【DSE Maths MC 技巧】Maths Paper 2 攻略 - 用MC Skills縮短作答時間？

DSE 數學科作為主修科目之中，喺唔少大學 Program 嘅 JUPAS 計分上都會有加成，例如係精算、BBA、Global Business 呢啲數理、商科上數學嘅成績就會乘以1.5，甚至係乘二。就算你諗住專心做個文科人，你報 JUPAS 嘅時候，多一兩分對你入大學絕對會有好大幫助，所以千祈唔好睇小數學呢科。我 Gary Sir 今次就集中同大家分享一下 DSE 數學卷嘅應試心得：由備試操 DSE 數學 Past Paper，去到考場上做數學 MC 卷嘅攻略。等大家可以更有效咁對付 DSE 數學卷呢隻大 Boss！

 

好多同學仔都會以為數學呢一科喺真正開考前一個月先開始操都冇問題，但其實呢個 concept 就正正係個好大嘅問題~

DSE Maths MC 卷係一個考你答題準確度同速度嘅遊戲，一個有跟開補習嘅同學，除咗會學識唔同提升做卷速度嘅 DSE 數學 MC 技巧之外，佢仲可以喺日常 Question Bank 練習、或者 DSE 數學 Past Paper上訓練自己嘅數感。

（想知多啲操 DSE 數學 Past Paper 嘅技巧？快啲睇吓《【2021DSE考生必睇】DSE 數學 Maths Past Paper 操卷攻略》呢篇 Blog 啦！）

數感係啲乜？一個數感好嘅同學可以一睇 DSE 數學卷題目，就知道係問緊乜嘢Concept，咁樣就會節省好多解題嘅時間，大大縮短做 DSE 數學卷二時間。雖然數感係可以 train 翻嚟，但絕對唔係一個月內可以完成嘅事。

數學 DSE 係分開咗 Long Question 同 MC，兩份卷都各自有自己獨特嘅解題技巧。而 DSE Maths Paper 2（MC卷）有足足 75 分鐘時間比你做，除翻開一題平均有 100 秒嘅時間，而且唔需要寫任何步驟。睇落簡單，但每一年都總係有好多處於中下遊嘅學生表示唔夠時間做卷！

相反，我喺 2017 DSE 數學入面以 98% 分數奪得 5**，更加重要嘅係 —— 我只係用咗一半時間就完成 MC 卷並取得滿分（45／45）嘅成績！

到底我同你嘅差別喺邊度？要做啲咩先可以提升到我嘅水平？睇落去你就知！ 

 

其實每一年數學 MC 卷的出題方針都係大同小異，係一份比較容易操練嘅卷，但考評局每一年都會喺 DSE 數學 MC 卷些花多啲心思，務求喺某幾題入面浪費大家多啲時間，搞亂大家做 DSE 數學卷嘅時間分配，從而令到做數學卷二時間大大增加。

例如 DSE Maths MC 2017 年新出嘅「四心加直線方程」，喺要求大家除咗好熟「四心」嘅 Concept 之餘，仲要配合「直線方程」公式嚟考，封殺大家用四心計數機Program，同坊間所傳嘅 DSE 數學 MC 技巧，令同學仔唔夠時間做 DSE 數學卷二。

 

每一年 DSE Maths MC 嘅題目順序其實暗藏伏位，大多數同學做數學 Paper 2 嘅時候都會係順序做落去，而呢個正正係好多人覺得 DSE 數學卷二時間唔夠嘅原因。

皆因考評局已經由「Lv.1 會考時代」，進化成「Lv.2 DSE」，最難完成嘅題目唔會再放喺最尾，甚至乎唔會係 Section B 嘅題目。所以大家好容易會喺成份 DSE 數學卷中間卡住，一直消耗緊原本已經唔係好多嘅數學卷二時間。

 

以往頭幾年數學 DSE 唔少題目都用 CE Maths MC 做參考，所以好多題型都會提供圖像俾大家容易啲做。但係近年 DSE 數學卷開始將啲圖收埋，唔單止數學 Paper 1，仲一直延伸到數學卷二 MC 卷。

