DSE 數學講求邏輯思維嘅訓練，亦有唔少公式、答題技巧要學，所以好多同學都會去補習。但係市面上有咁多補習社同補習名師，咩先喺最適合大家呢？AfterSchool 為各位整合咗唔同補習社及老師嘅資料，分析各種補習方式嘅優缺點，仲會教大家點揀合適嘅老師，希望幫到大家考好 DSE！
目錄
為甚麼要補數學？
數學絕對係付出同收穫成正比嘅科目！想考好數學，同學首先要對各種基礎理論有一定理解。之後，透過操 Past Paper 同試題，同學就可以將理論套用於題目，再熟習唔同題型，加快做數嘅速度同成功率。
補習社同補習老師有豐富嘅教學資源，佢哋可以為同學提供貼近DSE 考核形式嘅試題，有部分更會「貼題」，令學生對考試更有信心。
另外，補習老師有機會收集到大量學生嘅意見，可以針對常見嘅試題盲點為同學進行分析，咁就可以大大加強同學嘅學習效率。
數學補習社 & 老師一覽
大型補習社介紹
提到大型補習社，大家都會即刻諗到遵理、現代、英皇呢三間連鎖補習社。佢哋嘅老師同課程眾多，以下係其中幾位數學科補習名師：
- 遵理學校 — Dr. Koopa Koo、Ken Tai
- 英皇教育 — Dick Hui (跨平台)、Samuel Chong
- 現代教育 — Dick Hui (跨平台)、Keith Leung
大型補習社嘅課程收費大約係 $600-700 / 4堂左右，初中同高中課程會有約 $40 嘅差別。
中、小型數學補習社推薦
香港有唔少中、小型補習社，當中仲有啲係數學專科補習社，相信係教學資源同經驗上都有保證，以下係一啲例子：
- 學斯補習社 (數學專科補習社)
- 格致理學 (數學專科補習社)
- 起維數學教室 (數學專科補習社)
- 匯進教育 (數學專科補習社)
- 超研教育 (數學專科補習社)
- 數研教育 (曾經係數學專科補習社，但目前有其他科目課程)
- 數學思維教室 (數學專科補習社)
- 學林教育 (中文、英文、數學專科補習社)
- 英博教學中心 (中文、英文、數學專科補習社)
中、小型補習社嘅收費大約係 $1000-1200 / 4堂，一樣會隨年級不同而有約 $100-200 嘅差額。
私人補習 (上門數學補習) 介紹
搵私補老師嘅方法有好多種，有啲老師會自己整網頁嚟招學生 (較出名嘅有 Angus Lo)，而透過補習中介搵老師都係唔錯嘅選擇。以下幾間都係比較出名嘅中介：
- Kits-tutor
- hktutor 香港補習導師會
- Tutorduck
- Tutor circle 尋補
私補老師嘅上門補習價錢比較浮動，同學亦可以同部分老師直接商議收費、每年升幅等。大學程度嘅導師補中學生大約收 $130-180 / 每小時，全職補習老師或者日職導師就有機會收到 $300-650 / 每小時。
小編獨家優惠～
有排都未全日復課？想喺屋企 keep 住進度甚至領先一步？
有排都未全日復課？想喺屋企 keep 住進度甚至領先一步？
透過 Tutor Circle 尋補 搵補習老師，疫情下除咗上門補習，仲可以要求視像補習！
Tutor Circle 尋補成功配對率達 98%，專業客服幫你搵導師，最快30分鐘搵到啱你嘅導師!
所有 Afterschool 用戶使用優惠碼「AS50」尊享尋補補習學費$50 減免。
喺屋企好迷失或者欠缺動力嘅你，快啲 click 下面條 link ，搵個私補老師貼身幫你趕進度啦！
立即使用優惠碼：https://bit.ly/3AbnDeP
網上數學補習介紹
上網補習有個好處，就係可以自由控制時間！尤其因為疫情關係，好多人都唔想隨便出街，而睇網上補習嘅課程片段就可以在家上堂，仲可以唔明睇到明。唔好以為網上補習就少啲 support，其實依加嘅網上補習都幾完善，老師會準備好筆記等配套，同學有唔明亦可以聯絡老師。
杜氏數學、Herman Yeung 等係比較出名嘅網上數學補習社/老師，同學有興趣可以睇下佢哋嘅網頁、YouTube 片。
另外，AfterSchool 都係一間網上補習平台嚟！我哋嘅老師同課程都好有水準，選擇亦好豐富，有真人/直播課程，亦都有線上課程，而且會針對唔同課題/分卷指導學生。
收費方面，AfterSchool 嘅課程多數為 $700-800 / 4堂，另外亦有針對唔同需要嘅課程提供。我哋定時都會有唔同優惠，咁就可以用超值嘅價錢報讀課程啦。
