【DSE English Past Paper】不得不知的英文進步心得 X 操Past Paper攻略

AfterSchool
AfterSchool 2020-1-20 39,636
點樣提升英文科成績同操DSE English Past Paper?!小編今次就話俾大家知道點樣去操Paper 1,Paper 2,Paper 3, Paper 4先學到每份卷嘅精髓,咁就可以操得醒,操得勁!
DSE 英文科雖然唔係死亡之科,但係一直以來都係入大學嘅關鍵科目,除咗大部分嘅大學面試都以英文為主要語言之外,唔少大學都會為英文科提供加成,所以大家千萬唔可以睇小英文科嘅重要性! 停課期間多咗時間溫習,相信唔少中六學生都會係呢段時間開始準備操 Past Paper,所以今次就集中同中四至中六嘅同學分享啲點樣補底,短時間提升英文水平同俾啲操 Past Paper Tips 俾大家,等大家知道點樣去操一份卷先學到每份卷嘅精髓,咁就可以操得醒,操得勁!
如果係初中嘅同學仔想打好學英文嘅根基,可以參考呢篇 《初中要點樣準備 DSE?》

 

閱前須知

好多人都會話其實英文根本就係靠直覺同個底,咩考試技巧根本係治標不治本,但其實其實兩者係相輔相成。所以底子好冇 Skills 就會變咗好多時候都靠直覺,最後就中晒考評局嘅陷阱。相反底子好又有 skills 就可以大大提高命中率!
考試 Skills 大致可以分為兩種,一種係操卷 Skills,比較 Focus 多啲係時間控制同啲 General 又 Effective 嘅做題技巧,另一種就係補習先學到嘅 Skills,即係由我哋導師自創嘅答題技巧以及其他神技。接下來嘅段落就會闡述多啲前者(操卷 Skills)同埋點樣喺剩低嘅時間入面盡量補好個底,希望幫到大家!
 

DSE English 3 個英文補底方法(中四至中六同學適用)

相信你聽得最多嘅一定係「每日聽一段 Ted Talk,睇多啲書,睇多啲戲」,但係呢啲全部都係「你阿媽都知啦」,我都識講,但係你又係咪真係會做呢?我唔會否認以上方法嘅效用,但係對於連書名都要 Google Search,英文根基差嘅同學仔嚟講,以上嘅方法可能太困難。
如果要由零開始學好英文,學好一種語言,就首先要將佢融入你嘅興趣/生活,逐少逐少咁滲透。當你已經建立好一個良好嘅根基,咁先好嘗試上面嘅方法。咁究竟具體做法係點呢?
 

將手機嘅系統語言 (System Language) 轉做英文

聽落去好似唔關溫書事,但係相信各位都熟悉你自己嘅手機介面,換言之即使換咗系統語言,你都會知道係邊度調教手機光暗度。一開始你可能會覺得有啲困難,但係每次見到唔識嘅單字嘅時候,就去查翻譯,其實會加深你對隻單字嘅印象,再加上你會成日用手機,所以接觸到英文嘅時間會特別多。
當養成咗呢個小習慣,你會發現你唔再好似過去咁驚英文,而是以習慣成自然嘅態度去面對學習, 所以既然唔影響你嘅日常生活,但係又可以令你接觸多啲英文,識多幾隻生字,何樂而不為呢?
 

每日喺日常生活加少少英文

無論學習咩語言,最重要嘅就係持之以恆,因為學習語言嘅時候語言,係需要不斷累積,能力先能夠得以提升。你可以由而家開始喺每日嘅生活加少少英文嘅小應用。例如試吓睇英文嘅文章、新聞,可能一開始你會覺得好吃力,不過呢個係正常嘅,唔洗擔心。你可以從淨係閱讀大標題開始,唔洗完成成篇文章,因為咁你先獲得持續學習嘅成就感,之後再隨著自己嘅學習狀況,去做啲小突破或小改變。喺生活中加啲英文係最直接而且自然嘅方式,可能一開始仲未養成習慣,但係都係要稍微刻意去練習,先可以養成習慣! 
簡單嚟講,好似學數學一樣,你要明白加減乘除嘅用法意義先做到數;學英文都一樣,你要整合同理解一套生字嘅用法同意義先可以一理通百理明
 

