【停課不停學】教育局最新香港中小學停課安排 + DSE 2021 考生嘅備戰攻略

AfterSchool
AfterSchool 2020-12-1 3,197
炎疫情反覆,搞到全港中學生又半日制又停課咁。為咗方便大家,AfterSchool整理咗教育局最新嘅停課安排,另外亦為DSE 2021考生送上備戰攻略!
疫情反覆,教育局一陣宣布停課,一陣又宣布實施半日制復課,搞到全港家長、學生頭都大埋。為咗方便大家,AfterSchool 除咗幫大家整理咗《教育局中小學停課安排》嘅最新消息、指引,亦特登幫各位中六應屆文憑試考生整理咗《2021 DSE 時間表 (更新版)》。
另外,因為知道各位 2021 DSE 考生都被呢場疫情打亂晒本身嘅返學溫書計畫,所以小編仲好貼心咁幫各位中六同學準備咗 《2021 DSE 「停課不停學」中六備戰攻略》!
(大家放心!呢篇嘢會隨時 update 㗎!)

2020 教育局中小學停課安排最新消息、指引 (11月30日更新)

(2020年11月30日更新版本)
近日,疫情反覆,教育局又再次宣布停課。
全港中小學校將會喺 2/12/2020 (星期三) 起暫停面授課堂,直至學校的聖誕假期開始。

小六呈分試安排:

學校可以按需要安排小六學生回校進行呈分試,但必須嚴謹遵從各項衞生防護措施。

中六或須於本學年參與海外公開考試的班級安排:

學校可以按需要安排學生回校上課以準備公開考試或進行校內考試。考試或面授課堂須以半日制形式進行,回校出席面授課堂或進行考試的學生的總人數以學校最高限額的六分一的學生為限,並須嚴謹遵從各項衞生防護措施。
以上資料係參考考評局,想知更多詳情大家可以瀏覽:
更多停課安排嘅最新資訊
 

2021 DSE 考試時間表 2020年11月6日更新版)

《2021 DSE 時間表》變完又變,加上而家疫情反覆,其實都唔知會唔再變㖭......  所以,小編會喺呢度隨時 update 住最新嘅變動俾你,等大家唔好 miss 任何重要資訊!
以下係《2021 DSE 考試時間表》2020年11月6日最新修訂版

甲、乙類DSE科目試卷考試日期

日期及時間DSE 應考科目
2021年4月23日 (星期五)視覺藝術 (一) 及 (二)
2021年4月24日 (星期六) 化學 (一) 及 (二) /組合科學 (化學)
2021年4月26日 (星期一) 通識教育 (一) 及 (二)
2021年4月27日 (星期二) 英國語文 (一) 及 (二)
2021年4月28日 (星期三) 英國語文 (三) (聆聽及綜合能力考核)
2021年4月29日 (星期四) 中國語文 (一) 及 (二)
2021年4月30日 (星期五) 中國語文 (三) (聆聽及綜合能力考核)
2021年5月3日 (星期一) 數學 必修部分 (一) 及 (二)
2021年5月4日 (星期二)英語文學 (一) 及 (二)設計與應用科技 (一) 及 (二)
2021年5月5日 (星期三)綜合科學 (一) 及 (二) / 物理 (一)及 (二) / 組合科學 (物理)
2021年5月6日 (星期四) 歷史 (一) 及 (二)
2021年5月7日 (星期五) 資訊及通訊科技 (一) 及 (二)
2021年5月8日 (星期六) 地理 (一) 及 (二)
2021年5月10日 (星期一) 生物 (一) 及 (二) / 組合科學 (生物)
2021年5月11日 (星期二) 中國文學 (一) 及 (二) / 科技與生活 (一) 及 (二)
2021年5月12日 (星期三) 企業、會計與財務概論 (一)及 (二)
2021年5月13日 (星期四) 中國歷史 (一) 及 (二)
2021年5月14日 (星期五) 旅遊與款待 (一) 及 (二)
2021年5月15日 (星期六) 經濟 (一) 及 (二)
2021年5月17日 (星期一) 數學 延伸部分 單元 (一) 及 (二)倫理與宗教 (一) 及 (二)
2021年5月18日 (星期二) 體育 (一) 及 (二) / 音樂 1A 及 1B
2021年5月20日 (星期四)健康管理與社會關懷 (一) 及 (二)
2021年5月21日 (星期五)後備
2021年5月22日 (星期六)後備
滑動查看更多
資料來源:
P.S. 想知道更多關於各科目考試內容嘅最新變動,大家可以去參考一下 《【DSE2021最新資訊】文憑試精簡考試內容安排 (更新版)》
 

2021 DSE「停課不停學」中六備戰攻略

credit: unsplash@anniespratt
credit: unsplash@anniespratt
講咗咁耐 admin 嘢,係時候同各位中六同學仔講下喺呢個特別時期,應該點樣「不一樣」咁備戰 DSE!

DSE 中六停課溫書時間表

翻少咗學,即係你少咗讀書嘅時間!所以大家唔好因為停課而感到開心,反而要為自己就快考DSE 但冇學翻感到非!常!擔!憂!
見到 2019 - 2020年 之間,全港中學生被迫不停冇學返,小編都為各位中六同學感到非常擔憂!所以小編今次特登整理咗兩種安排溫書嘅方法,俾各位中六準備考 DSE 嘅同學參考,希望大家可以更好咁利用自己 study from home 嘅時間!
 
