大學嘅 Linguistics 其實讀咩？究竟係學外語，定係研究語言？由於語言學並唔係專科，而且同學通常唔會喺中學接觸到呢一科，所以唔少人對呢科都唔係好了解。除咗語言學內容之外，唔少同學可能都覺得 Linguistics 呢個文科係「乞食科」，呢個又真唔真？今日 AfterSchool 就同大家拆解大學嘅 Linguistics 內容、收生分數同語言學出路啦！ 延伸閱讀：【JUPAS 選科攻略】大學聯招科目排位教學 Linguistics 語言學讀咩？ 「讀語言學 Linguistics 係學語言？咁你係咪識好多語言㗎？德文法文嗰啲全部都識？」 相信呢句係所有大學語言學同學都曾被問過嘅問題，亦相當反映大眾對 Linguistics 嘅誤解。對 Linguistics 有興趣嘅你一定要釐清 concept 喇～ Linguistics 中文係語言學，係一個用科學方法專門研究語言嘅人文學科，亦即 The Scientific Study of Language，通常隸屬大學嘅文學院。雖然大學 Linguistics 係研究語言，有別於讀語言或者學外語，讀語言學嘅時候同學唔係學唔同嘅語言，而係學習用科學嘅角度客觀咁研究語言～ 大學嘅 Linguistics 通常分為以下範疇： Phonetics 語音學 Phonology 音韻學 Psycholinguistics 心理語言學 Sociolinguistics 社會語言學 Semantics 語義學 Pragmatics 語用學 Morphology 形態學 Syntax 句法學 Typology 類型學 Corpus Linguistics 語料庫語言學 Neurolinguistics 神經語言學 Computational Linguistics 計算語言學 如果同學睇到呢度，覺得自己對呢啲課題都有興趣，恭喜你！你適合讀 Linguistics！有興趣讀 Ling 嘅同學記得睇埋落去喇～ 語言學 (Ling) 收分 HKU Linguistics 港大語言學 JUPAS admission Score (HKU BA) Upper Quartile 上四分位數 Median 中位數 Lower Quartile 下四分位數 2020* 26 25 24 2019* 28 26 26 *由 2019 年開始，港大文學士 (HKU BA) 嘅 JUPAS admission score 以 5** = 8.5, 5* = 7, 5 = 5.5, 4 = 4, 3 =3 … 嘅計算方法計分。 DSE 計分同 JUPAS 計分大不同？即刻去呢度睇睇 DSE 計分同 JUPAS 計分嘅分別！ 注意：根據過往數據，所有成功獲港大文學院 / 港大語言學取錄嘅同學喺 JUPAS 排位嘅時候都有將港大文學士放喺 JUPAS Band A。想入讀 HKU Linguistics 嘅你記得將 HKU Arts 放喺 Band A！ 資料來源：HKU Admission Score 2020、HKU Admission Score 2019 港大語言學全球排名 11，係香港首屈一指嘅語言學學系。除咗呢一大優勢之外，HKU Linguistics 另一大好處係文學院同學喺選讀語言學主修嘅時候毫無競爭，只要入讀 BA 就可以自由選擇讀 Linguistics。除咗需要喺語言學入門課程中及格，絕無其他令你入唔到港大語言學嘅因素！大家經歷過 DSE 嘅競爭之後，如果唔想喺大學再經歷一次選科競爭，港大語言學可能會係你嘅選擇！對 HKU Linguistics 有興趣嘅同學記得都要睇睇港大語言學 JUPAS Page (HKU BA JUPAS)，睇多啲呢刻科詳細資料！ 延伸閱讀：入到 HKU BA 就可以直入 Linguistics？一文睇晒 HKU BA 課程三大好處！ CUHK Linguistics and Modern Languages (JS4070) Upper Quartile 上四分位數 Median 中位數 Lower Quartile 下四分位數 2021* 25 24 22 2020* 24 24 23 *: 計分方法為 Best 5 資料來源：CUHK Admission Score 2021、CUHK Admission Score 2020 CUHK Linguistics and Modern Languages 嘅語言學文學士課程係獲得教育局認可為主修英文科目嘅學位課程。