環顧全世界嘅數學公開試,無論份卷可以去到幾難都好,都肯定有啲極簡單嘅題目,專誠設計嚟畀大部份學生執分,喺你要考嘅M2裏面,就有一課叫做Limit,每年必出,佔你4至5分,年年開波等你執分!
但係,你要記住呢個道理:越安全嘅地方,往往係越危險嘅地方——好多高水平嘅學生,都會因為輕敵而大意失分;再者,越易煮嘅餸,就越難煮得好,就算計得啱,究竟花咗幾多時間先至計完呢?難嘅題目唔夠時間做,往往就係因為淺嘅題目計得太慢!
呢一期課堂,我會照住個Syllabus將所有,係所有嘅Limit可能嘅出法,以說書明式教學法,教曬你點樣執分,仲教埋你屈計數機,喺試場裏面對答案,喺交卷之前鎖定得分,自己幫自己Tick卷都仲得,邊做邊累積信心,令你喺M2考試開個靚頭!
課程大綱
Lesson 1:Concept of Limit and Factorization
Lesson 2:Limits at Infinity
Lesson 3:Concept of First Principles and Binomial Theorem
Lesson 4:Limits with Surd, Trigo. and e
課程目標
以聰明代入法預知答案,同埋用嚟驗算,幫你消滅所有Careless Mistakes
用熟策略說明書,以後見到題目就立即知道要做乜,將思考時間縮減至最低
掌握M2學霸必備嘅砌數技巧,面對任何題型都能夠用返已有知識KO搶分
課程配套
精讀筆記
呢套課程會由你已有嘅知識開始,用 DSE 實戰角度幫你 K.O. 所有你搞唔掂嘅 Concepts、Skills、題目,一站式解決晒你嘅煩惱。 掌握我嘅「Cal 機搶分技能」、「常用考試外掛」,你就可以喺考試達致「零失手」,穩 4 望 Lv 5+ !