補習 (中四中五同學特別適合)

如果想更加有系統咁去學習英文,去鞏固自己嘅根基為 DSE 做準備,就一定要未雨綢繆,去上補習班。雖然可能有人會認為咁樣學英文,係純粹為咗 DSE 而去學,根本就唔係真係學習緊一個語言嘅精髓。的確佢言之有理,但係無可否認嘅係補習學嘅英文係會為同學們打好根基,以另一角度去學習英文。當同學們已經各有所成確立咗穩固嘅根基,咁先再去發掘英文嘅精髓都唔遲啦!
同學們可以透過 DSE 英文 5** 嘅英文真跡英文網上補習課程 (例如我嘅 5** Regular Class / 5** Intensive Training),發掘英文嘅一堆機制同寫作攞高分嘅關鍵,從此唔再怕英文!
開始呢部份前,各位首先要開始做上面提及嘅補底 Tips 先!睇多啲英文書,睇戲用英文字幕,硬背字典,食生字呢啲方法大家一定識,所以唔多講喇。反而今日喺度係想介紹啲更加另類高效嘅方法俾大家,就係碌 IG ….同做 Janice Man
 

DSE 殺到埋身,短時間提升英文應試能力嘅方法(中六必睇)

IG 方面,大家記得要 follow @dse.engmrj ,得閒會教下大家啲做卷技巧同俾啲大家唔一定識嘅生字畀大家認識,又會同大家溫下 grammar 咁,相當有用!
Janice Man 唔知大家識唔識呢?(希望仲未同大家有 Generation Gap D:)佢最出名就係 “JM TONE”(上 Google Search 就有!),即係講幾句中文又講吓英文,又無限放大個 R 音,成日畀網民笑佢扮 ABC。雖然小編唔係鼓吹大家去扮 ABC,但係多啲喺日常溝通上用英文生字替代中文,的確可以短時間内訓練到你嘅 Pronounciation 同認識到更多生字!一開始可以試下 Substitute 吓啲單字先,例如同 Friend 傾偈嘅時候講「今日係 IG 見到個 Post,好 Hilarious 同 Amusing 呀!」; 久而久之,當你識咗更多生字,就可以試下講完整嘅句子!例如「今日係 IG 見到個post,佢教嘅 Vocabularies are really intriguing and useful, might come in handy anytime! 」可能一開頭你哋 Friend 會覺得好難頂,但係都只不過係呢三個月嘅事啫 (其實可以叫埋啲 Friend 一齊講)!正所謂心態決定境界,所以要學好講好英文,就係首先要從心底裏相信自己識講英文,從而令自己夠膽講英文!Practice makes Perfect,英文講得多、練習得多自然就會流利!
以上嘅兩個方法雖然唔係啲咩正派武功,但係小編認為係一啲比較有趣,又可以喺短時間內提升英文水平嘅方法!
 

操 HKDSE English Past Paper 時應注重訓練嘅 Skills!

操卷就係以歷屆試卷作練習,訓練自己應考時會用到嘅 Skills,因此應 Focus 多啲係訓練題目類型題目 Keywords 嘅警覺性做卷嘅時間控制

訓練對題目類型同題目 Keywords 嘅警覺性

做 Past Paper 最首要嘅目標 (Objective) 就係要加強自己辨認題目類型 + 題目 Keywords 嘅能力,即係一見到條題目就要知道佢係問你個人意見嘅題目定係引用原文作答嘅題目。 當你做得夠多嘅 Past Paper認真分析考評報告,你就會自然建立到一個答題庫,即係一見到題目就知要捉住邊隻 Keywords 或者 知道係咩類型,點樣答、點樣寫。只要你成功加強呢個能力,咁就可以喺各分卷到大展鴻圖,例如喺 Paper 1 快速搵到答題重心同答題方式(引用原文/個人意見)& Paper 3 分辨到唔同 Task 暗示要你寫嘅文章類型。

