講起有關「治療」嘅課程，唔少同學都會即刻諗起物理治療、職業治療同埋放射治療，但你有冇聽過 Speech Therapy 言語治療？ 冇嘅話唔緊要，AfterSchool 今日同你解釋言語治療呢個學科/行業究竟係讀啲咩、做啲咩、言語治療師前景、言語治療師起薪點、言語治療師人工、言語治療師飽和情況等等，仲詳細列出香港有啲咩「讀完可以做言語治療師」嘅課程。有志入行嘅同學一定要睇到最尾啊！ 言語治療師工作 「乜言語治療師唔係只係教小朋友講嘢㗎咩...？」 唔係啊！除咗「黐脷筋」同「懶音」等發音問題之外，喺理解同句子組織方面有困難嘅人都可能需要接受言語治療。所以，除咗小朋友可能需要睇語言治療師之外，成年人同老人家都會係言語治療師嘅服務對象。 總括而言，言語治療除咗教人講嘢、發音、口吃之外，仲會幫助有發音同理解問題，以及有吞嚥困難嘅人解決佢哋嘅問題～ Speech Therapy 香港邊度有得讀？ 香港有 4 個課程（港大言語治療學士、理大言語治療碩士、中大言語治療碩士、教大言語治療碩士）已經通過香港言語治療師工會 (Hong Kong Institute of Speech Therapists) 嘅評審，獲得「完全認可」(Full Endorsement) 嘅資格。呢 4 個課程嘅畢業生都可以喺香港以言語治療師身分執業。 言語治療學士 HKU Speech and Hearing Credits: https://mcdonnell.wustl.edu/places/university-of-hong-kong/ 課程全名 港大言語治療 (Bachelor of Science in Speech and Hearing Sciences) 每年收生 48 學費 每年 $42100 修讀年長 5 年 隸屬學院 Faculty of Education 教育學院 課程特色 香港唯一言語治療學士課程 言語治療碩士 Speech Therapy Masters PolyU Speech Therapy (理工大學言語治療碩士) Credit: https://www.polyu.edu.hk/geo/exchange-and-study-abroad/incoming-students/ 課程全名 PolyU Master of Speech Therapy 學費 $426,600 修讀年長 2.5 年（全職、共 5 個學期，包括 2 個暑假） 隸屬學院 Department of Chinese and Bilingual Studies 中文及雙語學系 CUHK Speech Therapy 中大言語治療 Credit: https://www.asiaresearchnews.com/content/chinese-university-hong-kong-cuhk 課程全名 Master of Science in Speech-Language Pathology 學費 $450,000 修讀年長 2 年（全職） 隸屬學院 Department of Otorhinolaryngology, Head and Neck Surgery, Faculty of Medicine 教大言語治療 Credit: https://www.asiaresearchnews.com/content/education-university-hong-kong-eduhk 課程全名 Master of Science in Educational Speech-Language Pathology and Learning Disabilities 學費 $401,436 修讀年長 2 年（全職） 言語治療師前景 網上對語言治療師前景評論兩極：有人表示隨著近年越來越多學院開辦言語治療課程，每年都有更多言語治療系畢業生，造成言語治療師飽和嘅情況；同時有人覺得言語治療市場需求有上升趨勢：因為人口老化，更多老人家可能需要接受言語治療，所以社會對言語治療師需求應該增加；而兒童人口裡面有言語問題嘅小朋友數量維持差唔多，所以市場整體對言語治療師仍然有一定需求。 Speech Therapy 學生畢業之後普遍都喺醫院、學校、復康機構、私人機構等等做語言治療師，包括以下職位： 機構 職位 Speech Therapist 人工 教育局 言語治療師 薪酬第16級 ($31685) 至第 33 級 ($70090) 醫院管理局 言語治療師職系 $33350 - $73775 其他機構 言語治療師職位 視乎各機構安排 言語治療師起薪點高，薪高糧準，但同各個醫療職業一樣，語言治療師係一個助人嘅職業 (Helping Professional)，都需要付出好多心機、時間去輔助 client 解決佢哋嘅問題。另外，唔少言語治療學生都表示讀言語治療嘅路好艱辛，所以想做言語治療師嘅同學要有一定嘅心理準備！ 不過，如果大家有志於幫助一啲受語言或者吞嚥問題困擾嘅人，不妨考慮一下語言治療呢個職業。不過，考入以上言語治療課程嘅門欖都唔低，想考入去嘅同學要努力啊！ 言語治療 Speech Therapy Q&A 言語治療師工作係點㗎？ 語言治療師主要幫助小朋友、成年人同老人家解決發音、理解、句子組織、口吃、吞嚥問題。 言語治療師起薪點係幾多？ 視乎機構，不過普遍每月超過 $30,000。 香港邊度有得讀 Speech Therapy (言語治療)？ 香港大學 (HKU) 係全港唯一一個提供言語治療學士課程（五年制）嘅大專院校；而理工大學、中文大學 (CUHK) 同教育大學 (EdU) 都有提供兩年制言語治療碩士課程。 Credits: unsplash @nick tiemeyer 大學學科資訊系列 Social Science 社會科學｜Psychology 心理學｜Speech Therapy 言語治療｜Nursing 護理學｜Social Work 社會工作｜HKU BA 港大文學士｜Linguistics 語言學｜PGDE 教育文憑｜Early Childhood Education 幼兒教育｜Sociology 社會學｜English 英文系｜Science 理學士｜Bachelor of Education 教育學士
