【英文補習】大型補習社定私補好?補習形式大比較!

AfterSchool
AfterSchool 2020-7-13 2,132

坊間英文補習模式五花八門,由大型補習社去到私人補習,小學英文專科班去到DSE英文補習,睇到人眼花瞭亂又唔知應該點揀好,又驚報錯咗唔適合自己嘅補習課程搞到嘥哂啲錢。其實小編又何嘗未經歷過呢個時期呢,所以今日為大家寫篇blog分析吓時下各種補習形式嘅利弊,同埋講吓中學同小學英文補習課程嘅特色,希望可以幫到大家搵到適合自己嘅補習形式〜

大型補習社

想喺大型補習社補英文,坊間有好多課程選擇,而現時市面上最大型嘅連鎖補習企業分別有遵理教育現代教育英皇教育呢三間。現時大型補習社主要嘅授課模式分別有直播班(video class)同真人班呢兩種,而且主力係sell以DSE-oriented嘅中學英文課程,教學生點樣可以避開考評局喺英文試卷嘅陷阱以及教授每份paper嘅技巧同內容。

優點:

1. 英文老師有豐富資歷:大型補習社嘅補習英文老師通常都有返咁上下嘅資歷同教學經驗,例如係做過日校老師同大學教授,所以佢哋會對於普遍學生嘅英文弱點同埋常見考試陷阱係都會捉得比較清楚。

2. 豐富資源:大型補習社除咗會開中學補習嘅常規班之外,仲有開其他額外課程例如grammar班、寫作班、oral班去針對唔同學生需要,令到學生更集中去改善自己嘅弱點。而且通常背後都會有一大班教學團隊同助理(TA)支援,所以學生可以得到好多課後支援,例如範文、練習、筆記、改卷服務等等。

3. 覆蓋率高:大型補習社分校遍佈全港,基本上每個地區都「總有一間喺左近」,學生去補習都會比較方便,唔洗長途跋涉來回補習社。

缺點:

1. 單向教學,難以有互動:始終大型補習社嘅中學英文課程係大班教學,加上video class通常都係預先錄影教學內容,喺只有補習老師單向教學之下未必可以顧及唔同程度嘅同學嘅學習進度;而且真人班可能每個分校只係得一班,上堂期間學生都唔可以即時發問解答疑難,令到學習成效大大減低。

2. 價錢不菲:補習名師嘅課堂一般都收費不菲,唔少都要收$800以上,而學生如果想報埋上面所提及嘅其他課程所花費用絕對係非常龐大。

3. 公式化教學:由於大型中學補習社係沿用大班教學模式,並且要令到最多學生攞到5**佳績作生招牌,補習導師喺上堂嘅時候會考授好多比較難嘅考試答題技巧,但並非每一個學生都可以吸收到而且運用到呢類英文答題技巧,所以相對會不利於程度較差的同學。

中小型英文補習社

除咗周街都見到嘅大型中學補習社之外,學生喺中小型補習社補英文都喺近年補習市場嘅一大趨勢,呢類補習社嘅授課模式主要係以一對十左右嘅學生數量小班教學,或者好似Afterschool咁以網上授課嘅形式。而中小型補習社嘅中學英文課程最大特色係可以做到互動性教學,雖然中小型補習社喺宣傳滲透力方面會比大型補習社薄弱,但如果一間中小型補習社成功喺社區出名,則代表補習老師嘅教學質素有保證,而口碑亦都會一傳十、十傳百。

優點:

1. 教學唔會過於公式化:由於學生人數會比大型補習社少,學生可以有多啲機會同老師互動,課堂中途或者落常都可以即時發問,英文老師亦都比較清楚學生現時嘅能力去調整課程難度。

2. 良好口碑更能建立信心:要成功喺社區出名,教學質素就係最好嘅口碑。所以基本上出得名嘅中小型補習社,實力同教學質素都有一定程度嘅保證。

3. 能夠依照學生程度分班:中小型補習社比大型補習社有較大靈活性,補習導師比較清楚每位學生嘅程度所以可以開辦唔同形式嘅班別,例如操卷班、補底班、特訓班等等。

缺點:

1. 英文資源及配套未能與大型補習社相比:同大型補習社相比,中小型補習社由準備教材到授課再到改卷可能都只係得補習老師自己一個「一腳踢」,所以係試卷資源同英文例文呢類額外資源方面可以會相比大型補習社冇咁充足同齊全。

2. 同私人補習相比缺乏個人化指導:中小型補習社嘅中學英文課程雖然係以小班形式教英文,但仍然唔能夠好似私人補習一樣咁密切跟進每一個學生嘅英文成績,學生如果遇上樽頸位,英文補習老師都好難騰出大量時間而只係跟進一位學生。

私人補習英文

學生對於英文私人補習需求喺近年湧現,一大原因係因為英文呢一科比較需要老師個人化指導,英文私補一大特色係課程以一對一形式進行,老師更能針對學生喺英文上嘅大小弱項以及加強優點。私人補習英文嘅補習形式近年亦都變得更多元化,例如請外籍老師一對一教英文、小組英語會話補習班;而除咗中學英文課程之外,幼稚園、小學、甚至係成年人都可以私人補習英語。

優點:

1. 個人化指導:私人補習主要係以一對一補習形式,所以學生無論係口試會話、作文,補習老師都可以即時俾到反饋改善。而且英文補習老師可以根據唔同程度嘅學生,度身定做課程設計並且可以隨時修改課程難度。