以不同方式補習數學的優缺點
credit: unsplash
唔同補習形式各有千秋，當中有啲方式嘅優缺點對數學補習嚟講特別重要，我哋可以特別留意！
於大型補習社 DSE 補習數學的優缺點
✓ 資源豐富
大型補習社嘅教學團隊資源豐富，可以透過資料搜集同分析整練習、上堂筆記同考試攻略比學生。數學科想考得好，操數係在所難免，而係大型補習社補數就唔驚無題目做，做有好多「天書」可以溫添。
✓ 課程架構
大型補習社會開設唔同種類嘅課程，例如係常規課程、暑期班、精讀班、衝刺班等，同學係做數嘅時候總有啲課題係比較擅長，有啲就冇咁清晰，依個時候多樣化嘅課程就可以符合返唔同同學嘅需要。
✘ 互動率低
當同學做到某條題目唔識做，一定會好想即刻搵到人問。但係大型補習社多數提供 Video Class，加上補習名師學生眾多，所以同學生互動會較少，亦未必回答到所有學生嘅問題。
✘ 針對性低
雖然大型補習社有針對唔同需要嘅課程，但課堂內容始終係一樣，未必滿足到唔同水平嘅同學。計數技巧有深有淺，而且對題目嘅疑惑都可以出自好多方面，所以缺乏針對性對某啲同學嚟講可能係好致命嘅不足。
於中、小型補習社補數的優缺點
✓ 小班教學
中、小型補習社嘅課堂多數都唔會太多人，老師同學生嘅互動率較高。當同學做到某條題目唔明白，都可以直接問老師，有利學習。
✓ 按程度分班
唔少中、小型補習社會分精英班、補底班等配合唔同學生，而係小班教學之下，老師亦好容易觀察到學生嘅水平，所以學生唔使擔心自己揀嘅班別係咪合適自己，亦可以得到更個人化嘅建議。
✘ 資源較少
中、小型補習社嘅課堂比較多係提供練習，應試技巧、考試攻略等往往比較少，如果主要係想學「神技」或者快速解題嘅同學就可能有其他選擇啦。
私補數學的優缺點
✓ 具針對性
私補多數都係一對一，同學有咩問題老師可以即時解答，仲可以針對同學嘅需要提供指導，咁有咩數學題唔明就可以即刻問啦。
✓ 良好關係
私補老師一般比較年輕，同學生有多啲共同話題，亦可以提供升學意見。全堂不斷計數其實都有少少攰同悶，如果適時可以同老師傾吓計，可能更有效率！
✘ 資源較少
私補老師較難收集到唔同數據、試題，加上教材由自己準備，唔似補習社有教學團隊去設計、檢閱教學資源，所以筆記質素往往及唔上補習社。
網上數學補習的優缺點
✓ 配套完善
網上補習嘅老師有好多同補習社名師一樣，有一定數量嘅學生，學歷同能力亦有保證。佢哋嘅教材可以自行下載，甚至會寄到同學屋企，同學嘅上堂體驗同係補習社上 video course 差不多！
✓ 彈性高
同學可以自由選擇上堂時間、地點，部分補習課程片段又可以翻睇，對同學而言唔單只方便，更可以好好理解同重溫課程內容。
✘ 即時性較低
唔係面對面教學，老師同學生嘅互動自然會減少，同學都未必可以即時問問題。但係網上補習嘅老師團隊成員通常較少，所以學生會較易聯絡到老師本人，有咩問題都可以直接問佢。
如果同學想知更多私補、補習社、網上補習嘅優缺點，可以睇我哋之前出嘅依篇 blog~
怎樣選擇合適的 DSE 數學補習老師？
credit: unsplash
課程的時間表和上課地點
中學生，尤其係高中生可以補習嘅時間好有限，絕對係分秒必爭。合適嘅課程時間表同上課地點可以幫同學好好利用課餘時間，又唔會無得休息。如果同學想更好地控制上課時間同地點，可以留意下學校同屋企附近有咩補習社，又或者係搵私補數學老師嘅時候提出地區、上堂時間等要求。當然，透過 video 隨時隨地咁補習數學都係係唔錯嘅選擇！
學生評價
市面上嘅補習平台大多冇評分系統，同學想更了解老師嘅評價就要上討論區或者向其他同學查問。但對於私補老師，同學始終較難預先了解佢哋嘅教學經驗同能力。
老師風格和學習資源
每位同學都有唔同嘅數學補習需要，搵到一個啱自己嘅老師就可以事半功倍！但市面上有咁多位補習老師，同學要點樣係短時間內了解到唔同老師嘅風格、實力，唔會浪費金錢同時間去搵「perfect match」呢？
其實唔少大型補習社都會比學生試堂，等同學可以對老師有初步嘅認識。不過補習社開放試堂嘅時間同名額都有限，大家想參加就要把握機會，留意唔同補習社嘅公告。
小貼士：數學練習 & 溫習技巧
我哋嘅「學習專欄」入面有唔少同學習心得、考試技巧等有關嘅文章，大家平時得閒睇吓，一定對學習數學同其他科目有幫助~ 以下係一啲同數學有關嘅文章：
DSE 補習系列文章：
