【DSE Maths Past Paper】DSE 數學 Past Paper 操卷攻略 (By Year/ By Topic 操練心得)

Gary Maths
Gary Maths 2021-1-12 18,060
喺DSE最後備戰階段,各位同學應該都忙緊操卷。但係其實用錯方法操卷就等於浪費時間!等AfterSchool話你聽應該點樣操數學Past Paper先算有效率啦!
DSE 比想像中更近,同學可以點樣喺有限嘅時間,令數學成績大幅提升?如果你覺得平時溫數學冇咩效率,咁以下落嚟呢篇文就一定要睇曬啦!  等我 Gary Sir 教你點樣「高效率」「高回報」操卷啦!
 

DSE 數學考核要求

根據考評局 2022 年評核指引,「公開考試」有分試卷一 (必修部分) 同埋試卷二 (選修部分):
  • 卷一 Paper 1 (考試時間 2 小時 15 分鐘,佔全卷 65 %)
    • Section A1:包括 9 - 10 題簡易問題
    • Section A2 : 包括 5 題較難問題 
    • Section B:包括 5 題高階問題 
  • 卷二 Paper 2 : MC (考試時間 1 小時 15 分鐘,佔全卷 35%)
    • Section A : 包括 30 題基本 Concept 題目 (基本並原代表簡單) 
 

HKDSE Maths 中六操卷前準備

credit: unsplash @slelham
credit: unsplash @slelham
其實由 1 月開始,就係同學「最佳嘅搏殺期」! 但大家應該點樣把握呢段時間呢?
相信同學已經初步接觸過每個 chapter,亦了解自己較弱嘅 chapter。咁我就建議大家先將呢啲 chapter by topic 做多幾次,令到自己唔再擔心嗰個課題。
同埋數學係一科需要時間纍積嘅科目,最理想嘅情況係同學每星期都可以做至少一份 Past Paper。但有多啲科目嘅同學,就算個日唔得閑操 Paper,都要臨訓前背下啲 Concept、公式等等 (例如: 四心特性),務求令自己記憶更深刻。
另外,我都係建議大家操完 MC 卷,再操長問題 Long Question (LQ),因爲 MC 卷可以包含更多嘅 Topic 同埋時間成本更低,比起操完整一份 Paper 1 嘅效益更高。到咗 2 - 3 月,同學應該已經做完 by year 嘅 Past Paper。雖然係咁,但同學不妨做多次!因爲吸收完教訓,就可以測試自己水平大約到邊到。
 

DSE 數學必學操卷技巧 - Paper 1 Section A

credit: unsplash @joshcala
credit: unsplash @joshcala
Section A 呢 Part 唔算難,但都意味著會捉更多答題技巧。好多同學仔見到條題目都識做但到最後都會無咗一兩分。咁就可能係同學對「答題格式」仲未有足夠嘅了解。
同學喺操卷嗰陣可以留意答案每一分係點比,同埋留意唔同嘅字眼(e.g. note that) , 可以係試卷用下呢啲字眼,引導考官去你個答案
 

DSE 數學必學操卷技巧 - Maths Paper 1 Section B

Section B 包含嘅課題比較少,但都係最難嘅嗰幾題,考考同學係咪對每個 chapter concept 都清楚。
同學操 Part B 嗰陣,要操熟唔同嘅題型!
其實每年 Past Paper 題目背後問嘅 concept 都大同少異,只係字眼唔同。比起不斷地操卷,我建議同學先了解唔同 Section B 嘅 chapter concept (locus、四心等等)再去做,效果會比盲目做更好。
 

