【DSE ENG Paper 3】英文卷三 Listening 聆聽格式+技巧 (Format & Skills)

DSE ENG Paper 3 English Listening 聆聽卷有咩要注意嘅地方？唔知就要繼續睇落去啦！ 今次 AfterSchool 邀請咗 Mr. J English 為大家講解下 DSE English Paper 3 嘅考試秘訣，集中分析 Part A 技巧 Skills + Part B 格式 Format！佢仲會教埋點樣分配做卷時間，幫大家做好時間管理 time management！ 英文卷三聆聽比重及歷年 cut off DSE English Paper 3 考試評分標準 其實都係俾大家參考下，唔想睇可以直接飛去之後嗰 Part Paper 3 Listening and Integrated Skills (about 2 hours) (30%) There are two parts in this paper, each worth 15% of the subject mark. All candidates must do Part A and then choose either Part B1, the easier section, or Part B2, the more difficult section. Candidates attempting Parts A and B2 will be able to attain the full range of possible levels, while Level 4 will be the highest level attainable by candidates attempting Parts A and B1. Part A, the compulsory section, will consist of a variety of listening tasks. Parts B1 and B2 will comprise integrated listening / reading and writing tasks of different levels of difficulty based on the same theme. Candidates will be required to process information by selecting and combining data from spoken / written sources in order to complete various listening / writing tasks in a practical work or study situation. All the information necessary to complete these tasks will be provided. At least one of the writing tasks will require candidates to produce an extended piece of writing (100 – 200 words). (考評局2022年英文科評核大綱 節錄) HKDSE English Paper 3 歷年 Cut Off 分數 HKDSE English Paper 3 Listening and Integrated Skills (英文卷三) 係四份卷入面佔比重最高嘅分卷，佔成 30%，所以好多同學仔平時操得最多就係呢份卷。一齊睇下歷年 DSE ENG Paper 3 嘅cut off： 5** 5* 5 4 3 2021 85% 76% 73% 60% 49% 2020 89% 85% 79% 66% 53% 2019 84% 77% 72% 62% 50% 2018 82% 78% 72% 64% 56% 2017 82% 75% 72% 62% 53% 2016 85% 79% 75% 68% 48% 2015 85% 79% 78% 65% 47% 2014 85% 81% 76% 67% 47% 2013 87% 82% 79% 66% 49% 綜合 2013-2021 年數據，大家可以見到只要 DSE Paper 3 English Listening 取獲八成分數或以上，就已經可以輕鬆奪取5**。事不宜遲，等我而家就嚟為大家拆解下 HKDSE English Paper 3 Part A 及 Part B2 有咩要注意嘅地方啦！ DSE ENG Paper 3 Listening and Integrated Skills Part A 技巧 技巧一：重覆即答案 正所謂「重要嘅嘢講三次」，呢句說話無論應用喺日常生活定英文卷三入面都非常合適！Repetition (重覆)，背後原理係想加深聽眾對該字詞嘅記憶。英文卷三 Part A 入面嘅 Task 1 & 2 填充題份量比較多，而答案多數會喺錄音入面反覆出現兩次甚至更多，咁多位同學記住唔好 miss，要做好 note-taking 啊 ！ 例子： 2017 HKDSE English Paper 3 Part A Task 1 Transcript: Emily: …the other name for a twin city you might have heard of is a sister city. Charlie: Ok, yes, I’ve heard sister city before yeah. 喺呢段立法會議員 Emily 同電台主持 Charlie 嘅對話中， ‘sister city’ 出現咗兩次，意味住呢個 term 有可能係答案。再睇翻 Task 1 答題簿 question-answer book： · Twin cities are also called (2) ___________________________. 答案呼之欲出，就係 ‘sister cities’ 喇！