嚟到四月初，相信好多同學都積極備戰DSE！不過考完DSE之後，就標誌住你踏進人生另一個階段——你中學畢業啦！之後就梗係唔少得期待已久嘅謝師宴，除咗多謝老師六年嚟嘅悉心教導之外，仲可以為你中學生涯畫上完滿嘅句號。Grad din咁隆重，衣著又點可以hea？一齊等AfterSchool 陪你做好準備啦！
目錄
Grad din 女學生置裝懶人包
喺謝師宴，個個女仔都想著條靚靚嘅裙影靚相。以下我地就有相關嘅門店推介，集中喺油尖旺同銅鑼灣，方便大家一晚變女神！
Grad din 裙旺角門市選擇
旺角中心商場 Argyle Centre
相信大部分人對旺中都唔陌生，平時行街、食嘢、買衫可能都會去旺中行。旺角中心高達3 層，有成有超過300間賣各款服飾、美容化妝、鞋襪、精品嘅商店。相信絕對幫你搵到價錢相宜嘅心水之選～ 雖然商場賣嘅服飾通常唔可以度身訂造，但大部分都係亞洲人尺寸，就算身材矮小都好容易喺度搵到啱身嘅裙㗎～
地址: 旺角亞皆老街65號及彌敦道688號
金都商場 Golden Plaza
相信睇過電影《金都》嘅同學都知道，佢係香港最大型及知名度最高的一站式婚禮服務主題購物商場。商場位於太子地鐵站隔離，佔地五層，賣裙嘅店鋪林林總總。雖然話係婚禮主題，但要買晚禮服都絕對可以喺度輕鬆搵到㗎！
地址: 太子彌敦道745-747號
愛都婚紗中心 Aidu Wedding Center
呢幢商業大廈喺金都商場附近，樓高十二層，每層均為獨立的商戶，所以室內空間非常寬敞！同佢金都商場、尖沙咀嘅百利商業中心同為香港三大婚宴主題商場，去金都嘅時候經過都不坊入去睇下～
地址: 太子彌敦道749A號
Grad din 裙尖沙嘴門市推介
百利商業中心
喺香港，除咗金都商場，位於尖沙咀嘅百利商業中心都係另一個出名以婚禮服務為主題的購物中心。樓高四層，有大約300間店舖（雖然疫情之下數量減少）除咗婚紗，各式嘅謝師宴裙都應有盡有！小編目前上網搵到嘅就有Purple Shop、FORWEDDING同BLOSSOM UP呢三間，相信如果親自去會尋到更多寶！
地址: 香港九龍尖沙咀漆咸道南87-105號
Grad din 裙銅鑼灣門市選擇
銅鑼灣門市嘅禮服裙價錢可能比較高，不過款式同樣都多樣啲～不過同學仔係想試裙嘅話，記得到門店之前，要打個電話講聲呀！
Wardrobista
呢間匯聚超過75個設計師品牌，如 Tory Burch、Red Valentino、Alexander Wang、Hervé Léger，原價最高過萬，不過如果租借，只需幾百元就可以有交易！學生都絕對負擔得起㗎
地址: 銅鑼灣恩平道19號2樓
Ona Fashion
呢間舖頭嘅風格偏向歐美風同以簡約為主。除咗謝師宴裙，平時出街想著得有新意啲，呢度嘅裙都啱你～
地址: 銅鑼灣耀華街31號3樓
Grad din 鞋門市選擇
Randa
謝師宴鞋想特別啲，但又唔想太貴？Randa 係嚟自日本嘅品牌，鞋款甚多，無論係日常款、當季潮流款定係宴會款，喺Randa都可以搵到，質素幾好之餘，價錢$200-$500就有交易～
ORiental TRaffic
行開商場嘅你地相信都見過呢個牌子，佢喺香港有超過22間分店，所以好易搵到！佢同樣都係嚟自日本嘅品牌，款式簡單大方之外，價錢都好合理！門店分佈於銅鑼灣、尖沙嘴、旺角、元朗等。
Mango
Mango同Zara風格相似，而且都係衫褲鞋襪齊備於同一間門店。除咗服飾，部分鞋款都好抵買！門店分佈於尖沙咀、上環等。
謝師宴裙必睇網店
隨著電子消費越嚟越流行，依家好多人買衫都係上網買。加上疫情關係，好多人都唔想為咗先想要嘅裙款而東奔西走！考慮到呢一點，AfterSchool就為你搵咗幾個賣裙嘅online shop品牌，幫你足不出戶都買到心儀嘅裙款，仲可以有效限制謝師宴嘅洗費！
ASOS
ASOS係嚟自英國嘅品牌，除咗裙之外，仲賣好多唔同款嘅休閒/ 潮流服飾，亦都會同其他著名品牌合作，例如Monki 同 Topshop。依家喺佢香港官方網站購物，買滿一定數量嘅話，連運費都唔使俾！
Zalora
Zalora呢個牌子起源於東南亞，除咗唔同牌子嘅衫褲鞋襪之外，仲有唔同嘅beauty product可以買。可以一次過選購曬咁多唔同嘅product，襯衫極方便！
Grad din 女學生化妝、set 頭 tips
女仔買完裙買裙，謝師宴當日更唔少得嘅就梗係化妝、set頭啦！除咗可以搵化妝師幫手，想靠自己嘅同學仔可以睇下以下嘅扮靚小貼士啦！
戴隱形眼鏡
近視嘅同學平時返學日日戴眼鏡，grad din當日戴con絕對即刻令人眼前一亮！除咗可以放大雙眼之外，仲可以令你雙眼更加炯炯有神！
