究竟英文系係讀咩？係咪要英文好好先讀到英文系？咁如果我唔係特別鍾意睇英文書，咁我係咪唔啱讀英文？英文系前途又如何？ AfterSchool 整合咗香港 5 大英文系 JUPAS 課程及 JUPAS 收分、英文系 / Bachelor of Arts 出路、咩人適合讀英文系等資訊，仲同你一一拆解唔同嘅英文系迷思！ 延伸閱讀：【港大文學士】HKU Bachelor of Arts 懶人包 英文系 3 大迷思：讀英文唔係你諗咁樣！ 英文系迷思 1：英文系只係讀英文文學？ No！英文系唔只讀英文文學！以 HKU English 港大英文系為例，英文系課程就包括以下內容： 文學專修 (Literature stream) 語言及溝通專修 (Language and Communication stream) English Grammar 英語文法 Meaning and Metaphor 暗喻與意義構成 Modernity and Literary Modernism 現代性與文學現代主義 Early English Sonnets 早期英語十四行詩 Creative Writing 創意寫作 Science Fiction 科幻小說 Modernism 現代主義 Shakespeare 莎士比亞作品 20th century poetry 二十世紀詩詞研究 Awakening: Exploring Women’s Writings 女性文學 Crime Stories 犯罪故事 Travel Writing 旅遊寫作 Romanticism 浪漫主義 Discourse Analysis 篇章分析 Pragmatics 語義學 World Englishes 世界英語 Language, Communication and Globalisation 語言、溝通與現代化 Visual Communication 視覺溝通 English Syntax 英語句法 English Phonetics 英語語音學 Language and the News Media 語言與新聞媒體 Postcolonial English 後殖民英語 Language in the USA 美國英語 English in Hong Kong 香港英語 除咗英文文學作品之外，英文系課程仲可以讀唔少同語言、溝通有關嘅理論，有部分內容仲會同語言學 Linguistics 嘅內容係類近～ 英文系迷思 2：讀英文系要英文好好？ 唔一定！讀英文系嘅同學英文唔一定要好好！由於讀英文都唔一定係讀啲英文好深嘅文學作品、古典文學等，所以要考入英文系，其實同學嘅英文唔需要超級超級好先得。 小編覺得只要同學英文語言能力中上 (部分英文系會要求同學 DSE 英文要有 Level 5 或以上)，而且對讀英文有興趣，咁你就可能適合讀大學英文系！ 英文系迷思 3：讀英文出路只有做老師？ 錯喇！讀英文出路唔只係做老師！唔少人覺得大學英文系同學嘅英文水平普遍比較高，所以會適合做中小學嘅英文老師。但係… 由於英文系唔係專科，所以讀英文畢業嘅同學通常出路都非常廣闊，唔一定只做老師！ 究竟喺香港，邊度有得讀大學英文系？睇埋落去就知喇！ Credit: unsplash @Patrick Tomasso 必睇！香港 5 大英文系 JUPAS 課程列表 (附 JUPAS 收分) HKU English 港大英文系 英文系課程全名 Bachelor of Arts (JS6054) in English Studies 每年收生 289 (HKU Bachelor of Arts) 學費 $42,100 (首年學費) 修讀年長 4 年 面試？ 無 收生分數 (2021; Best 5 including English) Upper Quartile: 26Median: 25Lower Quartile: 24 *由 2019 年開始，HKU Bachelor of Arts / HKU English 嘅 JUPAS admission score 均以 5** = 8.5, 5* = 7, 5 = 5.5, 4 = 4, 3 =3 … 嘅計算方法計分。 資料來源：HKU English 官方網站、HKU English JUPAS、HKU JUPAS Admission Score 2021 CUHK English 中大英文系 英文系課程全名 Bachelor of Arts (JS4032) 每年收生 55 學費 $42,100 (首年學費) 修讀年長 4 年 面試？ 無 收生分數 (2021; Best 5) Upper Quartile: 23Median: 22Lower Quartile: 21 資料來源：CUHK English 官方網站、CUHK English JUPAS、CUHK JUPAS Admission Score 2021 CityU English / CityU 英文系 英文系課程全名 BA English (JS1104) 每年收生 25 學費 $42,100 (首年學費) 修讀年長 4 年 面試？ 