攝影師：Tirachard Kumtanom，連結：Pexels
根據考評局於官網上嘅指引，只要你合符以下其中一項條件，就可以自修生身份報名2021 年嘅 DSE：
睇返考評局2020年數據，報名 DSE 嘅自修生原來有接近 7000 人（唔少都係Retake），但其實重考並唔係咁簡單，無論諗緊原校重讀定自修，都推介你睇吓呢篇《DSE重考優劣分析》，仔細諗清楚自己到底啱唔啱重考！
文憑試嘅考試學科類別分為甲、乙、丙三類，DSE自修生除非有特殊情況，否則一般都唔可以報考乙類科目，詳情可以睇返考評局網站。
甲類：高中科目
包括中國語文、英國語文、數學、通識、中國文學、英語文學、經濟、倫理與宗教、地理、歷史、旅遊與款待、企業、會計與財務概論、健康管理與社會關懷、資訊及通訊科技、音樂、體育及視覺藝術
乙類：應用學習科目
包括創意設計、媒體、商業、工業、應用科學等應用學習課程，一般情況下只畀學校考生報考。
丙類：其他語言
包括法語、德語、印地語、日語、西班牙語及烏爾都語。
Photo by Estée Janssens on Unsplash
自修生嘅報名時間分咗 2020 年 6 月同埋 2020 年 9 月兩個時段。6 月份淨係接受丙類 （其他語言）科目考試報名（2020年11月考試），9 月份就淨係接受甲類同乙類科目嘅考試報名。
丙類嘅科目於 2020 年 6 月 29 日至 7 月 23 日接受報名 。自修生必須透過香港中學文憑試考試網上服務嘅報名系統提交報名申請，考評局不接受表格形式申請。另外，各位自修生同學要係 2020 年 7 月 29 日 下午 11 時 59 分前 交好考試費。關於繳費方法嘅詳情，大家可以參考考評局自修生丙類科目考試繳費須知。
雖然未有確實時間，但係參考翻過往經驗，自修生可以喺 9 月開始報名甲類與乙類科目。
最新消息記得留意考評局網頁。
自修生必須自行透過香港中學文憑考試網上服務報名申請，考評局係唔接受表格形式申請！
DSE自修生須填寫以上資料，㩒「登記」後再提交資料，電郵認證後就可以啟用帳戶。呢個時候你會收到使用者編號，記得抄低，到時放榜查成績都會用呢個編號！登入後，就會出現自修生報名，進入「香港中學文憑考試報名系統」後，DSE自修生需要再次填寫個人資料，記得準備PDF/JPG檔嘅身份證明文件。
喺系統報名時，DSE自修生必須自行選擇應試地區同報考科目嘅語言，但實際應試地區都要睇返試場供求，所以都有可能會派去鄰近地點。記住，一定要核對所有資料，提交咗要更改就好麻煩！
2021年報名DSE既收費不變，同2020年一樣，收費如下：
| 考試收費 | |
| DSE 自修生報名費 | $514 |
|
英國語文/中國語文/其他六種語言科目* |
$670 |
| 其他科目* | $448 |
DSE考生最多只可以報考八科，如果決定報考八科，就至少一科需要係以下範疇：
由於JUPAS係可以合併兩年DSE成績，如果你係重考，你可以參考吓唔同卷嘅CUT OFF，考慮專攻個別科目或分卷，睇吓邊科對你嚟講更容易升GRADE。
報名後可以自行選擇以下繳費方法：
一般繳費限期係10月中旬，逾期會有附加收費。
核心科目嘅筆試時間表如下 （9月1日更新版）：
| 通識教育 | 2021 年 4 月 26 日 (星期一) |
| 英文 | 2021 年 4 月 27 日 (星期二) |
| 中文 | 2021 年 4 月 29 日 (星期四) 至 30 日 (星期五) |
| 數學 (必修部分) | 2021 年 5 月 3 日 (星期一) |
如果想知2021 DSE其他科目考試時間表、以及其他重要時間，可以睇下呢篇《2021 DSE時間表整合》。
放榜日期暫定係2021年7月21日（星期三），DSE自修生喺當日早上就可以喺考評局網上系統用返上面提過嘅使用者編號登入睇成績。
放榜好徬徨，放榜前後唔知點應對同有咩要留意？可以睇吓呢篇《放榜必睇攻略》，確保無做漏野！
參考往年，正式嘅 DSE 證書一般會喺10月中旬以郵寄方式派畀自修生，記得小心保存；如果唔見咗，問考評局補拎又要收費。
根據JUPAS網站，申請人必須係本地生，而且本身無修讀任何經JUPAS可選報嘅全日制學士學位課程，而考生必須喺9月中旬至12月中旬期間透過網上申請系統遞交同完成申請。
成績本身唔係好理想嘅考生，除咗JUPAS，重可以考慮E-APP，做定兩手準備！
DSE放榜後，記得睇返唔同院校嘅JUPAS Admission Score，喺指定時段內修改課程選擇，等到八月中旬JUPAS就會出正式遴選結果，記得留意返留位費嘅期限，記得畀錢！如果你DSE放榜後申請咗Appeal，又成功升Grade，咁你可以再次喺JUPAS提交入學申請！
確實時間及日程記得留意JUPAS最新消息
自修生係唔需要理會SBA部分(視覺藝術除外)，成個科目只會計算公開考試成績。但由於視覺藝術科SBA佔科目成績百分之五十，所以DSE自修生須要呈交作品集，代替SBA計分。
參考往年，準考證會喺2月中旬郵寄畀DSE自修生，萬一唔見咗準考證就要快啲搵考評局畀錢補領！
DSE自修生如果想Appeal（成績覆核/重閱答卷）都要透過考評局網上系統直接提出申請；如果係丙類科目（即其他語言），自修生就要自己直接到考評局灣仔修頓中心辦事處提出申請，而留意返兩者都有唔同嘅截止日期！
如果你退出整個DSE，只要喺指定日期前以書面通知秘書長，經酌情考慮後，會獲發還部份費用。但如果你只係退出部份科目嘅考試，咁就唔會發退任何費用，所以報名前要諗清楚！
自修生需要喺指定期間以書面方式向秘書長提出，並須附證明文件（例如醫生證明），咁就可以申請豁免科目中部份試題，或喺考試中有特別考試安排。
報考時一定要核對資料，如果發現填錯咗，自修生必須喺指定日期以書面通知秘書長。如果考評局無獲通知，就會自動當作確定。如果真係過咗期先發現，就要秘書長酌情批准！
DSE 自修生真係好多嘢需要留意，條路絕對唔易行，最大嘅困難必定係無人管住，有咩唔識都未必有人幫到手，搞到好多野都好迷茫。而AfterSchool本身提供唔少免費網上課程，又定期會有高質嘅學習心得同考試技巧分享，加上問答社區畀同學問問題，互相幫助，所以如果你決定自修，呢個平台絕對係你嘅好幫手！
