做架啦💩 6. 訓練專注力 專注力對於溫書/考試呢d分秒必爭嘅情況超級超級重要😠如果你係機不離手，趁暑假就試下去自修室，學習獨處時點樣靜下心來💁同埋可以訂立時間表，逼自己響某段時間做曬所有野之後先黎休息⌚
