【十大院校入學要求2020】一文睇盡JUPAS Admission Score、收生要求

AfterSchool
AfterSchool 2019年12月03日
呢個懶人包收集晒十大院校(包括HKU, CUHK, HKUST, CityU, PolyU, BUHK, EdU, LingU, HSU, OU)2019年最新嘅 JUPAS Admission Score同收生要求。想知道唔同院校今年嘅入學要求同計分方法就快啲入嚟睇下喇!

呢幾年各大院校嘅計分方法都有所改變,如果你連心儀大學嘅最新計分方法都未掌握到,又點可能定制到最完美嘅DSE溫習策略呢?到最後就算你DSE考得幾好,但都有機會因為計法方法嘅唔同搞到你落後於其他比你低分嘅同學😱

唔洗擔心!AfterSchool已經幫你收集晒十大院校(包括HKU, CUHK, HKUST, CityU, PolyU, BUHK, EdU, LingU, HSU, OU)2019年最新嘅 JUPAS Admission Score、收生要求同計分方法!睇完包你秒懂十大院校今年嘅Admission Score同收生要求嘅重點!

[全港最齊] 八大院校 JUPAS  Admission Score 終極懶人包

排JUPAS前當然唔少得睇翻每個學科嘅收生要求。呢個懶人包入面有晒全港八大院校( HKU, CUHK, HKUST, BUHK, CityU, PolyU, LingU, OUHK )嘅 Admission Score,等你可以輕鬆比較唔同學科嘅收生要求,輕鬆高效排JUPAS!

立即查看

香港大學 The University of Hong Kong (HKU)

香港大學位於香港島薄扶林道。有十個學術學院,其中港大牙醫學院仲喺2016、2017年攞到全球牙醫學院Number One!除此之外香港大學嘅教育學院喺2017年亦居於全亞洲首位!

HKU基本收生要求

香港大學嘅基本收生要求喺「332233」,即係中文、英文達到DSE3級水平,數學、通識達到2級水平,而學生其中嘅兩科選修科亦需達到3級水平。

考得「達標並表現優異」嘅計分方法:

需要特別留意嘅係香港大學對於同學於文憑試考得「達標並表現優異」(Attained with Distinction)嘅水平,會有特別嘅計分方法:

在甲組(Categroy A)嘅科目(即係高中科目)

Level 1-4

Level 5

Level  5*

Level  5**

1-4

5.5

7

8.5

 

在丙組(Categroy C)嘅科目(即係其他語言)

Grade E:

Grade D

Grade C:

Grade B:

Grade A:

1

2.5

4

5.5

7

即係點?即係越多5**越著數!專精型考生比平均型考生更大優勢!唔明?睇下下面個例子喇!

     

 同學A 

 同學B 

中文

5

5**

英文

5

5**

數學

4

3

通識

4

2

選修科 X

4

2

Best 5

22

21

Best 5
(最新計分方法計算)

23

24

你無睇錯!明明同學A嘅Best 5係高過同學B,但係最新嘅加成機制底下同學B究然掉翻轉高分過同學A😱所以要係新嘅計分方法下突圍而出,記得唔好錯過呢一點!

HKU唔同嘅學科收生分數同要求都會唔同

同學需要留意嘅係,即使你達到「332233」嘅基本收生水平,並唔代表你可以入讀你心儀嘅學科。「332233」只係香港大學基本嘅入讀要求,唔同嘅學科會有屬乎該學科嘅入讀要求或會有要求面試嘅環節!

就以 JS6107 Bachelor of Dental Surgery (牙醫學士)為例:

雖然大學嘅基本收生要求為「332233」,但係牙醫學士嘅學科當中,基本嘅收生要求為「433333」即係英文要取得Level 4,剩餘嘅5科學科要取得Level 3 嘅要求才可以達到牙醫學士學科嘅基本入學要求。

就算達到做基本收生要求,同學都要參考翻學科收生分數(Admission Score):如果同學想穩入呢個學科,記得你嘅DSE預測分數要高過學科嘅Upper Quatile,先至穩陣嘅;但係各位同學依家仲係學期中,仲有小小時間可以Chur!記得唔好放棄啊!

某些學科更會設有面試環節:

就算成績達到了要求,Bachelor of Dental Surgery 仲設有面試環節,呢個環節嘅分數都極可能左右你能否成功入讀此學科!