時間控制

不論你溫咗幾多書,做咗幾多份 Past Paper,如果你應考嘅時候做唔切份卷,咁一切嘅努力都會前功盡廢!所以另一樣同學們要訓練嘅 Skills 就係做卷時嘅時間控制同對時間嘅感知。聽落去好似好玄,好似超能力咁,但係時間控制簡單啲黎講就係要一早諗定每一 Part 要投放幾多時間(例如 P1 Part A aim 用 30 分鐘,其餘時間擺晒落 B2 etc.)
至於對時間嘅感知,就係即使專心做緊一 Part 嘅同時,都要知道已經用咗大概幾多時間,Based on 後面嘅篇幅同題目數量,推斷夠唔夠時間做之後嘅 Part B。
 

DSE English Paper 1-4 適用嘅心得 + 做題 Skills

喺度分享啲考試技巧俾大家參考吓,希望幫到咁多位同學!
Credit: unsplash @antoine1003
Credit: unsplash @antoine1003
 

DSE English Paper 1 Skills:Reading

Reading Paper 簡單啲黎講,就係要做福爾摩斯,小心謹慎,唔好放過每一個線索!
唔好由頭睇晒篇文,先睇題目 → 搵題目嘅 Keyword → 然後睇一段做一 Part
相信高分嘅同學一早就知道呢個技巧,但係你哋又知唔知呢?如果睇完篇文先做題目,除咗可能會唔記得文章頭段嘅內容外,亦要花費額外嘅時間去重新觀看全文,一字記之曰:劣!
如果去睇一段文字之前已經知道佢會問乜,除咗可以幫你對該段落建立一個概覽,更加會幫你喺睇文嘅時候可以更快鎖定答案。其次,小編就建議睇完一段就去做嗰 Part 嘅題目。咁樣除咗可以減輕腦嘅載量,亦可以令你更容易明白文章嘅內容,因為其實題目會透露好多相關嘅資料畀你。甚至有時你睇唔明嘅字,佢會喺條題目到用另一隻字解釋相關嘅意思,令你瞬間明白該段所表達嘅意思,一理通百理明!所以醒目嘅同學仔一定係預先睇吓考幾多題,考啲咩,然後逐 Part 逐 Part 清!


優先揾 Keyword / 同義詞嘅前一句 or 後一句
考評局出得嘅文章嘅起承轉合同前因後理都一定係互相緊扣,所以答題嘅關鍵線索同句子一定不離兩句之內!只要你搵到答題關鍵字,咁通常佢嘅前一句,或後一句都可以幫助你去完善你嘅答案!

優先睇首尾段同埋每段既 Topic Sentence 同小結句 較快捉到重點

DSE English Paper 2 Skills:Writing

對比以往嘅 Argumentative Essay 題目 盡可能揀 AE 較客觀同公式化
除非你有一個好獨特同有深度,高立意嘅故事,如果唔係小編都強烈建議各位同學揀 Argumentative Essay(AE)。對比返以往 AE 嘅題目,通常都離不開 Community, Education, Teenage, Development of Society,總之一定係同同學息息相關,一定唔會落唔到筆嘅題材。所以想 Play Safe 嘅同學就一定要揀 AE!

Topic Sentence 同小結句、過渡句、搶 Organisation 分 / 唔好用 Firstly, Secondly, Moreover
理論上用 Firstly 呢啲係冇錯嘅,但係作文上嚟講係唔會加分嘅,所以小編建議大家可以搵啲 Phrase 取代佢哋。例如:
  1. Firstly = First of all.../First…/To begin…/One reason is…
  2. Secondly = Another reason/example/point…/In addition…/Furthermore… Moreover…/The second reason is.../ The next problem is….
  3. Thirdly = Finally.../Most importantly.../Last…/The final reason is…/My last example is…/The most significant problem is…..
Part A 任何文體都有機會出現,注意唔同文體嘅語氣同格式,背定某啲句子,搶 Language 分!