DSE 數學必學操卷技巧 - Maths Paper 2 MC

MC 呢個兵家必爭之地,同學必須熟練。學習唔同嘅 skills 之後,你會發現真係要做嘅題目只有 10 幾題左右。老師成日同你哋講要一分鐘一題,但其實係唔正確!!!
****你要將簡單嘅題目喺最短時間做完,再撥時間去難嘅題目。
MC 最重要係「時間控制」,同學要習慣留意時間去緊貼自己嘅進度,就算去到最後唔夠時間都要做到有 skill 咁撞答案
從以上可見,操卷其實並冇你想像中咁簡單。操卷嘅過程中,除咗需要理解係題目本身嘅答案,你更需要理解 DSE 嘅遊戲規則!因為 DSE 考嘅並非單單係學生能否理解某啲數學 concept,亦同時考緊佢哋對數學嘅應用、答題方法,同考試策略。
例如 MC 題咁,你以為需要人手計算好耐,其實當中有啲位置考評局已經畀咗提示你,基本上無需思考,只係簡單咁用計數機就計到!呢一啲正正要係你係操卷嘅過程需要發掘嘅嘢!。
如果想知道 MC 卷仲有咩考試技巧,我會推薦你參加我「學費全免」《MC 神技體驗班》
75分鐘課堂會教你 MC 答題最快捷徑必學計數機 PROG + 內置功能,無論 Trigo、四心呢類大熱題型,都可以輕鬆秒殺⋯⋯保證大幅提升你做 MC 卷嘅速度 !

終極數學操卷方法

除咗操 PP 之外,同學可能會缺乏其他嘅操練,原因可能係
1)唔識選擇有質素嘅 Mock Paper
2)覺得自己操練已經足夠
3)出面嘅練習太過參差不齊
但好多時候同學 PP 已經做咗唔止一次,其實操練有質素嘅 Mock Paper 唔單止可以令同學準備得更好,而且可以提前接觸一啲新嘅題型,提高同學臨場應變嘅反應。同時間提供多一啲操練比同學!  
credit: unsplash @frankvex
credit: unsplash @frankvex
 

數學 Past Paper 操卷常見問題

1. 做完就算
唔再睇返自己錯咩,做完卷就擺埋一邊。係而家短時間内可能操唔到太多卷,但每次操卷後都要 double check 份卷,睇下自己做錯咩,然後 mark 低提醒自己唔好再犯同樣錯誤!
2. 太遲開始
有啲同學可能到而家都未開始操 Past Paper,或者覺得太遲開始已經放棄咗。其實 pick up 返「數學」係咁多科入面最值得投資嘅一科,因爲好 straight-forward,唔係好似語文咁需要理解。如果你覺得自己太遲唔夠時間嘅話,不如唔好再荒廢時間,pick up 返啲嘢啦。
3. 睇完都唔識
唔知你哋有無試過操完卷之後,望住份答案完全無從入手,由唔知道問邊個。但如果你係我嘅學生就唔會有呢個問題。因為無論咩問題我哋都會清晰為你解答,仲有唔同嘅 by topic、 mock paper 比你參考㖭!
4. Concept 錯、方法錯,但繼續不停操卷
明明自己本身都已經非常唔熟悉啲 concept,但就不停操卷,甚至係同一份卷操 n 咁多次,最終終於答啱?!但其實只係背咗個答案,並非理解題目。冇錯,考 DSE 前操卷係必須,但你需要一個「正確且有效率嘅操卷策略」,先可以發揮試卷嘅效用!
 
credit: unsplash @alexbracken
credit: unsplash @alexbracken
***睇到呢到大家應該對溫數學有一個初步嘅了解。好多人以爲數學係唔使溫書,但其實個啲所謂「數霸」,背後唔知做過幾多題目,先會有而家所謂「數學天分」!
仲唔快啲落起枝筆,開始溫書,繼續為 DSE 奮鬥?!
如果想知道 MC 卷仲有咩考試技巧,我會推薦你參加我「學費全免」《MC 神技體驗班》
75分鐘課堂會教你 MC 答題最快捷徑必學計數機 PROG + 內置功能,無論 Trigo、四心呢類大熱題型,都可以輕鬆秒殺⋯⋯保證大幅提升你做 MC 卷嘅速度 !
免費 DSE 電子報
定期為 30,000+ 中學生送上實用 DSE 資訊和資源
Gary Maths

Gary Maths

GARY於中大就讀金融系,於2017 DSE上場數學親奪5**,【MC更加用一半時間輕取滿分成績,最後全卷達98%!】短短兩年間已累積近150位學生,當中不乏傳統名校學生(包括德望學校、瑪利曼中學、香港華仁書院、協恩中學、皇仁書院、瑪利諾修院學校),亦曾幫助 Band 3學生奪星和自修生輕鬆由4升至5*。靠嘅係一套貼地簡易嘅數學學習方法,【將概念簡化,再配上我嘅自制獨家精讀筆記、全方位計數機技巧應用,定必可以將你嘅數學應試能力推上至另一高峯!】IG:@DSE.MATHS.GARY