【DSE Maths concept】數學四捨五入 Round off, Round up, Round down

相信大家準備緊 DSE 嘅同學對於 rounding 呢個 concept 都唔陌生，無論做咩年份嘅數學 DSE Maths Past Paper 都緊有一兩題。唔知你有冇試過做錯過呢？其實呢個 concept 好簡單，但好多人都會混淆。首先，rounding 可以分成三大種類先：round off 「四捨五入」, round up 「上捨」同埋 round down 「下捨」。另外，大家記得仲要注意「題目字眼」，例如：「有效數字」 significant figures， 「小數點後」 decimal places 等等！不如等我喺下面同大家詳細解釋一下啦 (有曬例子㗎)！ Round off (四捨五入) 大家喺 DSE 數學 Past Paper 最常見到嘅應該喺 Round Off 四捨五入，佢應該算係三個入面最簡單。 做嘅時候留意要 rounding 嘅後一個數，如果係大過等於「5」就進一個位，細過「5」嘅保持原狀就可以。 credit: unsplash @antoine1003 題目例子： 將 67.7 捨入至最接近的十位數 round off 67.7 to the nearest ten (答案係 70) 因爲係十位數後面個數字係 「7」，而佢係大過或等於「5」，所以就要進位啦。 Round up (上捨) Round up 上捨 就人如其名，無論見到咩野數都要將佢進一個位就可以，就算佢係細過「5」 都要將佢進位。 credit: pexels @Lum3n 題目例子： 將 2338.338 捨入至兩個有效數字 Round up 2338.338 to 2 significant figure (答案係 2400) 呢條第二個有效數字後面係「3」，但係 round up 嘅 case 無論係咩數都要進位。 Round down (下捨) Round down 下捨 就係 round up 相反，但係就好似四捨五入，我哋係唔會將要 rounding 嘅數退位嘅，我哋只會維持原狀。 credit: pexels @gabby-k 題目例子： 將 2338.338 捨入至小數點後兩個位 Round down 2338.338 to 2 decimal places (答案係 2338.33) 雖然小數點後兩個位嘅後一個數係「8」，但係我哋無論見到咩數都唔會變個數，所以得出呢個答案。 睇到呢到相信同學對 rounding 嘅認識又加深咗啦，但數學始終係一科持之以恆嘅科，需要同學不斷嘅練習。 所以我喺下面準備咗一啲題目比大家啦！ 題目例子 credit: pexels @Pixabay 捨至有效數字 Significant Figures (s.f.) 將 0.001099 捨入至第二個有效數字 Round off 0.001099 to the 2 significant figure Ans: 0.0011 捨至小數點後 Decimal Places (d.p.) 將 689.003 捨入至小數點後兩個位 Round up 689.003 to the 2 decimal places Ans: 689.01 捨入至最接近的千位數 Nearest Thousand 將 4563.5463 捨入至最接近的千位數 Round down 4563.5463 to the nearest thousand Ans: 4000 P.S. 而家應該係 DSE 嘅最佳搏殺期，同學記得要溫書同努力做多啲 Past Paper 呀！ 不過喺操練習嘅同時，大家都要 make sure 自己冇用錯方法！就好似 Paper 2 MC 卷，當你其實可以利用「計數機神技」縮短至少一半嘅計數時間，點解仲要用啲傳統白痴方法計？ 為咗令更多同學可以學識呢啲「MC 計數機神技」，輕鬆、快速自己咁提升自己 DSE 嘅 grade，我決定以成本價 $50 （筆記印刷費 + 郵遞費用）開一堂「MC 神技班」，用 75 分鐘時間，教你點樣只用計數機，以平均 30 秒一條嘅速度，K.O. 20 - 30% 嘅題目! credit: unsplash @doran_erickson P.P.S. 唔好覺得辛苦而放棄呀，你哋挨過完呢關想做咩都可以做到㗎啦。Keep 住團火呀！！！

【DSE Maths concept】數學四捨五入 Round off, Round up, Round down

下載AfterSchool

追蹤AfterSchool