各位中六嘅同學仔距離 DSE 又近咗一步啦！喺時候收返埋個 holiday mood，計劃下嚟緊幾個月要點樣溫書、點樣操 English Past Paper。我喺下面分別寫咗關於 Paper 1 Reading、Paper 2 Writing、Paper 3 Listening 嘅操卷攻略，希望可以幫到你哋喺短時間進步啦～ DSE English 英文考核要求 根據考評局英國語文科評核大綱，以下喺分數比重： 「公開考試」： 英文卷一 Paper 1 (閱讀 Reading) (考試時間 1 小時 30 分鐘，佔全科 20 %) Part A+ Part B1 / B2 (各佔 11.5 %) 英文卷二 Paper 2 (寫作 Writing) (考試時間 2 小時，佔全科 25 %) Part A (11.2 %) + Part B (16.8 %) 英文卷三 Paper 3 (聆聽及綜合 Listening & Integrated) (考試時間 2 小時，佔全科 30 %) Part A + Part B1 / B2 (各佔 17 %) 英文卷四 Paper 4 (說話 Speaking) (準備時間 10 分鐘，小組討論時間 8 分鐘，個人短講 1 分鐘)Part A + Part B (共 10%) 「英文 SBA 校本評核」： 閱讀/ 電影報告 或 小組討論 或 個人報告 - Part A 或 Part B (佔全科 15 %) DSE English 中六操卷前準備 距離 DSE 越嚟越近，雖然勤力嘅同學都應該已經將啲 Past Paper 做到七七八八，但其實重做 Past Paper 都學到嘢㗎！ 培養 Self-evaluation 意識 credit: unsplash @marcojodoin 我建議開一個 Excel，記錄自己每次做卷嘅分數 (尤其係 Paper 1)，mark 低自己每次錯咗邊幾題，如果發現同一題錯咗好多次就要特別留意自己點解會重複犯錯啦！ 除咗用分數 track 自己，都可以開一本簿記錄自己常犯嘅錯誤，有 self-evaluation 嘅意識會令你學習得更加有條理同埋有信心㗎！如果你未做晒 Past Paper，其實可以留返一兩年嘅卷等到二月先做，當係俾自己 final check 吓自己嘅能力～ 訓練 Productive Skills & Receptive Skills credit: unsplash @prateekkatyal 除咗 Past Paper 之外，日常中訓練下自己嘅 Productive Skills (產出技能) 同 Receptive Skills (接收技能) 都可以令你英文有進步！ 訓練 Receptive Skills 可以係睇報紙、聽新聞呢啲傳統嘅方法啦，亦都可以將你鍾意嘅嘢同英文連繫一齊！ 例如：如果你鍾意整甜品，咁就可以睇吓外國嘅 cooking channel (e.g. Tasty) ，內容其實唔係好重要，我哋都係想訓練你可以習慣聽得明英文，同埋用一個輕鬆啲嘅方式將英文融入喺你嘅生活之中～ 不過最重要最重要都係要 keep 一本簿，將你覺得有用嘅 phrases/ sentence structures/ idioms 寫晒落去，用你嘅方法整理，令到自己可以方便睇返。 至於 Productive Skills 就係要學習將你接收到嘅嘢用返出嚟！ 例如： 每日用一個新學嘅 phrases 寫 10 句唔同 topic 嘅句子。 如果驚 grammar 錯嘅話，就可以上網搵例句參考。呢個方法可以令你真正咁樣記得嗰個字嘅意思同埋點樣用。我諗而家大家傾計都好鍾意用 Chinglish，其實都不妨可以試吓用啲完整嘅英文句子啊～ 如果 keep 到呢個習慣，對於訓練你用英文諗嘢係非常之有用㗎！ DSE English Paper 1 Reading - 必學操卷技巧 credit: unsplash@aaronburden 睇標題 + 頭一二段 → 睇題目 → 一路做一路睇 講起 DSE English Paper 1，好多人開考就好心急睇內文，其實睇清楚標題好重要㗎，有時標題仲會有啲 description，同你講啲重要資料，例如篇文嘅 genre，甚至係作者嘅立場。睇完標題之後，就要睇頭一二段，令自己大概知道篇文係講緊啲咩，跟住就可以開始答題目㗎啦～ 如果睇晒成篇文先答題目，就會浪費咗時間睇多一次...... 