【溫書地點大比拼】屋企、Cafe、自修室

Smarkle_dse
Smarkle_dse 2019年11月24日
屋企溫書嫌太多distractions,去Starbucks又嫌噪,去樓上自修室又嫌貴?到底去邊到溫書好啊😭今次 AfterSchool 就請嚟中大嘅Smarkle_DSE同你分析唔同嘅DSE溫書聖地:無論喺溫書咖啡室,屋企定圖書館,佢會講曬每個地方嘅好與壞,幫你去搵真正屬於你嘅溫書聖地!

屋企溫書嫌太多distractions,去Starbucks又嫌噪,去樓上自修室又嫌貴?到底去邊到溫書好啊😭

今次 AfterSchool 就請嚟中大嘅Smarkle_DSE同你分析唔同嘅DSE溫書聖地:無論喺溫書咖啡室,屋企定圖書館,佢會講曬每個地方嘅好與壞,幫你去搵真正屬於你嘅溫書聖地!

想搵到個最啱你嘅溫書地方?快啲睇落去喇!

暑假相信同學們都開始溫書喇🔥香港土地問題嚴重,想搵個地方安安靜靜溫書都唔容易😣以下我會列出幾個熱門溫書地點,再逐一點評。至於我嘅溫書聖地呢,就喺篇文最後,所以記得睇完篇文!

DSE溫書聖地#1:文青咖啡室 (e.g. Starbucks ,Pacific Coffee, 樓上Cafe etc.)

Coffee Shop一直喺文青打卡嘅熱門地方,打開story仲有一個影住杯咖啡,角落露出佢份notes,感覺即刻變得高尚咗,chill下溫下又喺一日。

文青Coffee Shop溫書☑️優點 

  1. 「可能」會更加專心
    周圍好多人坐喺你附近,所以你會暗地裡覺得收到注目、監視,於是你*可能*會更加比心機溫書。

  2. 可以將溫書內容讀出黎,更容易入腦
    由於係公眾地方,可以溫書嘅時候讀出聲,更加容易入腦,適合聽覺型學習者。

  3. 咖啡味提神☕️
    有啲人聞到咖啡味會感到精神。

文青Coffee Shop溫書兩大❌缺點

  1. 環境較為嘈吵
    周圍好多客人會講嘢同埋發出聲音,有時候附近會有啲小朋友喺度嘈同埋搗亂,又有時候隔離嗰臺會大聲喧嘩,騷擾你溫書,令到你好容易分心。

  2. 「可能」會有經濟壓力
    一杯嘢飲成$40,如果成日去嗰度消費溫書嘅話,荷包都幾肉赤💸

【延伸閱讀】【溫書好地方】一文睇哂全港邊度溫書好!

DSE溫書聖地#2:屋企 (?!)

屋企溫書三大優點

  1. 節省交通時間
    係屋企度讀書可以慳返traffic嘅時間

  2. 冇帶漏嘢嘅可能
    有時溫溫下發現有本筆記或者練習冇攞到出嚟,冇咗啲notes又好難溫,喺屋企就可以省卻左呢種煩惱啦🥳仲唔洗孭住好多書同執一輪書先出得街🥳

  3. 屋企係隨時補給站
    免費有Wi-Fi有冷氣有水乜都有,溫溫下書想補給下都好方便又慳錢👍🏻

屋企溫書缺點

  1. 日常聲音會容易讓人分心
    如果屋企人係屋企嘅話佢哋日常活動嘅聲音,例如廚房傳來嘅炒菜聲、屋企人嘅談話聲、甚至係細佬妹嘅喧嘩聲,都會令你好容易分心😣

  2. 屋企有太多誘惑😭
    屋企張床同埋電視、電腦、零食櫃都係魔😈好似小編我咁,每次喺張床隔離嘅書枱溫書,溫唔夠一個鐘就會攤左係張床度瞓覺咁就冇左一日💩

DSE溫書聖地#3:自修室/圖書館👑

燈燈燈凳🥳🥳🥳🥳冇錯!對小編嚟講,銅鑼灣嘅中央圖書館就係我嘅讀書聖地🤩八九樓仲有超級無敵大海景檔風景睇,仲有歷年Past Paper俾你攞返位操,早到嘅話更加可以坐單人位,真係好正㗎🤩!

自修室/圖書館溫書優點

  1. 免費Resources一籮籮擺係你眼前
    免費🤩唔使錢有Past Paper、有得充電又有冷氣仲要免費,夫復何求?!

  2. 充滿學習氣氛📚
    當你見到周圍啲人都喺度奮筆疾書,好努力咁溫書嘅時候,你自自然然就會有壓力,更加俾心機溫書,唔想輸俾附近啲人🔥(依種比較心態係唔好嘅,但係又真係好難避免,所以就要係適當嘅時候利用一下依種心態🙈)

  3. 環境較為安靜
    通常喺圖書館裏面啲人都好自律,環境當然會比較安靜,附近又冇乜distraction,比較容易專注。

自修室/圖書館溫書缺點

  1. 唔可以出聲溫書
    但正正就因為圖書館冇得講嘢,你背書嘅時候唔可以背出聲,有時候會溫得比較辛苦😣

  2. 考試前夕要搶位
    一到考試前夕,就會好難搵到位,離開座位一陣又會好驚比管理員收咗啲嘢😵

總括而言,小編個人就最鍾意喺中央圖書館溫書🥰希望大家睇到唔同溫書地方嘅優劣之後,可以揀到最適合自己嘅溫書聖地喇🤤

睇完Smarkle_DSE嘅溫書聖地嘅介紹,係咪有衝動想溫書但係無從入手呢?係嘅話~不妨參考Smarkle_DSE早前嘅 【中六上課日溫書時間表】喇!

【2020 DSE Mock Exam】你唯一需要嘅模擬試

現正開放早鳥報名,快啲嚟【呢度】睇下詳情喇!