Early Childhood Education (幼兒教育) 每年都係 JUPAS 競爭最大嘅大學學科之一。以 HKU Early Childhood Education 2021 年收生為例，一共有近 3000 人競爭 18 個學額，平均 166 人爭一個位，競爭程度近乎冠絕所有 JUPAS 科目。 既然咁多同學對幼兒教育有興趣，咁 AfterSchool 今日就同各位對 Early Childhood Education 幼兒教育有興趣嘅同學講講 ECE 嘅資訊，包括幼稚園老師資格、幼稚園老師工作範疇、幼兒教育讀咩、幼兒教育邊度有得讀、ECE 收分、幼兒教育出路同埋幼兒教育人工。幼兒教育課程邊間好？幼兒教育學士選擇？幼兒教育高級文憑邊間好？新成立嘅耀中幼教學院好唔好？想睇埋幼教面試問題嘅記得要睇到尾喇～ 延伸閱讀：【大學聯招選科攻略】JUPAS 科目排位教學 幼稚園老師工作範疇 以下係教育局對幼兒教育工作範圍嘅描述： 教導三至六歲的兒童，培育他們在各方面的發展 編製教材和訂定幼兒教育課程內容 統籌和協助學校活動 進行兒童評估和家長教育等工作 幼稚園老師主要喺幼稚園內工作，有時候需要帶領學生外出活動，而工作時間為每星期大約 50-60 小時。從事幼兒教育要照顧同教育小朋友，工作時間比較長，如果你處事仔細，又有耐性，你可能適合做幼稚園老師！ 延伸閱讀：【PGDE】做中學老師 / 小學老師｜報讀 PGDE 大攻略！ Early Childhood Education 讀咩？ 幼兒教育課程主要為同學將來成為幼稚園老師做準備，當中包括幼兒教育理論嘅課堂，包括 幼兒社群及情感發展、身體協調、健康營養與安全、語言發展、數理與科技體驗以及支援學前有特殊教育需要兒童。同學亦普遍可以選擇修讀其他同幼兒教育課程嘅科目，包括幼兒教育當代議題、唔同「教學法」，包括聲樂及器樂教學法等等。由於幼兒教育課程主要為同學將來成為幼稚園老師做準備，所以幼兒教育課程都會圍繞幼兒教育理論同埋幼兒教育實踐。 綜合各個幼兒教育學士課程官方網站，以下係 Early Childhood Education 核心課程例子： 幼兒心理發展 幼兒語言發展 幼兒情感及社群發展 幼兒身體及動作發展 幼兒健康及營養發展 幼兒價值教育 香港教育制度及教育政策導論 幼兒特殊教育 幼兒發展及評估方法 教師倫理及專業標準 幼兒教育教學實踐等 以下係部份 ECE 幼兒教育選修課程例子： 兒童文學 學前兒童輔導 老師個人成長 幼兒教育的當代議題 幼兒德育教育 生死教育 心理學 第一語言獲得、第二語言獲得 語言障礙 音樂、藝術治療等 幼兒教育課程 (ECE) 收分 Credit: unsplash @ Markus Spiske 幼兒教育學士 HKU Early Childhood Education 幼兒教育課程全名/提供學科 Bachelor of Education in Early Childhood Education and Special Education (JS6092) 每年收生 18 學費 $42,100 (首年學費) 修讀年長 5 年 幼教面試？ 有 (選擇性) 收生分數 23 (Best 5 Median) 資料來源：HKU Early Childhood Education 官方網站、HKU JUPAS、HKU JUPAS Admission Score 2020 中大幼教 / CUHK ECE 幼兒教育課程全名 BEd in Early Childhood Education 每年收生 21 學費 $42,100 (首年學費) 修讀年長 5 年 幼教面試？ 有 (選擇性) 收生分數 23 (Best 5 Median) 資料來源：CUHK ECE 官方網站、CUHK JUPAS、CUHK JUPAS Admission Score 2021 教大幼兒教育 EDUHK ECE 教大幼兒教育課程全名 Bachelor of Education (Hons) (Early Childhood Education) (JS8404) EDUHK ECE 每年收生 49 ECE EDUHK 學費 $42,100 (教大幼教首年學費) 修讀年長 5 年 教大幼兒教育收分 20 (Best 5 Mean) 資料來源：教大幼兒教育官方網站、EDUHK JUPAS、EDUHK JUPAS Admission Score 2021 BU ECE / BU 幼教：浸會大學幼兒教育好唔好？ BU ECE 課程全名 Bachelor of Education (Honors) in Early Childhood Education BU 幼教學費 $58,720 (首年學費) 修讀年長 4 年 資料來源：BU ECE 官方網站 耀中幼教學院 Yew Chung College of Early Childhood Education 耀中幼教學院課程全名 Bachelor of Education (Hons) in Early Childhood Education 學費 $87,660 修讀年長 4 年 入學最低要求 DSE 成績達 33222 等級，並通過入學幼教面試 資料來源：耀中幼教學院官方網站 幼兒教育高級文憑 Higher Diploma in Early Childhood Education 幼兒教育高級文憑邊間好？