由於啲題目係順序嘅，所以順住一路做一路睇就得㗎啦。 搵 keyword/ 「同義詞」嘅嗰一句或者前後一句 醒目會睇 marking scheme 嘅同學就會發現，其實好多答案都可以喺篇文度直接抄！ 搵答案嘅時候，最緊要係搵返 keyword 嘅位置，望吓佢前前後後嘅句子符唔符合題目問嘅嘢，合理嘅話就可以直接抄㗎啦！咁當然都會有啲答案要求考生用自己嘅文字，不過搵到 keyword 附近嘅句子都會幫助你組織自己嘅答案。 優先睇首尾段同埋每段既 Topic Sentence 同小結句 我哋作文嘅時候，都會將每一段嘅中心思想放喺第一句，同埋喺段落嘅尾部重複一次。其實Paper 1 嘅文章都係同一個道理，所以睇段落嘅頭同埋尾就可以幫你快啲捉到重點。除此之外，好多時答案都係喺呢兩句句子入邊 (尤其係問緊 main idea / purpose 嘅題目)，所以可以特別留意呢個部份。 DSE English Paper 2 Writing - 必學操卷技巧 credit: unspalsh @digitalcontentwritersindia 要有心理準備！題目會同較早年份唔同 近年嚟 DSE English Paper 2 嘅題型同以前唔同咗好多，已經好少再出就咁一個好直接嘅 issue 叫你寫 letter to the editor 啲咁大路嘅嘢。 即撳：【 Speech 格式】寫 ENG DSE 演講辭英文實用攻略（含教學 + 範例！） 近呢幾年好多題目都係同香港文化有關，而且越嚟越多 authentic (貼近現實) 嘅 task，例如上年出咗做學校 project，寫信比公司等等。如果見到啲未見過嘅題型唔使驚㗎，只要認清楚 target audience，有一個啱嘅「語景意識」，Letter 寫返上下款、Proposal 俾返啲 subtitles 就唔會錯㗎啦！大家都可以儲多啲相關嘅 vocab。平時同朋友出街、食飯搵餐廳呀等等都可以用英文 search，咁等佢出啲好 authentic 嘅題目嘅時候，或者就可以派上用場㗎啦！ 分配好時間 如果頭先有留心睇分數嘅比例，就會發現 Part A 佔分其實係低啲㗎！Part A 要求都會相對低啲，唔需要寫太多字，所以快快手做完用多啲時間去諗 Part B 更加重要啊！ 用技巧搶 organisation 分 用 Topic Sentence、「小結句」&「過渡句」嚟搶 organisation 分！唔好用 Firstly, Secondly, Moreover！ 理論上用 firstly 呢啲係冇錯嘅，但係作文上來講係唔會加分嘅，所以我建議大家可以搵啲 phrase 取代佢哋。例如： Firstly = First of all.../ First…/ To begin…/ One reason is… Secondly = Another reason/ example/ point…/ In addition…/ Furthermore… Moreover…/ The second reason is.../ The next problem is…. Thirdly = Finally.../ Most importantly.../ Last…/ The final reason is…/ My last example is…/ The most significant problem is….. 以上唔同嘅小技巧，已經可以幫你執到唔少分數！正所謂積少成多，就算平時英文文筆唔算特別好，只要喺 DSE 前靠操卷掌握呢類 exam skills、掌握考評局嘅評分規則，你都可以獲取一定嘅分數，提升 DSE Level！ DSE English Paper 3 Listening & Integrated skills - 必學操卷技巧 留意重複嘅 phrases/ 句子 DSE English Paper 3 Listening 最驚就係 miss 咗重要嘅 point，但係其實答案通常都會喺錄音入邊反覆出現兩次甚至係更多，所以你聽到同一句說話出現第二次，就記得快快手抄低啦！ 除咗重複嘅說話之外，一啲真實對話會出現嘅 hesitation (e.g. well…) 後面都好大機會會係答案，背後嘅原理係講者諗過之後先拋出嚟嘅 main point。 