當然同學要留意題目入面用嘅字眼有無轉到 grammar，例如以上一例，錄音中 ‘sister city’ 係 singular，但答題簿就轉做 plural (‘twin cities’)，暗示同學要將 ‘sister city’ 轉做 plural ‘sister cities’ 先會有分！ 技巧二：短答都有分 至於 Part A Task 3 & 4 難度就比較高，因為填充題少，題目通常以表格、匯報形式出現，就好似 Paper 1 long questions 咁得一條長橫線，無任何提示字眼俾同學參考。不過唔好咁快怯住！你知唔知原來唔一定要答完整句子 (complete sentence) 先有分㗎？ 「咩話Mr. J？！即係答短句 (short answers) 都會有分？」 無錯！即睇例子示範： 2013 HKDSE English Paper 3 Part A Task 4 Marking Scheme: (47) (increase)/(add) more medium(-)price(d) restaurant(s) 喺英文卷三的marking scheme 中，所有括號內的字皆非必要 (non-compulsory)，換言之你只要寫齊曬非括號內的字，就算錯grammar 都會有分！先睇埋錄音稿： Simon: Another request was to increase medium-priced restaurants. 答題簿本身並無明確顯示究竟考生應填一個動詞句 (verb phrase) 或名詞句 (noun phrase)： The rest gave the following suggestions: (46) __________________ (47) __________________ 喺咁嘅情況下，變相你無論寫 verb phrase 定 noun phrase 都好，只要包含重點字眼 (keywords) 就會有分。 所以呢題答案中，主動詞 (main verb) ‘increase / add’ 係可以省略嘅，反而錄音入面未有提及嘅 ‘more’ 就一定要有，因為 ‘more’ 其實有 ‘increase / add’ 意思，而且符合題目要求 ‘suggestions’ (建議，即對比以往及未來的變化) 呢個語境。Keywords ‘medium-priced restaurants’ 都一定要有，但語法上有好多走盞位，例如 ‘medium-priced’ 唔一定要有 hyphen 或者 ‘d’， ‘restaurants’ 可以唔洗加 ‘s’ ，就咁 singular 都得。 所以，撇除所有括號內的字唔計，第47條嘅答案可以係簡單到咁： (47) more medium price restaurant 就算 grammar 未必百分之一百全中，呢個 short answer 都已經有分！ 技巧三：串字有得抄 有咩慘得過明知答案，但唔識串字！唔洗擔心，等我教你最後一招，錄音出現過嘅生字有可能會喺題目指示 (instructions / situation) 或者 data file 裡面搵得返，所以遇上難串嘅字唔好驚住，記得要揭前揭後睇返曬 instructions / situation / data file，唔係有得抄都唔抄啊嘛？ 例子： 2013 HKDSE English Paper 3 Part A Task 1 Marking Scheme (7) plenty/a lot/lots of lounge space ‘lounge’ 呢隻字當年考起唔少學生，但醒少少嘅你只要揭去後面睇下 Task 2 instruction： Task 2 Linda is now interviewing another traveller about what facilities or features would be important in a new lounge area that is being planned at the airport. 就會輕鬆揾到答案！ 即學 DSE Paper 3 Listening Part B 4大考試技巧 為咗幫助同學們更易吸收，我特意拍咗條 YouTube 影片，深入淺出地為大家講解以下 DSE ENG Paper 3 技巧，當中絕密分享常規課程入面教授嘅內容，大家快啲睇，然後 Subscribe 埋呢個 Channel！ 如何搵 Content Point？ 點樣做先可以攞盡分數？ 甚麼是背景 Background？ 如何處理例子？ 如何處理插圖資訊？ 我好懶唔想努力，有冇咩快速提升 ENG Paper 3 成績的方法？ DSE 英文卷三 Part B Listening & Extended Writing 格式 format HKDSE English Paper 3 Part B2 往往係令唔少同學擔憂嘅一環，要喺1小時10分鐘內消化 data file 及完成三篇 extended writing，的確係會有種顧此失彼嘅感覺。 「Mr. J，究竟有咩方法可以喺做 Part B2 嘅時候更加得心應手？」 大家嘅心聲我聽到喇！同 writing 卷一樣，唔同嘅 extended writing 有唔同嘅格式，而唔同嘅格式又有唔同嘅寫法。換言之，只要你熟悉英文卷三 Part B2 嘅常見格式，咁寫起上嚟就會有信心好多！ 即刻為大家拆解 English Paper 3 Part B2 三大常見格式 (排名不分先後)： Article 文章 唔好睇小呢個 genre， article 係所有文體中最大變數嘅一種，無論係專題文章 (feature article)，部落格 (blog entry / blog article)，甚至網頁資訊簡介 (information page / introduction) 都屬於呢種文體。雖然格式上最簡單直接，但同學仍需留意每個task 唔同嘅受眾 (intended audience)，並採用適當嘅語氣及措辭完成寫作，咁先可以喺 language 同 appropriacy 獲取最佳分數！ Article 文章格式 Title Content (*One point, one paragraph*) Letter 書信 書信可以分為公函 (formal letter，通常題目會要求考生以學生會代表 /助理等身分寫信給校方 / 主辦單位 / 合作夥伴等)，非正式書信 (informal letter，例如寫給朋友 / 同輩) 及 e-mail (可以是formal 或 informal)。 Letter 書信格式 Dear Mr. X / Mrs. X / Miss X, (formal letter 只需寫姓氏，不用寫名字) // Dear XYZ, (formal letter 機構名 / 公司名) // Dear XXX, (informal letter 同輩之間可直呼其名) Content (*One point, one paragraph*) 英式：入兩格 或 美式 (靠左泊齊) Yours faithfully (不知對方姓名專用) / sincerely, (知道對方姓名專用) // Best wishes / regards, (informal letter) 處名 Report 報告 留意 task instructions 可能未必會表明 ‘report’ 呢隻字 (例如 2017 English Paper 3 Part B2 Task 8 係用 ‘summary’ 呢隻字)，但同學通常可以從 data file 的資料中推敲出呢類文體嘅特性。如果唔知副標題寫咩，可以參考返 data file，通常第一則資料入面有提供字眼 (例如 ‘background’， ‘issues’) 俾同學做副標題！ 想知道更多 Report 必學秘密加分位？即撳：【 Report 格式】寫 ENG DSE 報告英文實用攻略（含教學 + 範例！） Report 報告格式 Report on XXX Content Common Sub-headings (一個 sub-heading 內的正文可以包含一段或多於一段) Background Issues / Problems / Objectives Suggestions / Solutions / Recommendations Conclusion 同 Report 好相似嘅仲有 Proposal 建議書！想知道應該點寫？即撳： 【 Proposal 格式】寫 ENG DSE 建議書英文實用攻略（含教學 + 範例！） 其他格式 除咗以上三個熱門格式，往年 HKDSE English Paper 3 Part B2 都有出過演講辭 (speech) 呢種格式，但就比較少見 (2014 Task 9，2019 Task 10)，想知道其他格式 (例如演講辭 Speech 格式、計劃書 Proposal 格式、報告 Report 格式等等) 嘅同學仔可以去返呢篇英文作文blog 重溫。 想知道 Speech 應該點寫？即撳：【 Speech 格式】寫 ENG DSE 演講辭英文實用攻略（含教學 + 範例！） 「Mr. J，如果題目無列明格式咁點算好？」 無錯，有時考評局會專登嚇下你，唔係題目列明格式，要求學生綜合 data file 及答題簿給予嘅提示估格式。好似2019 HKDSE English Paper 3 Part B2 Task 9，題目要求學生寫一篇 ‘short text’ 介紹一齣電影。放心，你要知道考評局係唔會考學生無學過嘅格式，再加上介紹電影即類似網頁資訊簡介，由此就可推敲出 ‘short text’ 即係 article 呢類文體。 DSE 英文English Listening 建議時間分配 HKDSE English Paper 3 聆聽部分通常佔 50 - 55 分鐘，換言之考生大約有 1 小時 10 分鐘嘅時間完成 Part B2 三個 tasks。三個 tasks 入面必定有一個長題目，要求考生寫 200 - 220 字，所以同學可以花較多時間喺呢個 task。但往年試過將 220 字放喺第一個 task (Task 8)，較短嘅兩篇 (約120-150字) 則放喺 Task 9、Task 10，令唔少同學花太多時間寫 220 字，無時間做 120 - 150 字嘅 tasks。 所以，最好嘅時間分配就係睇字數做人！假設同學有 70 分鐘時間完成 Part B2，最理想係頭 30 - 35 分鐘做完兩篇短 tasks，確保自己能獲取基本的分數，然後淨低嘅時間(約 35 - 40 分鐘) 做長 task 及 proofreading。再次提醒同學千萬不要放棄 proofreading 一環，尤其是喺 Part B2 咁多資料嘅情況下，混淆資料、抄少 / 錯 / 多 points 等問題屢見不鮮，會嚴重影響 content 及 language 分數。 DSE Paper 3 Listening 常見問題 「Mr. J，我 language 同 appropriacy 成日都好低分，究竟點解會咁？」 呢個問題可能係因為你唔了解 HKDSE English Paper 3 嘅評分準則！ 評卷員喺評核 language 分嘅時候，其中一個好重要嘅準則係考生有無精準運用 data file 入面相關嘅資訊 (data file manipulation)，換言之如果你 content 獲取滿分，自然會帶動 language 都會高分！ 唔少同學誤以為 ‘manipulate’ 並不等於 ‘direct copy’，所以會用自己文字paraphrase 一次 data file 提供的資料，其實咁做並唔會幫到你 language 分數更進一層！考評局係想考學生基本的文字組織及語法能力，例如識唔識將陳述句變做問句 / 問句變陳述句 (forming statements / questions)，或者係因應情況轉時態 (tenses) 及代名詞 (pronouns) 等，僅次而已，並無叫學生 paraphrase data file 嘅意思。

【DSE ENG Paper 3】英文卷三 Listening 聆聽格式+技巧 (Format & Skills)

下載AfterSchool

追蹤AfterSchool