方法一:安排溫書範圍
呢個方法適合:
- 課堂時間冇咁集中嘅同學仔
- 溫書嗰時好難集中精神嘅同學仔 (e.g. 鍾意拖時間、溫書會玩電話嘅人)
Step 1:列出溫書目標
先列出嗰個禮拜嘅溫書目標(可以按照嗰個星期有咩測驗、考試、自己嘅強弱項選擇)
小編 Example ~
  • 本星期主要溫習科目:中文、英文、數學
  • 中文:熟讀《岳陽樓記》、《始得西山宴遊記》嘅重點
  • 英文:計時做兩份 Reading 練習 (Part A + Part B) 
  • 數學:操晒 Probability 嘅 MC Past Paper
 Step 2:安排進行嘅日子
為每項溫書目標分配一個日子
小編 Example~ 
  • 星期一:溫中文
  • 星期二:做一份 Reading
  • 星期三:操數學 MC
  • 星期四:溫中文 + 操數學 MC
  • 星期五:做一份 Reading
  • 星期六:後備日(萬一有做唔晒嘅嘢,可以喺呢日做晒)
Step 3:實行計畫
「實行計畫」顧名思義即係教你跟住自己個 plan 溫書!
呢個安排溫書嘅方法,可以俾你喺一日 24 小時裡面自由選擇溫書時間!你鍾意凌晨溫書又得,你鍾意堂與堂之間溫都得!但前提係,你必須係呢一日之內完成到之前訂好咗嘅目標! 
Step 4:檢討
喺星期六用 5 分鐘時間,快速檢討一下嗰個星期嘅溫書計畫,睇下有冇嘢需要改進,有就下個星期即刻改!
**小貼士:
大家 set 目標嘅時候要有良心啊 (唔好 set 啲太簡單,或者對你根本冇用嘅目標)~ 
同時,亦唔可以太貪心,千祈唔好 set 一大堆「不可能任務」俾自己!
話說,大家會見到小編 set 咗星期六做「後備日」,但咁樣都唔代表你可以拖!呢一日只係俾你因為一啲突發事 (e.g. 第二日有臨時測驗、嗰日有超多功課......) 而冇辦法達到目標;又或者雖然盡晒力,但仍然達唔到目標嘅時候用!
 
方法二:安排溫書時間
呢個方法適合:
- 課堂時間較咁集中嘅同學仔
- 唔到最後都唔會溫書嘅人 (e.g. deadline fighter)
- 溫書嗰時,唔會 hea 嘅同學仔
如果學校會按照平時嘅上課時間表上 online lesson,大家可以直接參考小編整嘅《中六返學日時間表》version one 或者 version two
如果學校採取彈性上課時間,咁大家就可以自己將以上時間表嘅 timeslot 自由調動,甚至加多幾個溫書 timeslot 入去,安排最合適自己嘅溫書時間表!
(最好就唔好減溫書 timeslot 啦,因為小編都幾肯定停課為大家提供咗更多 free time,所以大家可以用嚟溫書嘅時間必定多咗!)
P.S. 希望各位同學記得 “Quality over quantity”。 溫習嘅重點在於溫咗啲咩同吸收咗幾多,而唔係溫咗幾耐同幾多。假如各位覺得實在 handle 唔到,千祈唔好唔開心同夾硬嚟!大家可以按照自己嘅步伐、能力去編排一個更適合自己嘅 schedule。呢方面,大家可以參考一下《DSE狀元》分配時間嘅秘密
 

自主學習

credit: pexel @cottonbro
credit: pexel @cottonbro
疫情期間冇得好似平時咁正常返學、補習,就緊係要好好利用網上資源自己溫習啦!
DSE 網上資源庫
其實如果俾少少內性,各位同學唔單止可以喺網上面搵到唔同科目嘅筆記、重點、懶人包,甚至可以搵到歷屆 Past Paper (題目+答案)!
但如果想更快搵齊你要用嘅嘢,你可以睇睇呢篇《歷屆CE/AL/DSE Past Paper 搜尋攻略》,小編喺入面介紹咗唔同網上學習資源平台,仲幫大家分析晒邊一啲適合你㖭!
另外,小編仲想私心推介 AfterSchool 嘅「學習專欄」。入面除咗有唔同嘅升學資訊、補習Tips 之外,仲有由我哋導師親自寫嘅「學習攻略」,絕對有質量保證!
中六溫書必備攻略:
DSE 網上課程
除咗 YouTube 有好多講解 DSE 課程嘅影片之外,其實呢度 →「DSE 網上補習課程」都有好多非常有用(因為專講考試技巧),而且學費全免嘅 DSE 線上課程!大家不妨去睇睇有冇適合自己㗎啦!
 

放鬆身心

credit: unsplash@kikekiks
credit: unsplash@kikekiks
小編明白停課會為各位同學帶嚟比原先更多嘅壓力,但面對正常復課冇望,DSE 迫近嘅情況,除咗比心機溫書之外,各位同學更需要放鬆身心!
除咗《溫書時間表》同埋《溫習方法》,小編喺到再俾多大家最後一個 「2021 DSE 備戰攻略」:就係要「足夠休息 + 健康飲食 + 適量運動」!
冇錯!準備考 DSE 嘅最佳生活狀態 = 溫書生活 + 身心健康嘅生活!
大家喺努力溫書衝刺嘅同時,記得偶爾放鬆下,透過做自己鍾意做嘅嘢,或者做運動放鬆下繃緊嘅心情。(小編以前就算係考 DSE 期間,都有去跑步㗎!)
大家加油!
免費 DSE 電子報
定期為 30,000+ 中學生送上實用 DSE 資訊和資源
AfterSchool

AfterSchool