以下係比較出名嘅幼教 High Dip 選擇： IVE 幼兒教育 / VTC 幼兒教育 幼兒教育課程全名 幼兒教育高級文憑 學費 $31,750 (首年學費) 修讀年長 2 年 入學最低要求 DSE 成績達 22222 等級 資料來源：IVE 幼兒教育官方網站 嶺南幼教 課程全名 Higher Diploma in Early Childhood Education 學費 $36,475 (每學期學費) 修讀年長 2 年 (共 4 學期) 資料來源：嶺南幼教官方網站 幼教面試題目一覽！ 綜合網上資訊，小編整合咗以下 15 條幼教面試必問題目，方便同學準備幼教面試： 幼教面試：自身題 點解想做幼稚園老師？ 點解選擇本院校幼兒教育課程？ 你覺得自己能唔能夠勝任幼稚園老師嘅工作？ 請論述你過去嘅教學經驗 (學生類型、班級大小、教材)。 請根據過去教學經驗，提出一到二個實例，包括遇到嘅困難，同埋你相應嘅解決方法。 幼教面試：教育想法題 請說明你對幼兒教育嘅看法。 一堂好課嘅標準係點樣？ 依家好多小朋友都參加好多課外活動，有報告指有小朋友一個星期會參加 11 樣活動，你對呢個社會現象有咩睇法？ 流行病高峰時期，幼稚園停課係咪最有效嘅方法？ 激勵同批評都係一種教育手段，你傾向邊一種？ 你贊成體罰嗎？點解？ 點樣令學生喺課堂中專注力集中？ 幼教面試：情境題 如果你嗰班有小朋友打人或大發脾氣，你會怎麼處理？請分析原因及解決方法。 如果家長向校方指出佢嘅小朋友喺學校被其他同學欺負，你會點樣處理？ 幼教面試：應用題 請以海底世界為主題，設計一個一小時嘅幼兒教育課程。 幼教面試攻略 以下各種能力係幼稚園老師需要具備嘅能力，或者係幼稚園老師要求，幼教面試同學記得喺面試嘅時候都要表達自己嘅能力： 責任感 使命感 同幼兒相處嘅能力 工作能力、工作效率 人際關係 溝通能力 總結、表達能力等 幼兒教育係一項需要愛心同耐性嘅工作，Early Childhood Education 學院除咗會想取錄 DSE 成績好、學術能力較好嘅同學，仲會想收一啲對教育工作有熱誠、有能力提供幼兒教育嘅同學。所以，同學喺幼教面試嘅時候，可以講講自己點解想讀幼兒教育、自己有咩個人特質適合讀 Early Childhood Education 同做幼稚園老師、自己對教育同埋幼教嘅想像同理想等等。 幼兒教育出路 + 幼教人工 Credit: unsplash @Artem Kraiz 幼兒教育出路最主要係做幼稚園老師。除咗幼稚園老師之外，同學畢業之後都可以擔任幼兒託管服務、學前教育工作、社會福利署幼兒工作員、幼兒中心主管等。 根據最新統計，幼兒教育畢業生 Fresh Grad 人工係 $22,790 起。同中小學老師一樣，幼稚園老師一樣有晉升階梯，所以幼兒教育人工會隨著老師嘅年資增加而上升。如果幼稚園老師將來喺幼稚園擔任管理人員，人工就會更高：幼稚園主任人工係 $30,400，而幼稚園校長同副校長人工分別係 $37,990 同 $43,070。雖然幼兒教育人工稍低過中小學老師，但係由於幼稚園老師工作穩定，而且有明顯嘅晉升階梯，唔怪得之幼兒教育課程咁多年競爭都咁大～ 延伸閱讀：【JUPAS 選科】大學聯招最強選科攻略！ Early Childhood Education (ECE) Q&A Q: Early Childhood Education 讀咩？ A: 幼兒教育課程主要為同學將來成為幼稚園老師做準備，當中包括幼兒教育理論嘅課堂，包括 幼兒社群及情感發展、身體協調、健康營養與安全、語言發展、數理與科技體驗及支援學前有特殊教育需要兒童。同學亦普遍可以選擇修讀其他同幼兒教育有關科目，包括幼兒教育當代議題、唔同「教學法」，包括聲樂及器樂教學法等等。 Q: 幼稚園老師做咩？ A: 幼稚園老師主要係教導幼兒，同時培育佢地各方面嘅發展。作為老師，幼稚園老師同時需要編製教材、協助學校活動同埋進行兒童評估和家長教育等工作。 Q: 幼兒教育邊度有得讀？ A: HKU、CUHK、EDUHK、HKBU 同埋耀中幼教學院都要提供幼兒教育學士課程，而唔同院校都有開辦幼兒教育高級文憑課程。 Q: 幼兒教育高級文憑邊間好？ A: 幼兒教育高級文憑課程包括 IVE 幼兒教育、VTC 幼兒教育、嶺南幼教等，各個幼兒教育課程各有特色，同學可以喺課程官方網站睇睇自己適合讀邊個幼兒教育課程。 Q: 幼兒教育出路？ A: 幼兒教育出路最主要係做幼稚園老師。除咗幼稚園老師之外，同學畢業之後都可以擔任幼兒託管服務、學前教育工作、社會福利署幼兒工作員、幼兒中心主管等。 Q: 幼兒教育人工？ A: 幼兒教育畢業生人工係 $22,790 起 (視乎學校)。 大學學科資訊系列 Social Science 社會科學｜Psychology 心理學｜Speech Therapy 言語治療｜Nursing 護理學｜Social Work 社會工作｜HKU BA 港大文學｜Linguistics 語言學｜PGDE 教育文憑｜Early Childhood Education 幼兒教育｜Sociology 社會學｜English 英文系｜Science 理學士｜Bachelor of Education 教育學士
