今日我將會同大家由佔分、HKDSE English Paper 1 Past Paper 常見題型出發，學埋時間分配 Time Management 同題型技巧！如果你想知 DSE 英文卷一閱讀理解技巧，就要睇曬我跟住落嚟提供嘅星級 tips 啦! 了解自己 Level 喺邊先可以制定做卷策略，用最高效率，喺英文 Reading K.O. 最多有把握嘅題目！ 想睇埋listening卷點先攞到高分？即撳：【DSE ENG Paper 3】英文卷三 Listening 聆聽格式+技巧 (Format & Skills) DSE English Paper 1 佔分比例 佔分比例 根據 考評局英國語文科評核大綱 顯示，HKDSE 英文卷一佔整體科目總分 20%，其中 「Part A 必答」同「Part B 選答」各佔 10%。 DSE English Paper 1 常見題型 credit: unsplash @chrislawton DSE 英文卷一嘅考核題型不外乎以下格式： 1. Multiple Choice (MC) 2. True or False (T/F) 3. 配對題 (Matching) 4. 撮要填充題 (Summary Cloze) 5. 短答 Short Question/ 長答 Long Question (SQ/LQ) 「短答題」常見出法包括： 1. 參考題 (“what does X refer to”) 2. 尋找同義/反義詞等 「長答」則包括： 1. 解釋題 (“Explain…”/ “Why…”) 2. 陳述利弊題 (“State…”) 3. 析述立場題 (“Do you agree…”) HKDSE English Paper 1 考試技巧 要準確獲取最佳分數，大家需熟習 English Paper 1 每種題型的難易度、容易失分位，避免誤墮陷阱。 credit: unsplash @blazphoto 技巧一 「閱讀+答題次序」 好多時老師教做英文 Reading 都會叫同學「睇一次啲問題，再睇一次篇文先做」。 但其實喺 DSE English Paper 1 根本唔需要咁做！ Paper 1 嘅題目係順住文章內容出題，所以我哋唔需要睇一次篇文先做！可以一開波就「睇第一段做第一題」，咁會節省咗唔少時間。 另外，題目嘅 hints 都可以按出題次序去搵。 E.g. 通常 Question 2 嘅答案都會喺 Question 2 同 Question 3 所用嘅文章內容之間，如此一來就可以收窄範圍，更輕鬆容易咁搵到答案，事半功倍。 技巧二 “Summary Cloze” 對付 English Paper 1差唔多每年都會出嘅 Summary Cloze，秘訣就在於熟悉唔同生字嘅 Part of Speech，呢 Part 都好考同學嘅 Grammar，同埋大家對文意嘅理解。 雖然答案往往會喺文中找到，只要根據題目語境適當轉換 Part of Speech 即可得分，但都要留意陷阱，就以 2017 DSE Paper 1 Past Paper Part A 為例： 當年 (iv) 嘅答中率只有 24%，比其他幾題低一半有多。 考生攞唔到分好大嘅原因係佢哋答唔到完整嘅文意 — line 39寫到 “if you wash plastic in water that was heated by coal-derived electricity,” 指出啲水係被加熱過嘅，所以答案係 hot water 或者 heated water，要將半個分句內容濃縮去兩個字，確實好考同學對篇英文 Reading 內容嘅理解！ 技巧三 「參考題」 「參考題」亦係 DSE 嘅常見題型，主要考同學對文章句子 “subject” 同 “object” 嘅理解。 英文 Reading passage 啲句子又長又沉，我知大家都睇到暈，但要搵返題目 refer to 嘅 noun phrase 其實唔係好難。不如我哋睇吓 DSE 2013 Reading Part A 嘅呢一題： 題目問緊 WHO developed PEG，固然答案會係一個或者幾個人，所以我哋可以睇下 line 76 句子中嘅 subject 就可以知道 “Chinese researchers started working with experts from the Conservation Office in Germany to develop a preservative known as PEG…”，中國研究人員同德國嘅專家都有份研發呢個 PEG。 