無 收生分數 (2021; Best 6 with English with weighting) Median: 32.5Lower Quartile: 31 資料來源：CityU English 官方網站、CityU English JUPAS、CityU JUPAS Admission Score 2021 HKBU English 浸大英文系 英文系課程全名 Bachelor of Arts (Hons) (English Language and Literature) (JS2020) 每年收生 105 學費 $42,100 (首年學費) 修讀年長 4 年 面試？ 無 收生分數 (2020; 4C+2X) Mean: 23.38 資料來源：HKBU English 官方網站、HKBU English JUPAS、HKBU JUPAS Admission Score 2020 OU 英文系 英文系課程全名 Bachelor of Language Studies (English) 學費 $101,800 (首年學費) 修讀年長 4 年 面試？ 無 資料來源：OU 英文系官方網站 英文系出路 / Bachelor of Arts 出路 Credit: unsplash @thoughtcatalog 英文系出路 (1): 文字工作/傳媒 因為英文系畢業同學經過四年嘅學習後，語言能力同英文水平普遍比較好，所以可能勝任文字工作，例如內容寫作 (Content Writing)。唔少英文系同學會投身 Content Writing 工作！ 另外，由於傳媒工作都涉及寫稿、校對等同文字相關嘅工作，所以部份英文系同學會選擇任職於各大傳媒機構。 英文系出路 (2): 老師 雖然大學英文系畢業後冇教師資格，但有志於做老師嘅同學可以喺畢業之後，再修讀教育文憑 (PGDE)。喺報讀 PGDE 嘅時候，如果同學大學本科同報讀科目相關，都會更容易得到教育文憑機會，所以唔少大學英文系嘅同學都會選擇喺畢業後報讀 PGDE，畢業後喺中小學做英文老師。 延伸閱讀：【PGDE】教育文憑報考全攻略！ 英文系出路 (3): 翻譯/傳譯 雖然唔少翻譯系同學喺畢業後會從事翻譯/傳譯工作，但係部份英文系同學喺就讀期間會累積一啲翻譯工作經驗，喺畢業後繼續從事翻譯/傳譯工作。 讀英文出路 (4): 文字創作/作家 「讀英文系畢業後做作家？」係英文系同學必定會被問到嘅問題。雖然英文系同學普遍鍾意英文閱讀同寫作，但係大部分人都唔考慮將自己嘅寫作興趣發展成事業。部份鍾意文字創作嘅同學會從事相關工作，但以文字創作作為自己主要事業嘅同學就唔多。 讀英文出路 (5): 政府/商業機構/公關 雖然英文系同商界工作似乎冇直接關係， 但唔少英文系同學喺大學時期開始透過實習機會，接觸各種商界工作，繼而選擇繼續喺商業公司發展，喺公關公司、人力資源部、市場部等工作。 另外，部份英文系同學會加入政府機構。由於部份政府部門傾向聘請語言能力比較高、英文水平比較強嘅畢業生，所以英文系同學喺申請時都會更有優勢。 讀英文出路 (6): 研究 每年嘅畢業同學一定有部分對語言研究、英語研究等有濃厚嘅興趣，而佢哋喺畢業後會選擇繼續修讀研究碩士、博士，將來做英文系學者，任職於大專院校。 英文要幾好先可以讀英文系？你適合讀英文系嗎？ 唔少有興趣入讀英文系嘅同學都擔心自己嘅英語水平未夠好，唔適合讀英文系。其實同學唔太需要有呢個擔心！ 雖然英文系同學普遍會喺課堂上閱讀同分析大量英語文學作品，但係其實同學嘅英文水平唔一定要超級好，先可以讀到英文。由於英文系同學唔只需要閱讀英文作品，仲需要對作品作出分析，所以雖然英語水平同閱讀能力好重要，但係更重要嘅係同學對篇章嘅敏銳程度同分析能力。 小編認為只要同學英文水平中上、喜歡閱讀英文篇章，並且對分析文學作品有一定嘅能力同興趣，或者對語言研究有興趣，你都可能適合讀英文系！ 英文系 / 讀英文 Q&A 英文系讀咩？ 英文系課程內容包括英語文學、語言學、語言及溝通研究等課題，適合所有對英語研究、英文文學、語言學、語言及傳播研究有興趣嘅同學。 英文系收分？ 視乎院校，HKU English 同 CUHK English 收分中位數分別係 25 同 22，而 HKBU English、CityU English 以及 OU English 嘅 JUPAS Admission Score 較低，適合唔同 DSE 分數 / JUPAS 分數嘅同學。 點知自己適唔適合讀英文系 (讀英文)？ 首先，如果同學英語語言能力中上，能夠應付英文系文本、課堂討論同埋論文寫作，咁你讀英文系應該已經唔會太吃力！其次，同所有科目一樣，適唔適合某一科嘅一個重要指標係，你對該學科有興趣！最後，有較好嘅獨立思考同分析能力嘅同學讀英文嘅時候可能會更得心應手～ 英文系出路出路？ 英文系出路嘅普遍選擇包括老師、文字工作、文字創作、政府、文化、傳媒、公關、社會服務機構、研究、商界工作等等。由於英文系並非專科，所以同學畢業後唔一定要從事特定工種，出路非常廣泛～ 大學學科資訊系列 Social Science 社會科學｜Psychology 心理學｜Speech Therapy 言語治療｜Nursing 護理學｜Social Work 社會工作｜HKU BA 港大文學院｜Linguistics 語言學｜PGDE 教育文憑｜Early Childhood Education 幼兒教育｜Sociology 社會學｜English 英文系｜Science 理學士｜Bachelor of Education 教育學士
