就快又 DSE 放榜，點解要向考評局買卷？DSE 買卷嘅 Deadline 係幾時？買咗卷可唔可以 Appeal？相信唔少 DSE考生放榜前就好緊張，放榜後就好迷茫，好多野要煩。無論你習慣搜尋「DSE買卷」、「dse buy paper」還是「dse 买卷」，今次 AfterSchool 小編就幫大家整理吓 DSE 買卷嘅原因、程序同埋費用，幫助大家決定到底買唔買卷好。 快速導覽： 買卷原因 申請程序與期限 費用一覽 常見問題 如果想知更多有關放榜前後嘅準備，同應該考慮嘅重點，推介你睇吓《放榜必睇最強攻略》。 2026 DSE 買卷申請期限與關鍵日期 2026 DSE 買卷（申請查閱個人資料，即試卷及評分紀錄）預計於 2026年9月上旬 截止。考生通常需於放榜日（預計2026年7月15日）後約兩星期內提交申請，試卷通常在9月中旬銷毀，因此需把握時間。一般情況下，申請需在銷毀前一個工作天完成。重要時間節點 (預計)： 放榜日期： 2026年7月15日 (三) 買卷截止： 約 2026年9月上旬 (通常為9月8-10日左右，具體日期以考評局公佈為準) 試卷銷毀： 2026年9月上旬 買卷相關資訊： 費用： 參考往年，首科費用約 $380-$400，其後科目費用較低。 領取方式： 親身領取或郵寄，一般提交申請後30-40日內收到。 建議： 由於申請手續需時，建議在收到放榜成績後儘早安排申请。 欲取得最新資訊，可密切留意考評局網頁。 DSE 買卷係啲咩？ 由於 DSE 試卷嘅版權係考評局，買卷其實就係向考評局買返自己份試卷（複本），官方亦稱為「查閱個人資料」。向考評局買卷除咗可以拎返份卷嘅複本之外，你仲會收到試卷嘅題目、分部同試卷嘅詳細得分，不過如果想買自己說話卷嘅錄影片段，就要另外再畀錢買。 DSE 買卷嘅原因？ 其實每個人買卷嘅原因都唔同，主要都係以下幾種： 1. 留為紀念 始終對大多數人嚟講，DSE 都係一生人一次嘅事，甚至可以話係人生一個里程碑，所以唔少人都會買卷嚟作為紀念，睇返自己親筆寫嘅答案，始終呢樣野都好反映當時自己嘅諗法同心情，尤其係作文卷同一啲長問題。 2. 知道自己嘅實際分數 除咗睇答案，DSE 買卷最緊要係睇埋分數！ (更多樣本可睇考評局網頁。) 睇吓自己每題題目同埋每份分卷嘅實際分數，可以知道自己到底衰咩。呢個亦都係唔少學校會資助學生買卷嘅原因，藉此比對吓考評局嘅 marking scheme，研究吓點樣喺答題上攞到更多分，只要有夠多嘅數據，亦可以大概推論到唔同試卷唔同Grade嘅Cut Off。 3. Retake 因為唔少考生會考慮 Retake，買卷嘅好處就係知道自己表現成點，咁就可以知道自己咩類型嘅題目比較弱，同埋邊份分卷會比較容易升 Grade，咁決定重考後，就可以針對呢啲位置嚟溫書，咁就更加事半功倍。 4. 睇吓考評局有冇改錯 但要留意，買卷同覆核試卷係兩回事！你買咗份卷唔等於 Appeal！買卷只會收到試卷嘅複本，唔會影響分數；覆核試卷有分為積分覆核同重閱答卷，最重要係無論邊種，都係會影響分數。不過如果你買完份卷，發現考評局真係改錯咗，你都可以喺拎到試卷嘅複本後十個工作天內向考評局申請上訴覆核，但你需要準備充足嘅論證，否則考評局未必會接受你嘅上訴覆核申請。 DSE買卷程序 以下將逐步說明由填表、繳費到領取試卷的完整『dse買卷程序』。 第一步：下載、填寫申請表格 考生想申請 2026 DSE 買卷分別有以下兩個方法： 網上申請：網上申請是最推薦的方式，不僅最方便快捷，還能直接使用信用卡繳費，完成後即可等待通知，無需親身提交。詳細網上申請連結可參考考評局官方網站。 查閱資料要求表格 & 補充表格*：須自行列印（可參考考評局樣本） 兩個方法都需要喺表格填寫申請人資料、購買嘅科目同領取方法，同埋提交申請時要繳交所有申請費用，否則會當申請唔完成，詳細繳費方法可以睇文章下面。 第二步：提交買卷嘅申請表格 填寫完表格，申請人*帶埋申請表、身份證、考生編號嘅證明文件（成績表／準考證）去考評局以下呢個辦事處辦理申請，或郵寄相關申請文件到下面呢個地址： 考評局地址學校考試及評核部 - 香港灣仔軒尼詩道一百三十號修頓中心十二樓（灣仔地鐵站 B1 出口，行幾步就到）（附近地標：修頓中心鄰近灣仔地鐵站B1出口，亦靠近灣仔街市及灣仔電腦城）。