2. 課程靈活性高:由於補習課堂嘅時間同地點主要係補習老師同學生雙方協議,家長亦都可以要求導師上門補習,而且補習時間靈活可以選擇臨時「加鐘」或者改時間。

3. 師生關係良好:單對單嘅補習形式令到學生同英文補習老師關係更加親密,而且一般英文私補老師都比較年輕同明白學生喺術科以外嘅煩惱,能夠提供唔同嘅指導。

缺點:

1. 費用高昂:由於私人補習係以一對一補習英文,英文補習老師需要將所有時間俾哂學生,而且筆記都要按照學生程度而度身定做,所以私補嘅收費一般會比大型補習社同中小型補習社高,小學英文大約每個鐘收$100,中學英文課程每個鐘收130-200不等,中六dse 補習亦都會更加貴。會不過補習價錢視乎學生年級以及老師資歷。想知多啲關於私補價錢可以睇我哋呢篇blog

2. 難以保證導師質素:私人補習同大型補習社唔同,坊間補習英文老師教學質素較為參差,有機會遇上唔準時,冇交帶嘅老師;而冇乜補習經驗嘅老師亦可能導致學生成績未有改善。

自學英文

除咗以上種種傳統補習形式,同學仔亦都可以透過自學英文去改善自己嘅英語水平,例如睇參考書籍、YoutubeTedTalkBBC News、甚至係報讀Online English learning course等等。最近亦都好流行網上同外籍老師進行半個鐘至一個鐘嘅一對一英語對話。

優點:

1. 因應個人程度學習:自學英文嘅其中一個好處係可以自訂學習英文嘅日程,例如每日學30個英文生字、默寫新聞稿、同外籍老師訓練會話等等。自己更為清楚自己嘅強弱項所以可以自行安排自己嘅學習日程。

2. 成本較補習低:現時網上有好多免費嘅英語教學影片同英文試卷下載,學生即使冇乜預算出去補習都可以透過現有資源自學改善英文。而Afterschool都有提供免費嘅DSE學習資源庫希望幫到大家準備DSE!

缺點:

1. 無固定教學方式、教材:雖然唔少網上教材都係免費,但每一條片嘅topic、每一個英文老師嘅教學模式都有機會唔同,令到學生喺自學嘅過程中可能會感到混淆同無所適從。

2. 需要學生自律:要透過自學英文去提升英文程度,自律係好重要。如果學生本身係比較懶或者要有人篤促先去學英文嘅話,自學英文有機會令大家失去咗學習動力而放棄學英文,小編我就唔係幾推薦各位自學英文啦。

DSE英文補習

DSE 2020|英文科卷二作文寫餐廳食評、睇粵劇後感、文具店式微等|香港 ...

DSE英文科相信係唔少同學仔嘅噩夢,想溫好啲英文但又唔知喺邊份卷,咩topic落手,呢個時侯唔少學生會搵DSE英文補習。正如上面提及唔少中學補習班都係以DSE-oriented為主要嘅教學方向,主要教授學生每一份卷嘅考試技巧同英語文法。而且亦會有好多操卷班、模礙考試(mock examination)同小組說話班,務求學生可以儘快掌握DSE嘅考試模式並目可以喺答題方面攞哂分。以下小編就同大家簡略講吓DSE英文科每一份卷大約會以方式補啦。

Reading

補習老師喺reading卷主要教學生答題技巧,以及點樣可以快速捉到文章重點。唔少補習社仲會預測埋reading卷嘅趨勢,等學生可以熟習唔同文章同題型。

Writing

教導學生點樣可以思辯文章內容,令學生能生動地書寫各種文體,例如常見嘅Formal letters, Letters to the editor, Articles, Reports, Proposals等;而唔少補習老師亦會教授不同文體的適當vocab,令學生能寫出優秀的文章。

Listening

補習老師會訓練學生聆聽技巧,幫助學生分辨答案同糾正spelling 錯誤。而喺Paper 3B補習社會教學生點樣能精確地攞哂考評局marking scheme嘅points同點樣將points流暢寫成唔同文章例如email, report同proposal等等。

Speaking

補習老師主要為幫學生重覆訓練說話技巧,令學生能夠在每次發言時都可以回應到其他人嘅觀點同時再加以歸納自己嘅points。

如果已經厭倦咗大型補習社嘅公式化教學嘅話,學生可以考慮吓其他類型補習老師,例如Afterschool嘅Mr.J English可以幫學生喺一年之內可以全面掌握DSE英文每一份卷嘅出題模式,並且有一本傳說中嘅精華筆記可以幫大家溫書。如果想了解多啲可以睇呢到

小學英文補習

明智补习社(明智補習社)212-608-6186 • 金牌资讯网

近幾年,小學英文補習已經成為另一個大趨勢,社會對於芊芊學子嘅英語能力要求越來越高,而且學好英文必須要由細個開始浸淫,所以唔少家長都紛紛幫子女報讀小學英文補習,十年前已經有機構指出小學同中學嘅整體補習比率已經上升到50%,可以睇得出家長對小學補習嘅需求只會有增無減。小學英文補習興起主要係為咗幫一班小學生打好英文基礎,例如增強學生閱讀理解能力,以及及早預備小六升學考試所需嘅各種能力。

坊間現時嘅小學英文補習都係以小班教學或者係私人上門一對一補習,希望令小朋友可以快速提升英語嘅「聽、讀、寫、講」嘅能力。

總結

其實唔同嘅英文補習形式各有優點同缺點,視乎學生自身嘅需求同預算等等。而且英文補習嘅原意都係想幫大家提升自己嘅英語能力,講到尾都係要搵到最能夠幫到自己進步嘅方法,而唔係人報你就報呀!

 

免費 DSE 電子報
定期為 30,000+ 中學生送上實用 DSE 資訊和資源
AfterSchool

AfterSchool