切忌太誇張
雖然Grad din要隆重其事，但化妝方面都千祈唔好太over！記得謝師宴嘅主要目的係要多謝老師多年嚟嘅教育，所以妝容要大方得體、裝束都唔好太暴露，當咗自己去行fashion show咁啊～
搽防曬要留意
雖然grad din喺夜晚進行，不過好多女仔鍾意化妝嘅時候都搽防曬！不過留意部分防曬（例如物理性嘅防曬用品）喺閃光燈之下嘅時候係會完全反白㗎！所以揀防曬嘅時候要揀返化學性防曬啦，唔係當晚影好多靚相就會反曬光㗎啦～
喺謝師宴，同學仔仲可以同朋友dresscode，夾返個顏色或style，當日影出嚟嘅相就更加特別啦！
Grad din 男學生置裝懶人包
講完女仔謝師宴打扮嘅貼士，當然都唔少得男仔！其實男仔睇落好似簡單啲，襯衫可能仲難過女仔㗎～
Grad din 西裝門市選擇
男士西裝可以去邊買？知道學生成本有限，相信大家都唔想喺謝師宴上有太大洗費。所以AfterSchool 搵咗啲性價比較高嘅地方同店鋪俾大家參考！
旺角荷李活購物中心 (Hollywood Shopping Centre)
平時大家行街可能都有經過，但未必入過去行。其實佢係香港西裝商舖集中地，屹立區內逾30年！樓高三層，有大大小小唔同嘅西裝舖，可以度身改良之餘，價錢仲唔貴。除咗grad din，好多大學生上莊、見工嘅西裝都係喺度買㗎！
地址：旺角西洋菜南街14-24號
G2000
相信大家對呢個牌子都唔陌生，其實G2000源自香港，主要賣啲辦公室人士嘅日常返工穿搭，風格偏向正式。而且分店好多，遍佈港九新界，絕對唔難搵！雖然女款嘅晚裝裙款就比較少，不過相信男同學喺G2000輕鬆搵到心儀嘅謝師宴西裝！而且價錢都唔算好貴，幾百蚊都有交易！
Uniqlo
雖然Uniqlo主打優閒服飾，其實佢同樣有少量男裝正裝選擇。價錢唔貴之餘，睇落仲相當大方得體！
Grad din 鞋門市選擇
喺香港地，男裝皮鞋嘅門店就冇女裝鞋嘅門店咁普遍～不過如果肯捐窿捐，都絕對可以尋到寶！
旺角荷李活購物中心 (Hollywood Shopping Centre)
對於男士皮鞋，小編同樣推介旺角嘅荷里活購物中心！除咗西裝恤衫，仲有各款皮鞋俾男士選購。無論係簡單款定係特別款，都可以喺嗰度搵到㗎～ 基本上成set嘅grad din outfit都可以喺度搞掂！
地址：旺角西洋菜南街14-24號
Aldo
如果budget鬆啲，可以幫襯啲大眾品牌嘅男士皮鞋！Aldo係嚟自加拿大的品牌，喺旺角朗豪坊、銅鑼灣崇光百貨都有分店，性價比都唔錯！
謝師宴男學生必睇網店
Zalora
除咗女裝，Zalora男裝嘅product同樣都唔少！而且價錢都相當抵，一件得體嘅blazer三百幾蚊就有交易！同其他同學仔一齊揀完一齊買嘅話，甚至可以免運費添！
謝師宴酒店場地/宴會廳/餐廳推介
帝京酒店 (Royal Plaza Hotel) 謝師宴資訊
Royal Plaza Hotel係一間五星級嘅酒店，位於旺角太子道西， 宴會廳宴會廳位於酒店六樓，佈置堂皇富麗，大型落地玻璃甚至可遠眺獅子山。除宴會廳，網站更有唔同餐廳同餐牌供同學瀏覽～
（圖片來源：帝京酒店網站）
美麗華酒店 (The Mira) 謝師宴資訊
The Mira 位於香港尖沙咀彌敦道中心地帶， 宴會廳附設六款炫色主題，華麗璀璨。配以各式精選美食及貼心服務！
（圖片來源：美麗華酒店網站）
馬哥孛羅香港酒店 (Marco Polo Hong Kong) 謝師宴資訊
Marco Polo Hong Kong 嘅宴會廳位於大堂樓層，色調主要為優雅嘅金黃色、白色等柔和色調，配以璀璨的水晶吊燈，相當堂皇華麗！前廳更備有現代化飾鏡，更顯豪華氣派～
（圖片來源：馬哥孛羅香港酒店網站）
富豪九龍酒店 (Regal Kowloon Hotel) 謝師宴資訊
Regal Kowloon Hotel 位於尖沙咀商業區，係香港 4 星級嘅商務酒店。Regal 擁有14間不同大小的宴會廳，更提供精緻的佳餚美饌以及唔同嘅場地設施～
（圖片來源：ReUbird）
香港黃金海岸酒店 (Hong Kong Gold Coast Hotel) 謝師宴資訊
Hong Kong Gold Coast Hotel係香港唯一海濱渡假酒店，距離中環只有35分鐘車程。酒店擁有佈局靈活的多功能場地同一應俱全嘅配套設施，活動策劃團隊甚至可根據同學仔嘅具體要求，度身定製價格相宜嘅套餐。依家喺2020年12月31日前預訂，仲可以享受提早預訂優惠、喺主題拍照區打卡，同埋兩個鐘任飲汽水！
（圖片來源：香港黃金海岸酒店網站）
場地預訂平台推薦 - ReUbird