但係我哋要點樣將呢句嘢變做答案呢？寫答案嘅時候，切記要用返原文字眼，攞足分數，寫 “Chinese researchers AND experts from the Conservation Office in Germany.”就可以喇！ 更多必學考試技巧 其實，仲有其他 DSE Paper 1 tips： 「MC題目」入面，四個選項中必有一個誤導分子 (misleading factor)，看似正確，但睇清楚題目係要求「最佳答案」，所以即使該選項部分正確也未必是最終答案。 「析述立場題」切忌完全自我放飛、自說自話，標準答案往往是需引用文章提供嘅觀點去加以支持自己所選嘅立場，不能自創原由。 English Paper 1 時間分配 credit: unsplash @aronvisuals 如果你會「做唔切」DSE 英文卷，或者唔夠時間 check 卷，咁就說明你喺時間分配上仲有好大改善空間啦。 究竟點樣喺一個半小時內閱讀兩篇長文，完成 DSE Paper 1 四十多條 (甚至更多) 的題目呢？ 一個常見的概念謬誤： 45分鐘做 Part A，45 分鐘做 Part B 大家唔好被 Part A 文章長度給嚇倒！DSE Paper 1 Part A 雖然篇幅較多，但用詞及題型卻往往比 Part B 簡單直接，所以你需要的時間會比你想像中少。 相反雖然 Part B 有時文章篇幅較少，但用詞通常較艱澀難懂、長題目陷阱較多，需要花費較多時間對付。 DSE Paper 1 Time Management 要點: Part A: 35 分鐘 Part B: 45 - 50 分鐘 Check 卷: 5 - 10 分鐘 大家記得就算係未做完 Part A 都唔好戀戰！ 另外，有啲同學容易喺 MC 或 T/F 呢啲邏輯推理選擇題中被擾亂思維，最後沒時間做後面較 factual 較直接嘅複述題，搞到得不償失。 都有同學係喺最後 5 - 10 分鐘 check 卷時過度分析 (over-analyze) 自己嘅答案，喺臨交卷一刻草草「轉鈦」，原本啱都變錯，委實可惜。 DSE English Reading 常見疑問 credit: unsplash @praveeeeeeeen 揀 B1 定 B2? Q1. 英文 Reading 應該揀 B1 定 B2 作答呢？ 綜觀 2012 至今 DSE English Paper 1 考生作答數據，選答 B1 嘅學生比例每年下降，咁說明咗考生都明白 B1「保守攞4」嘅策略已經不合時宜。 真正劃分 Level 5、5* 同 5** 嘅題型只集中喺 B2 嘅某一兩條長題目，就算唔識都未至於要放棄成個 Part B2，所以以「可取分數」嚟講，B1 較 B2 不划算。 答題應唔應該 paraphrase？ Q2: 英文 Reading Long Question 究竟應該參考題目/ 文章內關鍵字作答，定用自己文字 paraphrase 一次呢？ 呢個問題經常有同學問，答案係：前者「參考題目/ 文章關鍵字」！ 抄重點字眼並唔代表你能力比較低，反而答案本身 (例如一個 noun/verb phrase) 都應該要遵從文章用字，咁喺 DSE English Paper 1 會更容易獲取滿分。 睇唔明啲 idioms 點算好？ Q3：DSE 英文卷一面對唔識嘅 idioms 點算？ 答案比你想像中簡單 —— 「唔識，就靠估！」 英文 idioms 好靠同學平時累積，就算英文能力極強嘅學生也有可能被考評局殺個措手不及，對 idioms 無從入手。其實喺咁嘅情況下，考評局已經預咗大部分考生都唔識呢個 idioms，所以評分上都會相對鬆手，如果你估中一半，可能已經「執到」半分！ 當然，估的方法不是 random，而係仔細研究 idiom 出現嘅語境 (context)，探究人物與人物之間、事物與事物之間嘅關係 (dynamic)。不如睇睇以下例子： Example 1: A 同 B 係敵對關係，咁緊隨其後嘅嗰句 idiom 有沒有可能係「形容兩者嘅龍爭虎鬥」？ Example 2: A 事件直接導致 B 事件嘅發生，咁相對嘅 idiom 都應該有因果關係在裡面。 其實只要明白咗 context 嘅重要性，就算遇到聞所未聞嘅 idiom，心裡面都有幾分打算，錯極有限。 睇曬以上咁多英文閱讀獨門攻略秘技之後，相信你一定會明白：DSE English Paper 1 Reading 唔喺不停操練就會有進步