因此同學必須注意!雖然學校或補習社都會建議學生「專攻」某科奪星,但同學都必須要知道「奪星」嘅同時都必須要達到自己心儀學科嘅入讀要求,更加要做好面試嘅準備先可以萬無一失。

唔單單得牙醫呢科有面試㗎!仲有好多唔同嘅學科都會有面試。想知道自己心儀學科有咩收生要求或者有冇面試,可以參考香港大學2020年不同學科嘅入學要求

香港中文大學 The Chinese University of Hong Kong (CUHK)

香港中文大學位於香港沙田馬料水,係全港佔地最大,且唯一一間實行書院制嘅學校。中文大學嘅基本收生要求亦都係「332233」即係中文、英文達到DSE 3級水平,數學、通識達到2級水平,而學生其中嘅兩科選修科亦需達到3級水平。

CUHK唔同學科基本收生要求:

每所大學也係一樣,即使學生達到了大學嘅基本入學要求,亦需要同時達到學院、或該學科嘅基本入讀要求才算達標。同學可以參考中文大學2020年對於不同學科嘅收生要求,瞭解自己需要在文憑試中考得什麼成績亦作出溫習時間表嘅調整。

好想好好做好時間管理?不妨睇下都係係讀緊 CU Law嘅同學,分享時間管理嘅心得~【唔想再hea時間——五個有用嘅時間管理技巧

都係個句,要穩入一個學科要至少預測分數都要高過佢Upper Quatile 先可以!所以同學一定要做足準備功夫,搵定呢個學科最少三年嘅收生分數(Admission Scores)作為參考!

考得「達標並表現優異」嘅計分方法:

需要特別留意嘅係香港中文大學對於同學於DSE考得「達標並表現優異」(Attained with Distinction)嘅水平,會有特別嘅計分方法:

在甲組(Categroy A)嘅科目(即高中科目)

Level 1-4

Level 5

Level  5*

Level  5**

1-4

5.5

7

8.5

 

在丙組(Categroy C)嘅科目(即其他語言)

Grade E

Grade D

Grade C

Grade B

Grade A

1

2

3

4

5

想知呢個同HKU一樣嘅計分方法有咩要留意嘅地方?快啲撳呢度上去睇下喇!

2020年中文大學面試安排:

需要留意嘅係某些學科亦會設有面試環節!面試環節嘅分數亦可能係左右你能否成功入讀大學嘅重要因素!所以同學記得!不要在應考DSE後就什麼都不管,要預留時間參與心儀學科嘅面試!

第二次或以上於文憑試考讀該學科嘅分數調整:

如果係JUPAS嘅同學應該不會有這樣嘅苦惱,然而假若你為重考生,而又多於一次於DSE應考相同嘅選修科。某些學科會對該選修科會有減成... 詳情可以參考此文件檔:http://www.cuhk.edu.hk/adm/jupas/penalty-of-combine-dse-2020.pdf

香港科技大學 The Hong Kong University of Science and Technology (HKUST)

香港科技大學為於清水灣半島,由四所學術學院組成。科大連續多年被獲評為亞洲三所最佳高等學府之一。香港科技大學嘅大部分課程都要求學生嘅英文成績達到4級水平,大部分嘅入讀要求都係「432233」即英文要考獲4級水平,中文達到DSE3級水平,數學、通識達到2級水平,而學生其中嘅兩科選修科亦需達到3級水平。想要入科大嘅同學就要特別注意了。

HKUST唔同學科基本收生要求:

香港科技大學基本收生要求都係同其他大學差唔多,但記得即使學生達到咗大學嘅基本入學要求,亦需要同時達到學院、或該學科嘅基本入讀要求先算達標,而你嘅DSE分數都要同佢預測嘅收生分數(Admission Score)相若。UST大部分學科對英文和數學嘅加成比較重,而人文學院嘅 Bsc in Global China Studies 係唯一嘅學科對中文科有加成,所以想入UST嘅同學,可以係英文同數學多花小小時間啦!

有關不同學院嘅收生要求,學生可以參閱科大嘅收生要求

善用科技用JUPAS Calculator黎參考收生分數

科大嘅網站設有JUPAS Calculator,同學可以揀選自己嘅心儀學科,然後輸入自己嘅JUPAS分數後。JUPAS  Calculator 就會幫你計算你經過學科加成後獲得嘅分數,並會顯示出UST該學科嘅基本收生要求同埋歷年嘅收生分數,包括有:Highest attainable、 Median 和 LQ嘅數據,非常方便。

特此附上  JUPAS Calculator 嘅連結:https://join.ust.hk/jupas-score

2020年科大面試安排:

需要留意嘅係某些學科會設有面試環節!面試環節嘅分數亦可能係左右你能否成功入讀大學嘅重要因素!所以同學記得!唔好係應考DSE後就咩都唔理,一定要預留時間去心儀學科嘅面試!