CUHK Linguistics 畢業生喺完成有關教師培訓課程之後，可以獲得豁免英文科語文能力評核。畢業後想做老師，對 Linguistics 又有興趣嘅同學，CUHK Linguistics 應該適合你！CUHK Linguistics JUPAS Page 仲有提供多啲有關 JUPAS 收生嘅資料，包括，係想入CUHK Linguistics 嘅必睇資訊！ CityU Linguistics and Translation (JS1109) Median 中位數 Lower Quartile 下四分位數 2021* 30 29.5 2020 30 28.5 *: 計分方法為 Weighted 4C+2X (英文 x2、中文 x1.5、其餘科目 x1) 資料來源：CityU Admission Score 2021、CityU Admission Score 2020 同 HKU Linguistics 一樣，所有入讀 CityU Linguistics and Translation 城市大學翻譯及語言學系嘅同學都係未選擇主修科目嘅，而同學可以喺大學第一年選擇修讀唔同嘅語言學、翻譯學同埋其他大學科目，諗清楚自己對語言學係咪真係有興趣先選擇修讀。雖然會比其他同學遲一年先有大學主修科，但係有多一年時間沈澱一下自己嘅諗法都係一個唔錯嘅選擇～ 不過，CityU Linguistics 選科唔係絕對自由嘅：只有大學第一年成績達頭 40% 嘅同學先可以自由選擇讀語言學定讀翻譯。如果同學選擇城大語言學，喺入到大學之後都一定要努力讀書喇～ 延伸閱讀：CityU Linguistics 城大語言學 JUPAS PolyU Linguistics and Translation (JS3230) Median 中位數 Lower Quartile 下四分位數 2021* 21 20 2020* 21 21 *: 計分方法：中文+英文+ Best 3 資料來源：PolyU Admission Score 2021、PolyU Admission Score 2020 理大語言學側重於語音科學 (Speech Science) 範疇，而且特別注重神經語言學、心理語言學等方面嘅知識。對於對語言學、語音科學同言語治療有興趣嘅同學，PolyU Linguistics 可能係適合你嘅選擇！ PolyU Linguistics 仲有為同學提供 Artificial Intelligence 同埋 Data Analysis 兩個 Secondary Major，所以呢個 JUPAS Program 可能適合對語言學、語音科學同埋未來科技有興趣嘅同學。詳情可見 PolyU Linguistics JUPAS 官方網站～ P. S. 不過由於學位有限，申請 Secondary Major 嘅競爭都唔細。想入 PolyU 語言學 + Secondary Major 要努力喇！ 未諗定 JUPAS 排位？ JUPAS 選科攻略 可以幫到你！ 語言學出路/文科出路 語言學出路 (1)：老師 唔少語言學同學喺畢業之後都選擇繼續讀教育文憑 (PGDE)，將來做中文或英文老師。由於 Linguistics 學生可能會讀過 Grammar 嘅運作人類嘅語言學習、Second Language Acquistion 等課題，所以會明白語言背後嘅原理，然後可以將呢啲知識套用喺小朋友嘅語言學習上。 語言學出路 (2)：研究 除咗做教育工作，投身研究人員同埋學者行業，研究其他有關語言及有關課題都能夠加深我地對語言嘅認識。所以繼續讀書進修 (讀哲學碩士或哲學博士)，成為研究語言學或其他相關學科嘅研究人員都係唔少 Linguistics 同學嘅畢業選擇。 語言學出路 (3)：言語治療師 言語治療師嘅主要工作係為有言語、發音、表達、吞嚥困難人士提供適當嘅診斷、評估同埋治療。由於言語治療師需要幫助有言語、發音、表達困難嘅人，所以佢地都需要熟悉語言嘅運作同埋口腔以致喉嚨部份嘅結構，尤其是發音同腦部處理語言嘅部份，所以語言學畢業同學喺讀言語治療課程都會有一定優勢。