DSE English Paper 3 Skills: Listening and Integrated Skills

  • Datafile 入面一開始 Jot 既 4 個 Points,2 個 for B1 兩個 for B2,用唔晒係正常
  • 揾晒三個 Tasks 嘅 Points 先開始做啲 Tasks,用三種 Highlighters 三種顏色 Highlight 三個 Tasks 嘅 Points
  • 每個 Task Set 一個 Time Limit 俾自己 做唔晒跳去下個 Task (CLO 三個分入面記住 Content 係最重要)
  • Aim 高分嘅話 溫熟每個熱門文體 背定啲 Intro 同 Conclusion 慳翻出嚟多啲時間放係揾 Content point

DSE English Paper 4 Skills:Speaking

  • 要睇歷屆試題,睇吓有啲咩熱門試題
通常包括: Interpersonal Relationship/Education/Technology/Parenting style/Common Characteristics of Young People 
  • 唔好死背啲只係識用於某的主題嘅句子,因為唔一定符合道題目既特定要求
相反,大家可以背返啲相關嘅例子或者論點,同埋相關嘅 vocab。
  • 要熟讀題型
包括: Reasons, Problems, Solutions, Solution Evaluation, Pros and Cons, Make decisions based on the options
  • 喺 10 分鐘嘅準備時間入面,一定要用 7 分鐘時間諗 Points,跟住用 3 分鐘去 Rehearse 自己嘅 Point!
  • 唔好淨係用 I agree/disagree,可以試吓 "You make a very valid/concrete point ….."
  • 有豬隊友唔緊要,用神招 yes/no question 問佢,除咗顯得你有禮貌外,仲可以畀考官睇到你有嘗試推進同邀請大家加入個 Discussion!

結語

要令英文進步其實有好多方法,以上所建議嘅方法亦只係冰山一角,唔係人人啱用。但係有兩樣嘢係不論你用咩方法學習英文都不能或缺,就係恆心同勇氣!「只要有恆心,鐵杵磨成針!」要學好一門語言並唔係一朝一夕嘅事,如果無恆心去 keep 住學習、尋找適合自己嘅溫書方法、自我增值嘅話,咁只會原地踏步,永遠都唔會進步。好多學生就係驚自己冇恆心就唔敢踏出第一步,所以點解我哋要勇氣,去嘗試打破自己嘅習慣同惰性,嘗試建立一套有效嘅學習系統!學習英文並唔容易,但係只要你肯踏出第一步,就咩都有可能!
*****重要!!有好嘢送畀大家!!
其實大家見到我同你哋講咁多關於 exam skills 嘅嘢就明白,雖然自身嘅英文水平會影響到 DSE 嗰 grade,但呢個考試遊戲更注重「考試技巧」!
所以如果你問我 DSE 英文成績極速進步嘅方法係咩?我一定會答你集中衝刺 Paper 1 Reading!點解?因為呢份卷係「最可以」apply 考試技巧,而且「最唔需要」良好英文基礎嘅一份卷!
嚟緊我會每個月都會開放「學費全免」嘅課堂俾大家,等我用 75 分鐘教你點樣「就算英文差,Reading 一樣可以攞到 Lv 5+!」
免費 DSE 電子報
定期為 30,000+ 中學生送上實用 DSE 資訊和資源
AfterSchool

AfterSchool

AfterSchool 是一個針對DSE而設的網上補習平台,課程涵蓋多個 DSE 科目,讓同學足不出戶就可以享有優質教學。註冊用戶人達 50,000 人,當中超過四分之一學生為應屆文憑試考生,是全港最大型網上補習平台。