Part B 逐個 task 搵好 points 先開始寫 有啲同學做 Part B 第一件事就係 mark 晒三個 tasks 嘅 points，但係咁樣做就可能會令到時間分配得唔清晰，太遲開始寫都會不安。 我會建議大家逐個 task 喺 datafile 度間啲 points，做完一個 task 至搵下一個。由於 datafile 係唔使交返嘅，所以提議大家可以搣咗 main task (交代你要做咩) 嗰張紙出嚟，方便你揭去唔同嘅頁數對。 至於 mark 嘅方法最緊要都係你自己鍾意同埋睇得清晰，我自己就鍾意喺每個資料上面寫一個英文字母，然後間到一個答案就 mark 低 A1 咁，然後寫 A1 落 main task 張紙，咁就唔使係咁揭嚟揭去同埋驚漏 point 啦～ credit: unsplash @brucemars 溫熟熱門文體 背熟百搭開頭結尾句子 Paper 3 常見文體都離唔開 article/ email/ webpage (類似article) / proposal/ report，記得要背熟每一種文體基本嘅格式要求，順便背埋百答句，例如 email 嘅 “Should you have any questions please contact (person) at (phone number)” 到時見到就唔使再諗咁多，可以放多啲時間去搵 point。 留意 Audience 同 Formality 醒目嘅同學就會發現 datafile 嘅資料好多時都係 acronyms/ contractions/ colloquial language（日常用語），唔可以直接寫落篇文度。記得記得要將所有簡寫都轉成正規嘅英文字，至於formality 就要睇文體。如果係 speech 或者 school magazine， 就可以 semi-formal 同埋親切啲，但係如果係 business 嘅文件就要 formal 同埋認真啦，例如 kids 呀呢類比較口語嘅字就要轉成 formal 啲嘅 children。 英文 Past Paper 操卷常見問題 credit: unsplash @hudsonhintze DSE English Paper 1 做 Past Paper 好似冇乜方向？其實最重要嘅並唔係做嘅過程，而係做完 marking scheme！Paper 1 每做錯一條題目，就要諗自己點解會揀咗嗰個答案，認清楚自己被 distracted 嘅原因，同埋正確答案係邊度搵。 除此之外，仲要諗吓 marking scheme 嘅答案係點樣生成嘅，繼而估返題目嘅要求，例如如果有比較字眼就代表答案要有比較嘅意識。再配合埋頭先推介大家 keep 嘅常犯錯誤簿，就可以幫助自己釐清觀念，減低重複犯錯嘅機會～ DSE English Paper 2 至於 Paper 2，如果大家冇時間成篇文作，其實可以淨係寫低每一段嘅組織，同埋喺 vocab book 都搵一啲可以用到嘅 keywords，幫助自己記得啲字。自己一個人未必睇到自己嘅邏輯錯誤，所以大家可以同朋友交換你哋嘅稿，互相俾 feedback 對方，講吓邊度可以 elaborate 多啲，交換下 vocab，令篇文章更加豐富！ DSE English Paper 3 Paper 3 操卷嘅方法同 Paper 1 相似，不過比較麻煩嘅就係 Paper 3 好難睇到除咗 content 之外嘅要求，marking scheme 又得嗰幾句，所以大家可以上考評局嘅網站睇 Level 5 嘅 sample 同 comment，咁就可以更加清楚考評局嘅要求～ DSE 終極衝刺英文操卷方法 credit: unsplash @jordanhile 講咗咁多操卷技巧，最緊要都係有得實戰，但係 Past Paper 有限，咁仲做咩練習好呢？ 坊間來歷不明嘅 exercises 最多都係抄到考評局嘅 keywords，但係喺設計題目上完全係另一回事！做得多都驚做壞手勢。所以大家記得要小心留意自己做緊啲咩卷啊！ **其實 DSE 英文嘅每一分卷都有好多 exam skills 可以應用到！就算你嘅英文底唔算特別好，只要你掌握做每份卷嘅評分規則，你都可以靠唔同嘅「小線索」、「小技巧」去考好 DSE English！ 我以上提過嘅技巧都只不過係其中一小部分！如果你而家呢刻準備考 DSE，已經無時間打穩個英文底，真係不妨將僅餘嘅時間花喺專研考試技巧、集中操卷！
