【2021DSE考生必睇】DSE 數學 Maths Past Paper 操卷攻略

2021 年啦！時間係唔會因爲你而停止，距離 DSE 嘅開始只會越來越近! 喺淨低呢幾個月時間，同學點樣可以善用呢段有限嘅時間，令數學成績大幅提升？如果你覺得平時溫數學冇咩效率，咁以下落嚟呢篇文就一定要睇曬啦！  等我 Gary Sir 教你點樣「高效率」、「高回報」操卷啦！

 

「公開考試」有分試卷一 (必修部分) 同埋試卷二 (選修部分)：

 

其實由 1 月開始，就係同學「最佳嘅搏殺期」! 但大家應該點樣把握呢段時間呢？

相信同學已經初步接觸過每個 chapter，亦了解自己較弱嘅 chapter。咁我就建議大家先將呢啲 chapter by topic 做多幾次，令到自己唔再擔心嗰個課題。

同埋數學係一科需要時間纍積嘅科目，最理想嘅情況係同學每星期都可以做至少一份 Past Paper。但有多啲科目嘅同學，就算個日唔得閑操 Paper，都要臨訓前背下啲 Concept、公式等等 (例如: 四心特性)，務求令自己記憶更深刻。

另外，我都係建議大家操完 MC卷，再操長問題 Long Question (LQ)，因爲 MC 卷可以包含更多嘅 Topic 同埋時間成本更低，比起操完整一份 Paper 1 嘅效益更高。到咗 2 - 3 月，同學應該已經做完 by year 嘅 Past Paper。雖然係咁，但同學不妨做多次！因爲吸收完教訓，就可以測試自己水平大約到邊到。

 

Section A 呢 Part 唔算難，但都意味著會捉更多答題技巧。好多同學仔見到條題目都識做但到最後都會無咗一兩分。咁就可能係同學對「答題格式」仲未有足夠嘅了解。

同學喺操卷嗰陣可以留意答案每一分係點比，同埋留意唔同嘅字眼（e.g. note that) ， 可以係試卷用下呢啲字眼，引導考官去你個答案。

 

Section B 包含嘅課題比較少，但都係最難嘅嗰幾題，考考同學係咪對每個 chapter concept 都清楚。

同學操 Part B 嗰陣，要操熟唔同嘅題型！

其實每年 Past Paper 題目背後問嘅 concept 都大同少異，只係字眼唔同。比起不斷地操卷，我建議同學先了解唔同 Section B 嘅 chapter concept (locus、四心等等）再去做，效果會比盲目做更好。

 

MC 呢個兵家必爭之地，同學必須熟練。學習唔同嘅 skills 之後，你會發現真係要做嘅題目只有 10 幾題左右。老師成日同你哋講要一分鐘一題，但其實係唔正確！！！

MC 最重要係「時間控制」，同學要習慣留意時間去緊貼自己嘅進度，就算去到最後唔夠時間都要做到有 skill 咁撞答案！

 

除咗操 PP 之外，同學可能會缺乏其他嘅操練，原因可能係

1）唔識選擇有質素嘅 Mock Paper

2）覺得自己操練已經足夠

3）出面嘅練習太過參差不齊

但好多時候同學 PP 已經做咗唔止一次，其實操練有質素嘅 Mock Paper 唔單止可以令同學準備得更好，而且可以提前接觸一啲新嘅題型，提高同學臨場應變嘅反應。同時間提供多一啲操練比同學！  

我嘅操卷課程分為 2 期，分別會幫大家操練 Section A 同 Section B 嘅 Mock！入邊會提供四份我親自撰寫，極度切合考評局需要你嘅高質素 Mock Paper。  

仲會運用呢一啲 Mock Paper 幫大家熟習考評局嘅玩法，教埋大家答題嘅框架，篩選最短嘅步驟去完成所有題目！(高質素 Mock Paper 唔係度度有，手快有手慢冇！

 

唔再睇返自己錯咩，做完卷就擺埋一邊。係而家短時間内可能操唔到太多卷，但每次操卷後都要 double check 份卷，睇下自己做錯咩，然後 mark 低提醒自己唔好再犯同樣錯誤！

有啲同學可能到而家都未開始操 Past Paper，或者覺得太遲開始已經放棄咗。其實 pick up 返「數學」係咁多科入面最值得投資嘅一科，因爲好 straight-forward，唔係好似語文咁需要理解。如果你覺得自己太遲唔夠時間嘅話，不如唔好再荒廢時間，pick up 返啲嘢啦。

唔知你哋有無試過操完卷之後，望住份答案完全無從入手，由唔知道問邊個。但如果你係我嘅學生就唔會有呢個問題。因為無論咩問題，我哋都會清晰為你解答，仲有唔同嘅 by topic、 mock paper 比你參考㖭！

 

***睇到呢到大家應該對溫數學有一個初步嘅了解。好多人以爲數學係唔使溫書，但其實個啲所謂「數霸」，背後唔知做過幾多題目，先會有而家所謂「數學天分」！

講到呢度，你哋仲唔快啲落起枝筆，開始溫書，繼續為 DSE 奮鬥？！

只要有我嘅「DSE 最後衝刺操卷技巧」，再加上你嘅「努力」，我相信你一定得！