查詢電話：3628 8860 辦公時間星期一至五上午8時30分至下午5時正星期六上午9時至中午12時正星期日及公眾假期休息 (如果授權他人，請準備申請人簽署嘅授權書同身份證副本) 第三步：按照指定方法取得試卷 一般嚟講係提交申請表 40 日內就會收到電郵通知，可以跟返你填表格時所選取嘅領取方法，索取你所購買嘅 DSE 試卷。索取方法一般有以下三種： 選擇親身／授權* 到灣仔修頓中心考評局辦事處領取 郵寄掛號到你自己指定地址（掛號郵費可參考下面考評局買卷費用表格） 如果揀郵寄到郵政局自取，郵費會到付，按重量畀錢，一般1-2科申請約$5-$11，3科或以上申請就大約$21-$35。如果選擇親身領取，建議避開午膳時間（下午1-2時）及放榜後首星期的高峰期，以減少輪候時間。 (如果授權他人，請準備申請人簽署嘅授權書同身份證副本) DSE 買卷 Deadline 以2026年考試為例，考評局預計將於9月上旬銷毀試卷，因此買卷截止日期通常會設在銷毀前一個工作日（例如：2026年9月X日）。係呢個期限後你申請買卷都只會拎到分紙，唔會收到試卷、錄影片段。 如果銷毀試卷後、考試年度11月30日或之前，你買到嘅分紙如上；如果11月30日之後，你只會睇到科目嘅等級，詳情請睇考評局網站。 DSE 買卷價錢一覽（2026年最新費用） 無論你係學校考生定係自修生，買卷嘅費用都係一樣。以下為大家整理具體的 dse買卷價錢 參考： 項目 費用（港幣） 備註 購買首科試卷 $380 銷毀試卷前適用 每增加一科試卷 $104 銷毀試卷前適用 中、英文科說話卷錄影片段 $990 額外收費 視覺藝術科繪畫卷別 $150 附加費 (索取彩色個人資料硬本) 但要留意，有個別科目嘅卷會包含另類試卷模式，所以除咗一般申請費用外，考評局會按成本需要而徵收附加費。 申請咗買卷幾時交錢？ DSE 考生必須申請買卷時就繳交所有申請費用，否則申請會被視為唔完整，考評局就唔會處理買卷申請。 買卷點樣畀錢？ 如果申請人係銷毀考卷日期前申請： 網上以信用卡畀錢 便利店以「繳款單」畀錢 如果係銷毀日期後申請，咁就可以用： 易辦事（EPS） 八達通 抬頭人為「香港考試及評核局」嘅劃線支票 記住千祈唔好郵寄現金！ DSE 買卷常見小問題 1. 買卷係咪一定要成科買? 係，如果你買數學就會包埋 Core 同 M1/2，但中國語文科同英國語文科可以考慮買唔買埋說話分卷嘅錄影片段。 2. 如果想買卷又想同時 Appeal，有無問題？ 無衝突㗎！你可以放榜當日就同時申請買卷同 Appeal，Appeal 結果公佈後嘅40日內你會收到試卷。所以即使你 Appeal 結果前就買咗卷，最終收到嘅試卷都會包埋 Appeal 後嘅分數，唔會造成影響！ 3. 買卷時應唔應該申請 Appeal？ 好老實講，真係睇你嘅需求。因為如果你無申請 Appeal，買咗卷之後先發現考評局改錯咗，雖然你可以喺收到試卷後十日內申請上訴，但一嚟考評局未必會接受上訴（除非你有充足嘅證明指出改錯咗），二嚟就係即使接受咗你嘅上訴，你嘅成績都趕唔切報今年嘅 JUPAS。所以如果你只係差一、兩分，又唔想等多年，就強烈建議你都係申請埋 Appeal。 4. 學校想買你份卷？ 唔少學校都會主動買考生嘅試卷作參考用途，學校老師必須先得到你嘅同意，拎到你嘅身份證副本先可以向考評局購買你嘅試卷。你亦可以主動搵科目老師傾吓，睇吓學校會唔會買你份卷，再順手畀返個副本你。 5. 如果買完卷發現考評局改錯咗咁點算好？ 你收到試卷後十日內可以提出上訴覆核申請，但必須有充份嘅理據，詳情可以睇返考評局網站。 6. DSE 買卷後通常幾時會收到？ 根據考評局指引，一般在提交申請後的40個工作天內，你會透過電郵收到通知，並可按你選擇的方式（親身領取或郵寄）取得試卷副本。 諗完買唔買卷後，大家都要認真考慮吓 JUPAS 排位嘅問題，【八大院校入學要求 2026 】8大政府資助（UGC）及兩大自資大學 JUPAS Admission Score 收生要求一定要睇清楚，否則排錯位，分分鐘派出嚟嘅結果重差過其他考得無咁好嘅同學仔⋯⋯ JUPAS 排完位，唔好掛住去玩，記住要留意電話，隨時會收到 Interview 通知！諗到面試就好緊張好擔心？送你幾個無敵 Interview 心得，到時面試處變不驚，輕鬆拎 Offer！ *** 以上資料只供參考，一切以考評局發放之指引為準
