Photo by Ben White on Unsplash 時間就剩返幾個月啦，點樣係有限嘅時間投資落唔同嘅卷別，從而提升最多嘅分呢？今次AfterSchool就請咗 @dsefreegiveaway 分享下唔同嘅中文卷嘅投資回報率，喺有限嘅時間唔好再浪費你嘅精力喺低回報率嘅卷啦！ 1️) DSE中文卷一（閱讀） Photo by Andisheh A on Unsplash 投資回報率：20%❗️ 閱讀卷投資回報率唔高，因為佔最多分嘅白話文嘅marking scheme 永遠都係非常浮動，而且好多閱讀卷嘅題目都係非常含糊，好難可以確定自己有分，所以我覺得閱讀卷嘅投資回報率相對較低，如果你已經處理好綜合等卷嘅話，先好放較多嘅時間來閱讀卷。否則，如果你其他卷都未夠好嘅話，唔需要係咁溫閱讀卷住，淨係提升自己範文同文言文嘅能力就得。 延伸閱讀：【中文Straight 5** 卷一閱讀分享】如何一理通百理明！ 2️) DSE中文卷二（寫作） Photo by Jan Kahánek on Unsplash 投資回報率： 50%❗️ 寫作卷其實真係一份付出同收穫成正比嘅卷嚟，只要你寫得多，而且交俾一位改得好嘅老師幫你改作文，依着佢哋嘅建議來改善，自然會有好大嘅進步。簡單來講，如果你可以每個禮拜都作一至兩篇文，去到考試前你就會作咗三四十篇，你嘅能力係絕對會有提升，尤其是係審題嘅速度同埋構建寫作大綱時嘅速度都會增加。例如如果你寫記敘抒情文嘅話，你坐得多，自然會有好多故事係個腦入邊，係真實嘅考試就會可以即刻用得返出嚟。議論文亦都係，如果你寫個唔同方面嘅議論文題目，你對唔同方面嘅例子都會有一定嘅印象，係真實考試嘅時候就自然會快啲諗到例子。 延伸閱讀：【DSE中文備戰攻略】10月中文卷一、卷二——綜合懶人包 3️) DSE中文卷三（綜合） Photo by Jordan Cormack on Unsplash 投資回報率： 80%❗️ 綜合卷係一份非常值得投資嘅卷嚟，因為其實唔需要操好多卷，只要你知道咗背後嘅邏輯同技巧，例如整合拓展同見解論證嘅萬用論點，就好似一個活動點解會吸引到人同埋會有啲咩意義咁，其實無論份卷出乜嘢活動都好，佢嘅吸引力同意義都係用差唔多嘅寫法。所以如果你三份卷都係唔好嘅話，我絕對建議你衝咗綜合先。 延伸閱讀：【DSE收音機全攻略】中、英文聆聽考試前必睇 4️) DSE中文卷四（說話） Photo by Nik MacMillan on Unsplash 投資回報率： 60%❗️ 說話卷其實好睇個人嘅能力從而去斷定你嘅投資回報的，如果你本身個人說話唔可以清晰咁樣表達到自己嘅意思，咁你要學嘅就剩返點樣比較唔同嘅選項，同埋點樣反駁人等等，其實只要做得多你嘅呢啲技巧就會提升。但如果你本身係一個比較怕羞嘅人，喺考試嘅時候唔敢搶發言權，咁唔能夠容易咁樣提升，因為無論你學幾多技巧都好，你唔敢講嘅話，所有技巧對你來講都係冇用，所以你應該要跨越左自己怕羞嘅障礙先。 延伸閱讀：【中文說話】共識題「三步曲」叫人轉立場 總結 總括而言，我覺得係應該投資綜合卷先，而說話同寫作卷就其後，雖然寫作卷嘅投資回報率比較低，但我依然會建議你先投資寫作卷，再投資說話卷。原因係寫作卷嘅佔分係比較重，而說話卷佔分比較細。再加上說話卷其實你會喺三月嘅時候密集式操練，但寫作卷係主科嗰個星期考，你要兼顧其他嘅科目，唔能夠好快咁樣提升能力。 依個新系列會同大家分析點樣係有限時間攞最多分，唔知大家鐘唔鐘意依個新系列呢？其他科之後會再開post講，未完啊！ 唔知呢篇中文科嘅投資回報比率攻略有無幫到你呢？快啲去操卷啦，AfterSchool已經為你準備好全港最齊嘅 DSE Past Paper 資源庫，全力為你打氣！唔識點操卷？可以睇下呢篇《卷？不是這樣操的！今日開始！更新操卷方法啦！》～