例如 2019 DSE Maths Paper 2 最新嘅「Log 對數」題目，就冇提供到圖；又好似上面嘅四心加直線方程，呢一類嘅題型以往都會提供圖用作參考。無圖嘅時侯條題目變得抽象，就算你識得畫翻出嚟都已經嘥咗你唔少數學卷二時間喇！

 

上面就講咗唔少考評局出卷嘅方針，同埋大家做 DSE 數學 MC 卷成日都做唔切嘅原因，跟住我就會分享下點樣用僅有嘅時間，大幅提升你數學 MC 卷嘅答題速度啦！

 

同學仔入考場嘅時候實會見到有啲人攞住幾部計數機入去，有無諗過點解呢？

原來係用嚟入唔同嘅計數機 Program。雖然上面提過考評局而家不斷封殺計數機 Program，但其實仲有好多 MC 題目可以用計數機 Program 縮短做數學卷二時間。

例如 Advanced quadratic equation (進階一元二次方程）、Stimutaneous Equation (二元一次方程) 等等，都係非常常用嘅計數機 Program！

另外靜靜雞提你一句：好多時候，計數機嘅內置功能已經可以幫你大大縮短做數學卷二時間！

例如處理 Identity（全等式）嘅題目，可以用代數嘅方法，將未知數代做實數，又或者將 DSE 數學 MC 卷答案代入題目；又例如處理 Function（函數）嘅題目，可以將實數代入未知數，從而約咗某啲好複雜嘅 Expression（表示）

另外如果你仲喺到死記 sin, cos, tan 每個 Trigo-ratio（三角函數）嘅圖表同正負值，可以嘗試禁吓 sin1，sin2 …等等。 咁你就會發覺三角函數同角度嘅關係，唔洗背之餘，仲節省咗做數學卷二時間！

如果你想買計數機，但又唔知揀邊隻好？即刻去《【DSE計數機全攻略】計算機選購懶人包！》睇吓 AfterSchool 嘅選購攻略啦！

 

好多同學淨係猛咁學唔同 DSE 數學 MC 技巧，而忽略咗一個事實：其實 DSE 數學概念已經可以幫你快速解題！

例如直線方程（Linear Equation) 入面，運用 Slope（斜率）嘅概念：y axis 同 x axis 嘅比例，就可以快速知道 Equation 的大概形象，從而排除 MC 選項；又例如 Log 函數，同學可以運用「Log_aa=1」，同「Log_a1=0」呢兩個概念，喺圖表上面加線，再配合提供嘅圖像，就可以輕鬆鎖定答案！

唔記得曬啲 Formula ？即刻去《【DSE數學公式】全港最齊數學公式表 DSE Maths Formula》溫返所有要識嘅公式啦！ 

 

頭先有認真睇嘅同學仔，應該有發現我已經提過排除法呢個方法！無錯，最簡單嘅方法反而容易俾人忽略。其實數學 DSE 有好多種題型，係可以用排除法輕鬆 KO ！

例如好多有正負答案嘅，好似 Trigo-ratio, Quadratic Equation、Factorisation 等等嘅題目，都可以先諗正負排除答案，少咗一/兩個答案，自然就會節省好多做數學卷二嘅時間；又例如一啲有關函數圖表嘅題目，可以先用 y-intercept（y-截距）排除一啲答案，再考慮斜率，就可以短時間內揀到答案~

 

圖形一向都係好多同學嘅弱項，仲要近年考評局好少俾圖大家參考，睇嚟 DSE 數學MC 卷的確係越嚟越難。但其實好多有圖提供嘅圖形題，都可以喺草稿紙畫大啲幅圖，從而揾到突破口；無圖像提供嘅題目，就可以畫個簡單嘅圖，幫助自己更好咁理解題目~

例如幾何圖形 (polygon) ，每次考評局出題都會將好幾個圖形擺埋同一幅圖入面，延長學生做數學卷二嘅時間，打亂考生做 DSE 數學嘅時間分配。呢個時候就可以喺草稿紙將唔同圖形分開畫，整理吓自己嘅思緒，相信絕對可以幫你短時間內 KO 難題！

 

睇完有無突然發覺自己之前完全唔知做 DSE 數學 MC 題都可以有咁多技巧呢~ 其實 DSE 數學 MC 技巧真係需要時間去學識應用，先可以熟能生巧，紙上談兵成效真係唔大。