HKUST有某啲學科係必須面試先會考慮取錄嘅,因此同學考完DSE之後一定要留意自己嘅Email;根據UST校放方網站,面試大多會以 Skype 嘅形式進行。

香港城市大學 The City University of Hong Kong (CityU)

香港城市大學位於九龍塘,注重多元化、跨文化學習與全球視野。由十個學院組成,其中以工學院、人文及社會科學院及商學院嘅表現較為突出。城大亦係全港唯一一間提供六年制獸醫課程嘅大學。

城市大學嘅基本收生要求亦係「332233」即中文、英文達到DSE3級水平,數學、通識達到2級水平,而學生其中嘅兩科選修科亦需達到3級水平。CityU大部分課程使用4個核心科目+2個選修科目計算,而不同嘅學科對不同嘅選修科亦有不同嘅加成。

CityU唔同學科基本收生要求:

城大亦一樣,不同嘅學科也會有自己嘅收生要求;其中最高要求嘅為 JS1061 Bachelor of Laws:要求學生於DSE中於英文獲得第5級水平;其他嘅學科大多嘅基本要求都係「332233」詳情可以參閱 CityU 嘅網頁

2020年香港城市大學面試/筆試安排:

某一啲學科會設有面試安排;有啲更設有筆試,或要求學生呈交作品集。同學記得注意呢啲要求。無論係面試、筆試抑或係作品集嘅分數都會計算落同學嘅入學分數當中,唔好放過任何一個可以獲得分數加成嘅機會。

城市大學已經發布2020年嘅面試/筆試安排,詳情可以參閱香港城市大學——面試/筆試安排

香港理工大學 The Polytechnic University of Hong Kong (PolyU)

香港理工大學位於九龍紅磡灣,由八間學院組成,於2016年嘅「本港僱主最願意聘用嘅大學畢業生」調查中名列第2。理大嘅視光學、物理治療、護士學、酒店及管理學以及設計亦廣為人知。

理工大學基本收生要求亦係「332233」即中文、英文達到DSE3級水平,數學、通識達到2級水平,而學生其中嘅兩科選修科亦需達到3級水平;而理大收生分數(Admission Score)就會按照唔同學科有所差異。PolyU大部分嘅學科使用 Best 5形式,即係你喺文憑試當中考獲嘅最佳五科成績來計算入學分數。

PolyU唔同學科基本收生要求:

不同嘅學科就著不同嘅特質和學習範疇,亦會有不同嘅收生要求。有關 PolyU 不同學科嘅基本收生要求可以喺呢度找到:http://www51.polyu.edu.hk/eprospectus/ug/jupas

2020年香港理工大學面試/筆試安排:

理工大學於面試/筆試時段會Email 同學邀請同學去面試,而時間、地點就會透過另外一個系統查閱,特意附上網址:https://www38.polyu.edu.hk/eAdmission/index.do,屆時同學會喺Email收到自己嘅Login Name 同 Password, Login之後就會見到面試嘅時間、地點同需要攜帶嘅物品,同學記得自己多多留意喇!

香港浸會大學 Hong Kong Baptist University (HKBU)

香港浸會大學位於九龍塘,係一間有基督教浸信會背景嘅大學。2019年位列亞洲70名,其中以新聞系最出名。浸大嘅收生要求都係「332233」,即中文、英文達到DSE3級水平,數學、通識達到2級水平,而學生其中嘅兩科選修科亦需達到3級水平。需要留意嘅係浸大有三種收生嘅計分方法,分別係:四個核心科目+兩個選修科目、四個選修科目+一個選修科目、最佳嘅五科成績。大家要格外留意不同學科收生計分方式。

HKBU唔同學科基本收生要求:

不同嘅學科就著不同嘅特質和學習範疇,亦會有不同嘅收生要求。有關 HKBU不同學科嘅基本收生要求同埋浸大嘅收生分數都可以係呢度找到:http://admissions.hkbu.edu.hk/en/

其他資訊:

HKBU都有自己嘅YouTube Channel,如果想要了解更加多和HKBU有關嘅消息,都可以查閱 hongkongbaptistu 。今年嘅Admission Talk亦已係呢個 Channel 上載。大家知道更多有關入學嘅資訊就對入浸大嘅科目更加有信心啦!

