【寫作手法有哪些?】7大寫作手法列表|例子 + 作用好處

文靜
文靜 2024-3-11 29,249
寫作手法有幾種?AfterSchool一文教曉你 DSE 全部寫作手法共7大類,包括記敍手法、描寫手法、抒情手法、論證手法、說明手法、修辭手法及結構作用!
相信好多同學一聽到「寫作手法」,腦海裡面會浮現好多曾經聽過嘅詞彙,例如「過渡」、「鋪墊」、「承上啟下」、「襯托」、「側面描寫」、「總分總」等等,只可以講係腦海有數之不盡嘅知識,但完全冇將佢哋歸類好,咁試問又點會有一個好嘅學習模式,令你成績進步呢?
AfterSchool 為你帶嚟一篇超級重要嘅「皇牌懶人包」,教識你 DSE 全部共 7 類嘅寫作手法,並附上例子及用法技巧!
喺學習零散嘅新知識之前,有冇諗過需要先建立一個系統性嘅學習模式?我係文靜,多年來透過DSE中文補習幫助學生輕鬆取得大學入場券。想知道我嘅教學理念同往績,即撳:中文補習名師 文靜 | AfterSchool

寫作手法是什麼?

喺講寫作手法包括啲咩之前,不如先為大家解釋吓咩叫寫作手法啦!
寫作手法,係因應唔同體裁而歸納出嚟嘅「寫作元素」,簡單嚟講就係文學研究者將文章按唔同嘅目的 / 風格去分類,例如記敍文、說明文、議論文等等,喺呢個前提下再分析出呢啲文章各自嘅特點元素,就比如記敍文會有時地人事、議論文會用舉例/引用等方法嚟支持自己論點等等。
如果都仲係唔明,可以幻想依家有位醫生同建築工人企喺你面前,如果你要形容對佢哋嘅特徵,醫生可能會係英文好叻、聰明、著白色長袍;建築工人會係大力、黝實、著住反光衣。兩者職業就好比兩種唔同嘅文章體裁,而佢哋嘅特徵就係寫作手法。

寫作手法有哪些?

正如我上述所講咁,其實只要知道有幾多種體裁,就會知道有幾多種寫作手法。
由於實用文係講求快捷直接,其中又包括書信、通告等好多種唔同嘅格式,所以佢係冇自己嘅寫作手法;換言之,每一種體裁都會對應一種寫作手法,整理好之後就係咁:
DSE level 需要學懂的寫作手法
文章體裁手法
  1. 記敍手法(記敍文)
  1. 描寫手法(描寫文)
  1. 抒情手法(抒情文)
  1. 說明手法(說明文)
  1. 議論手法(議論文)
句子修飾
  1. 修辭手法(以上全文適用)
結構修飾
  1. 結構作用(以上全文適用)

文章體裁寫作手法全分析

1. 記敍手法

  • 六何法:人物、地點、時間、事件發生(起因) 、事件經過、事件結果
  • 內容:詳寫 / 略寫(不要流水帳)
  • 順序:順序、倒序、插序、散序

2. 描寫手法

  • 描寫對象:人/物/景
  • 直接描寫主體 / 間接描寫配角以突出主體
  • 描寫詳略:白描/細描
  • 動態描寫 / 靜態描寫
  • 描人:動作、心理、肖象、神態、語言
  • 描景(心態):融情入景(緣情寫景)、觸景生情
  • 描物:五感(視覺、聽覺、味覺、嗅覺、觸覺)

3. 抒情手法

  • 直接抒情 / 間接抒情
  • 間接抒情:借人 / 借事 / 借物 / 借理
  • 融情入景(緣情寫景) / 觸景生情
  • 以小見大

4. 說明手法

  • 説明手法(共9種):分類說明、數字說明、舉例說明、定義說明、描述說明、引用說明、比較說明、比喻說明、借事說理
  • 説明結構:總分總、總分、分總

5. 議論手法

  • 論證手法(共8種):舉例論證、引用論證、比喻論證、對比論證、類比論證、演繹論證、歸納論證、因果論證等。
  • 三元素:論點、論據、論證(論點為談論的重點問題,論據是指用什麼去證明,論證是指如何證明)

寫作手法 vs 修辭手法

相信眼利嘅同學都會見到,原來修辭手法都係屬於寫作手法嘅一種,所以我哋可以咁樣去理解:
寫作手法就好似一個大背囊,裡面裝住6個膠袋(記敍手法、修辭手法...),而每個膠袋裡面都裝住一種水果,例如修辭手法就裝住好多個橙(比喻、對比、誇張...)。
注意!喺DSE嘅世界裡面一般要求學生答到最Deep,就比如如果有條問題問你「xxxxxx」呢句用咗咩寫作手法,你係唔可以就咁答「用咗修辭手法」,你必須要答「用咗比喻」先會攞到分;另外如果佢問你用咗咩修辭手法,你唔可以調返轉答「用咗寫作手法」,更加唔好答咗其他嘢,就好似係「用咗側面描寫」,事關側面描寫係屬於描寫手法嘅一種!
公開試問題通常會問埋「呢個手法對文章有咩作用」,想知道所有修辭手法及其作用?即撳:【修辭手法大全】 23 種中文作文修辭手法 DSE 例子+用法效果+作用好處+如何判斷

寫作手法 vs 結構作用

用樣道理,結構作用都係屬於寫作手法嘅一種,例子如下:
結構作用文首:點明主題、總領全文、引起下文、埋下伏筆、設置懸念、鋪墊後文、提綱挈領、開門見山
文中:承上啟下、前後照應、總結上文、呼應前文、過渡
文末:首尾呼應、總結全文、揭示主題
全文:先抑後揚、先揚後抑
--> 個別睇詳細教學:記敍文 | 描寫文 | 抒情文 | 議論文 | 說明文 | 論說文 | 實用文
免費 DSE 電子報
定期為 30,000+ 中學生送上實用 DSE 資訊和資源
文靜

文靜

文學奬得主 作家級補習名師獨創寫作萬能KEY絕技 倒模式背文5**真跡印證 超凡教學威力