另外，由於言語治療同語言學嘅語音學部份知識部份相通，所以每年都有一定數量嘅語言學畢業生選擇報讀言語治療碩士課程，繼而投身言語治療行業～ 延伸閱讀：香港 4 大言語治療課程一覽｜你適合讀 Speech Therapy 嗎？ 語言學出路 (4)：其他（文字相關工作） 語言學同學經歷大學四年嘅學習，寫過大量嘅論文同閱讀過大量語言學文獻，加上同學對語言系統嘅認識，同學嘅中英語言能力大部分都唔差。所以語言學畢業嘅同學會有能力勝任同文字、語言有關嘅工種，例如翻譯、編輯、傳媒及出版行業、政府部門等等。 語言學出路 (5)：其他（商界工作） 雖然語言學同商科冇好大嘅直接關係，但係唔少 Linguistics 畢業嘅同學都選擇受聘於商界機構、公關行業。雖然冇直接關係，但喺「讀果行唔係做果行」嘅年代，同學嘅學歷同學業背景同埋將來嘅工作都唔一定要有直接關係嘅～ 延伸閱讀：【JUPAS 選科】大學聯招選科 5 大必睇注意事項！ 你適合讀 Linguistics 嗎？ 對語言研究有興趣 語言學係一個由多方面研讀語言嘅一科，當中涉及一啲心理學、社會學、神經科學等範疇嘅知識。如果同學對最核心嘅語言研究興趣唔大，咁可能其他科目會比較適合你喇。 點樣知道自己對讀 Linguistics 有興趣？大家可以睇睇自己對廣東話語言學嘅課題有冇興趣，例如廣東話嘅語尾助詞 (Sentence Final Particles)、粵拼 (Jyutping) 等等。另外，喺英文方面，點解明明 in- 呢個 prefix (字頭) 係解相反嘅意思，但點解喺 polite 之前，in-polite 會變咗 impolite？當然啦，語言學就唔係只係讀廣東話嘅，所以呢啲例子只供參考～ 語言能力良好 香港各個語言學課程都主要用英文授課，而語言學同學都需要同英文同其他同學討論、睇文獻 (Readings) 同埋寫 Paper。由於 Linguistics 同學同大部分其他大學生一樣，一樣需要閱讀學術文章，所以閱讀嘅難度往往都高過普通文章同書本嘅閱讀。要用英文睇咁多 Readings 同寫咁多 Paper，英文能力有中上程度嘅同學讀 Linguistics 會輕鬆啲～ 文科理科思維兼備 語言學係一門用科學思維同方法學習同埋研究語言嘅學科。雖然語言看似係人文科目，而且語言學往往被歸類於大學嘅人文學科，但係同學喺讀 Linguistics 嘅時候，由於需要設計甚至係親手做實驗，同埋要睇大量研究型論文 (Research Paper)，所以如果同學有比較強嘅理科能力同思維，讀 Linguistics 嘅時候可能會比較輕鬆。 小編按：語言學研究涉及科學研究、Statistics 甚至 Coding 嘅知識，小編身邊嘅文科人讀都呢啲部份嘅時候都覺得好難（利申：由於 Linguistics 用到嘅呢啲技能都只係比較皮毛，讀嘅時候都唔算讀得好深入，所以雖然好理科，但都唔算係太太太難嘅～） Linguistics 語言學 Q&A Q: Linguistics 語言學讀咩？ A: 語言學係一個運用科學方法研究語言嘅人文學科，範疇包括語音學、心理語言學、社會語言學等等。要注意嘅一點係：讀語言學並唔係學習語言！ Q: 語言學香港邊度可以讀？ A: HKU、CUHK、CityU 以及 PolyU 都有開辦語言學學士課程。港大同中大開辦嘅係 Linguistics 課程，而城大同理大則開辦 Linguistics and Translation 學位。 Q: 語言學出路？ A: 語言學出路廣闊，畢業生大部分從事老師、文字工作、學術研究、言語治療以及商界工作。 Q: 我適唔適合讀語言學？ A: 只要你對語言研究有興趣，英文閱讀及寫作能力良好，你可能適合讀 Linguistics! 如果同學對科學實驗研究有興趣，讀語言學呢個用科學手法讀語言嘅科目嘅時候你會更得心應手。 大學學科資訊系列 Social Science 社會科學｜Psychology 心理學｜Speech Therapy 言語治療｜Nursing 護理學｜Social Work 社會工作｜HKU BA 港大文學｜Linguistics 語言學｜PGDE 教育文憑｜Early Childhood Education 幼兒教育｜Sociology 社會學｜English 英文系｜Science 理學士｜Bachelor of Education 教育學士