嶺南大學 Lingnan University (LingU)

嶺南大學位於屯門虎地,係全港唯一一間為100%本科生提供四年全宿嘅大學。提供嘅學科當中以人文藝術、哲學和語文藝術較為聞名。嶺大嘅收生要求係「33222」,即中文、英文達到文憑試3級水平,數學、通識達到2級水平,而學生其中嘅一科選修科亦需達到2級水平。JUPAS嘅計分方法係計算學生最佳嘅五科成績(Best 5)。

嶺南唔同學科基本收生要求:

不同嘅學科就著不同嘅特質和學習範疇,亦會有不同嘅收生要求。有關 LU不同學科嘅基本收生要求可以在這裡找到:https://www.ln.edu.hk/admissions/ug/jupas/admission-score

不同科目嘅學科加成:

計分方法固然重要,然而同學在中學嘅選修科或係核心科目嘅加成亦不容忽視!有關嶺南大學不同學科對於高中科目嘅加成細則,可以參閱這個網址:https://www.ln.edu.hk/admissions/ug/jupas/admission-score/subject-weighting 有意入讀嶺大嘅同學就要特別留意啦!

 

香港教育大學 The Education University of Hong Kong (EdUHK)

香港教育大學位於大埔,係香港唯一一間提供師範教育嘅學校。香港教育大學於2018年教育及師資培訓在國際QS世界大學排名位列全球第九名、亞洲第二名。其中以幼兒教育最廣為人知。教大嘅收生要求係「33222」,即中文、英文達到DSE3級水平,數學、通識達到2級水平,而學生其中嘅一科選修科亦需達到2級水平。教大會計算文憑試考生嘅最佳五科成績,並且在某些高中研讀科目當中亦有加成。

教大乙組科目、丙組科目嘅計分方法:

需要特別留意嘅係香港教育大學對於同學於文憑試中在乙組科目(Applied Learning Subject)以及丙組科目(Other Language)會有特別嘅計分方法:

在甲組(Categroy A)嘅科目(即高中科目)

Level 1-4

Level 5

Level  5*

Level  5**

1-4

5

6

7

在乙組(Categroy B)嘅科目(Applied Learning Subject)

Attained with Distinction (II)

Attained with Distinction/Attained with Distinction (I)

Attained

4

3

0

在丙組(Categroy C)嘅科目(即其他語言)

Other

Grade E

Grade D

Grade C

Grade B

Grade A

0

3

4

5

6

7

 

教大唔同科目嘅入學要求:

為師者一定要對自己教授嘅科目有基本嘅認識先得嘅!有關教大對唔同嘅選修科嘅要求,同埋教大嘅收生分數(Admission Score) 可以參閱呢個網址 https://www.eduhk.hk/degree/jupas-score.html 。 其實相比起往年,教大取消咗唔少文憑試於高中學科考獲級別5或以上嘅要求。雖然要求係降低咗,但同學也要留意,呢個舉動都會令更多嘅DSE考生同你競爭同一個學位。

2020年EdUHK嘅面試安排:

雖然2020年嘅面試日期仲未正式宣布,但參考往年嘅形式,EdUHK會以著電郵嘅形式通知同學。同理大嘅方式唔同,教大會直接在Email當中列名需要攜帶嘅物品、面試舉行嘅時間以及集合地點予同學。需要留意嘅係教大嘅交通相比起其他大學較為不便。同學應該預留時間前往面試嘅地點。

香港恆生大學 The Hand Seng University of Hong Kong (HSUHK)

香港恆生大學位於沙田,係2018年10月獲得政府通過嘅一間私立大學。收生要求係「33222」,即中文、英文達到DSE3級水平,數學、通識達到2級水平,而學生其中嘅一科選修科亦需達到2級水平。

恆大SSSDP學位

雖然HSUHK係私立大學,但係政府對於部分嘅學科都有資助,而資助嘅Program 就係SSSDP。SSSDP嘅學科可以排係JUPAS Choice,而且因為有政府資助,所以學費更加便宜!暫時有係SSSDP入面嘅課程都係屬於決策科學學院嘅課程。想知道自己想讀嘅科目有冇SSSDP資助就可以參考這個網址:https://registry.hsu.edu.hk/hk/prospective-students/undergraduate/

