雖然中五嘅上學期唔覺唔覺已經去到中段，但係問心，你又有冇好好做好時間管理，好好珍惜每一分每一秒呢？繼中六上學日時間表同中六假日時間表，今次 Smarkle 帶黎咗中五上學期時間表！大家睇完、參考完之後，可以按照自己嘅特質、性格，訂立一個屬於你自己嘅「中五時間表」！
出完中六時間表之後有好多人問：「中五時間表呢？！」「2022Dser點算？！」Haha小編梗係唔會忽略 F. 5 嘅你地喇🤪事不宜遲，即刻入正題——中五上學期應該點安排時間？我就習慣將weekday嘅五日「兩日」、「兩日」、「一日」共三組去分別安排時間：
第一個「兩日」
🕒3:15 P.M. 放學
放學即刻返屋企做學校功課、SBA、IES依啲麻煩但係又一定要做嘅嘢，做完都差唔多時間食晚飯，食完飯可以做以下依幾件事：
1️⃣Relax
識樂器嘅可以玩下樂器，想當年小編差唔多隔日就會抽一兩個鐘彈琴舒壓🎹💕
2️⃣同屋企人傾下計
趁中五上學期未開turbo入DSE mode chur爆，真心要好好地陪多啲屋企人！因為過多幾個月你就會冇時間陪佢地。上到大學同好多同朋友傾計，原來包括小編在內，有好多人其中一樣最後悔嘅事喺備考DSE時忽略咗屋企人，依家上到大學仲忙仲冇時間同父母一齊😢，所以快啲趁上學期陪多啲佢地！！！
3️⃣背Synonyms/好詞好句/作文例子
🕦10:30 訓覺
想知 Smarkle 備戰DSE時嘅瞓覺攻略？快啲㩒入嚟睇下喇！
第二個「兩日」
🕒3:15 PM 放學後課外活動
當年小編參加嘅喺學校合唱團同埋Science club，識到朋友之餘又令我學到好多待人接物嘅技巧，同埋都令我個OEA都有好多嘢寫，充實protfolio🤤
🕠5:30 PM課外活動完畢
課外活動之後可以食啲嘢😋，再去自修室/圖書館做嘢同埋溫黎梗嘅quiz/test/dictation，溫到大概8:30pm就返屋企休息訓覺💤
最後嘅「一日」——用黎放鬆自己！
放學之後可以約朋友去hea去chill！冇錯！每個禮拜其中一日放學比自己休息！Dum低啲功課！俾自己好好充電🔋
如果你F.5頭就開始chur嘅話好容易會chur到一半冇電，到時仲得不償失😢所以要俾自己chill下！
依個就喺小編回望過去，覺得最人道同埋最適合嘅F.5上學期嘅時間表喇🥳唔好睇佢好似唔chur咁，到下學期同埋F. 6就知味道喇😈不過都喺果句，唔好太早開始chur，聽小編意見，循序漸進咁開turbo先啱！加油啊🥰
——已經安排好自己嘅時間，但係面對咁多需要背誦嘅內容，覺得無從入手？Smarkle仲有另外一篇文章可以幫到你！