恆大SSSDP下的學科比重/加成

咁恆大嘅Admission Score(入學分數)係點計㗎?恆大大部分科目都係計算Best 5嘅成績,而同其他大學唔同嘅係,佢地學科加成嘅等級會有10、7、5、3、2...等等嘅出現。即係點?就以著管理科學與資訊管理(榮譽)學士 (JSSH05)為例子:

上述就係管理科學與資訊管理(榮譽)學士 (JSSH05)嘅選修科最低入學要求同埋比重

就以著呢個同學為例子,首先會選出佢Best 5嘅科目,之後乘上學科入學分數嘅比重。最後就會得出佢嘅應計分數。因為學科嘅比重差別非常大,所以大家主要係比重10嘅學科表現較佳嘅話就會有好大嘅優勢!

更多有關恆大嘅比重同選修科最低要求嘅數據都可以係呢個網址搵到:https://registry.hsu.edu.hk/hk/prospective-students/undergraduate/programmes-offered/

HSUHK學費資助

除咗係政府嘅SSSDP資助之外,扣除咗呢個資助,如果同學係校內成績優異(獲得GPA3.3或以上)同係文憑試當中考得一定嘅分數,恆大都會有獎學金計劃。有關詳情可以查閱恆大入學獎學金計劃

香港公開大學 The Open University of Hong Kong (OUHK)

香港公開大學位於何文田,係唯一一間由政府開辦嘅自資大學。收生要求係「33222」即係中文、英文考獲3級水平,數學、通識同其中一科嘅選修科考獲2級嘅水平。

OU嘅SSSDP學位

有SSSDP資助嘅OU課程多恆大嘅課程一倍以上。而按照不同嘅學科類別,獲得嘅資助金額都唔同,而最多係可以獲得HKD$74600嘅資助金額。SSSDP嘅課程係要透過JUPAS系統去分配嘅,所以係要排係JUPAS 嘅20個Choice入面。想知道係2020/2021 獲得SSSDP資助嘅課程有冇自己想讀個科?大家可以瀏覽呢個網址:http://www.ouhk.edu.hk/wcsprd/Satellite?pagename=OUHK/tcSubWeb&l=C_CFTS&lid=1385174509933&c=C_CFTS&cid=1473814437038&lang=chi&mid=0

OU 2020年面試/筆試安排

OU已經有係2020年嘅面試安排概覽,雖然冇實際嘅日子,但係已經列明邊啲課程需要面試;而部分課程更加講明會係DSE前抑或係後安排面試。除咗物理治療要以小組形式加上個人形式面試之外,大部分嘅面試都會以小組形式進行,OU更列明咗大概需要嘅時間:除咗護理學榮譽學士需要半日之外,大部分嘅面試都預計會進行一小時,而護理學榮譽學士唔單止要面試仲要考筆試添㗎!筆試同面試就係除咗DSE分數之外,其中一項會左右大家可唔可以入學嘅重要因素!所以絕對唔可以睇小啊!

但大家唔洗擔心,面試同筆試都係選擇性質,並唔會要求所有嘅申請人參加面試嘅。

更詳細嘅面試安排可以參考翻OU 2020年面試/筆試安排。同學都可以係OU網站參考翻歷屆該學科收生分數係幾多,咁就可以更加有方向計劃自己嘅溫習時間表啦!

更多入學資訊

雖然大多院校2019年嘅 Info Day 都被取消,搞到大家無辦法直接前往學院,但係大家都可以透過網上形式瀏覽翻唔同學校嘅入學資訊。

想知道冇咗資訊日可以點睇入學講座(Admission Talk)?咁就可以瀏覽 AfterSchool 為大家精心準備嘅 【大學 Info day 2019】各大院校資訊日終極懶人包喇!

[全港最齊] 八大院校 JUPAS  Admission Score 終極懶人包

排JUPAS前當然唔少得睇翻每個學科嘅收生要求。呢個懶人包入面有晒全港八大院校( HKU, CUHK, HKUST, BUHK, CityU, PolyU, LingU, OUHK )嘅 Admission Score,等你可以輕鬆比較唔同學科嘅收生要求,輕鬆高效排JUPAS!

立即查看

 

【2020 DSE Mock Exam】你唯一需要嘅模擬試

現正開放早鳥報名,快啲嚟【呢度】睇下詳情喇!