「老師」呢個職業相信大家一啲都唔陌生，而部分讀緊高中嘅同學，都一定有考慮過呢個職業。想做老師嘅你，JUPAS 選科究竟應該選擇 Bachelor of Education 教育學士 (雙學位課程)，定選擇非教育嘅 JUPAS 科目，再喺大學畢業後報讀 PGDE (教育文憑) 修讀教育專業並考取相關資格？AfterSchool 同你一文拆解做老師必須具備嘅資格、香港教育學士課程選擇、老師人工等等，有興趣將來做老師嘅你一定要睇到最尾！ 延伸閱讀：【PGDE 定教育學士？】教育文憑課程列表 + 報讀攻略 延伸閱讀：【Early Childhood Education】幼兒教育學士資訊大整合！ Bachelor of Education 教育學士課程最強整合！ HKU Bachelor of Education Credit: https://thehkshopper.com/97382-university-of-hong-kong-hku.html 英文教育 (JS6066) 中文教育 (JS6080) 科學教育 (JS6119) 幼兒教育及特殊教育 (JS6092) 教育學士課程全名/提供學科 Bachelor of Arts and Bachelor of Education in Language Education — English Bachelor of Arts and Bachelor of Education in Language Education — Chinese Bachelor of Education and Bachelor of Science Bachelor of Education in Early Childhood Education and Special Education 每年收生 17 17 16 18 收生分數*(Median with weighting) 31 33 56 26 面試 有 (選擇性) 學費 $42,100 (首年學費) 修讀年長 5 年 *由 2019 年開始，HKU Education 嘅 JUPAS admission score 均以 5** = 8.5, 5* = 7, 5 = 5.5, 4 = 4, 3 =3 … 嘅計算方法計分。 延伸閱讀：JUPAS HKU 英文教育、JUPAS HKU 中文教育、JUPAS HKU 科學教育、JUPAS HKU 幼兒教育、HKU JUPAS Admission Score 2021 CUHK Bachelor of Education Credit: https://www.cuhk.edu.hk/english/university/press-release-events.html 英文教育 (JS4343) 中文教育 (JS4331) 數學教育 (JS4361) 體育教育 (JS4329) 幼兒教育 (JS4372) 教育學士課程全名/提供學科 Bachelor of Arts (English Studies) and Bachelor of Education (English Language Education) Co-terminal Double Degree Programme Bachelor of Arts (Chinese Language Studies) and Bachelor of Education (Chinese Language Education) Co-terminal Double Degree Programme Bachelor of Education (Mathematics and Mathematics Education) Programme Bachelor of Education (Physical Education, Exercise Science and Health) Programme Bachelor of Education (Early Childhood Education) Programme 每年收生 12 12 12 17 21 收生分數 (Median, Best 5) 27 27 30 25 23 面試 有 (選擇性) 學費 $42,100 (首年學費) 修讀年長 5 年 延伸閱讀：JUPAS CUHK 英文教育、JUPAS CUHK 中文教育、JUPAS CUHK 數學教育、JUPAS CUHK 體育教育、JUPAS CUHK 幼兒教育、CUHK JUPAS Admission Score 2021 EDUHK Bachelor of Education (教育大學) Credit: https://www.apply.eduhk.hk/ug/whyeduhk 中學 Bachelor of Education 教育學士課程 中文教育 (JS8105) 科學教育 (JS8430) 體育教育 (JS8325) 企會財教育 (BAFS) (JS8371) 地理教育 (JS8428) 世界歷史教育 (JS8381) 科技教育 (ICT) (JS8361) 教育學士課程全名/提供學科 Bachelor of Education (Honours) (Chinese Language) Bachelor of Education (Honours) (Science) Bachelor of Education (Honours) (Physical Education) Bachelor of Education (Honours) (Business, Accounting and Financial Studies) Bachelor of Education (Honours) (Geography) Bachelor of Education (Honours) (History) Bachelor of Education (Honours) (Secondary) - Information and Communication Technology 每年收生 75 14 30 22 10 10 18 收生分數 (Mean, Best 5) 21 19 20 20 20 / 19 面試 有 (選擇性) 學費 $42,100 (首年學費) 修讀年長 5 年 延伸閱讀：EDUHK JUPAS 課程、EDUHK Admission Score 2021 小學 Bachelor of Education 教育學士課程 & 幼兒教育 英文教育 (JS8222) 數學教育 (JS8246) 常識教育 (JS8234) 幼兒教育 (JS8404) 教育學士課程全名/提供學科 Bachelor of Education (Honours) (English Language) - Primary Bachelor of Education (Honours) (Primary) - Mathematics Bachelor of Education (Honours) (Primary) - General Studies Bachelor of Education (Honours) (Early Childhood Education) 每年收生 18 63 39 49 收生分數 (Mean, Best 5) 21 21 20 20 面試 有 (選擇性) 學費 $42,100 (首年學費) 修讀年長 5 年 延伸閱讀：EDUHK JUPAS 課程、EDUHK Admission Score 2021 你適合讀教育學士嗎？ 對教學有熱誠 有教學熱誠嘅老師可以以生命影響生命，用自身作為例子，引導學生揾到自己想成為嘅模樣；又或者得到啟發，從而搵到自己嘅人生目標同方向。老師最重要嘅職責同埋教育嘅本質就係令學生得到啟發，從而令佢哋揾到自己嘅價值、目標、定位；並且建立批判思考能力、以及唔同嘅價值觀包括是非觀、人生觀、世界觀等等。喺學業上，老師亦有責任教導知識，令學生有穩紮嘅語言基礎、數理思維、各學科嘅基本知識等，令學生可以喺將來可以喺自己有興趣嘅領域繼續發展。有咁多責任，老師真係少啲教學熱誠同信念都唔得㗎～ 已有想任教嘅科目 報讀任何學科嘅教育學士嘅同學，都必須喺中六 JUPAS 選科嘅時候已經非常清楚自己將來想做老師、同埋係做邊一科老師。如果同學喺 JUPAS 排位嘅時候已經知道自己想做某一科嘅老師，咁恭喜你！你應該適合讀教育學士。咁喺同學大學嘅五年裡面，同學就會讀教育以及自己任教科目嘅課題，用五年時間接受做一個老師嘅訓練。 咁如果你唔清楚自己係咪真係想做老師，唔想咁快就決定自己將來嘅職業，或者你唔肯定自己係咪真係想任教某一個學科？唔緊要！呢個情況下，唔少同學會首先報讀同自己想任教嘅科目有關嘅 JUPAS 學科，然後再喺大學四年，考慮清楚自己係咪適合同想做老師，畢業後再報讀 PGDE 考取老師資格。 有耐性 相信無論任教任何級別、科目，老師都必須具備「有耐性」嘅呢個特質。由於各學生能力上有差異，所以老師需要大量嘅耐性去教導有唔同理解能力嘅學生。老師亦可能需要花時間同心機，用唔同方法教識學生課本上嘅知識；喺品行方面，老師需要對犯錯嘅同學循循善誘，不斷教導學生正確嘅態度同處事方式，當中少啲耐性都真係勝任唔到老師呢個角色。 教育學士 (BEd)？PGDE？ 返去呢篇 Blog 第一條問題：究竟想做老師嘅你，JUPAS 選科應該直接選擇教育學士 (BEd)，定選擇非教育嘅學士課程 (例如 BA 文學士、Linguistics 語言學、Sociology 社會學、Bachelor of Science 理學士)，畢業後再選擇 PGDE 教育文憑考取老師資格？ 小編整咗個列表比較兩種課程，方便有志做老師嘅同學做比較！ Bachelor of Education 教育學士 (教育系 + 任教科目雙學位) 大學學位 + PGDE 教育文憑 修讀年長 5 年 普遍共 5 年 (4 年大學學位 + 1 年教育文憑 PGDE) 課程結構 同學會喺五年間，同期修讀自己將會任教科目嘅主修課程以及教育主修課程，畢業後直接獲取老師資格。 同學會首先讀一個大學學位課程，並用 4 年修讀與教育無關嘅主修。大學畢業後，同學再報讀 PGDE 教育文憑，並用 1 年攻讀教育相關嘅學位。喺修畢 PGDE 後，同學就會獲得老師資格。 報讀時間 中六 (JUPAS 選科) PGDE 報讀時間：普遍喺大學畢業 (Year 4) 後 學費 $42,100 (首年學費) 普遍為 $42100 (全個 PGDE 課程) 資歷架構 第 5 級 第 6 級 優點 ☺前路穩定 成功入讀教育學士雙學位 JUPAS 課程嘅同學，基本上只要順利畢業，就能夠得到喺香港嘅教學資格。同學喺做老師嘅呢條路上亦唔會有太大嘅不確定性，可以講係前路穩定。 ☺ 先認識，後選擇 由於中六同學普遍對唔同嘅 JUPAS 課程同職業都未有太多嘅認識，甚至係工作經驗，選擇呢條升學途徑嘅同學可以有更多時間認識教育呢個行業，再思考自己係咪真係適合做老師。同學可以用四年時間喺學業上認識多啲自己嘅主修，再思考自己係咪適合喺學校嘅環境任教呢個科目。同學亦可以喺大學時期從事多啲同教學有關嘅工作，例如私人補習、補習社工作、學校教學等，再三思考自己係咪適合同想喺香港做老師。 缺點 ☹ 前路已定 選擇教育學士固然前路穩定，但係萬一同學選擇 Bachelor of Education 後覺得自己唔適合做老師，然後又唔想放棄自己嘅教育學位，同學可能就可能會浪費時間讀一個自己唔適合嘅學位同從事一個將來唔想做嘅職業。 ☹ 風險可能更高 同教育學士雙學位課程唔同，修讀大學學位後，同學係唔一定可以成功入讀 PGDE 課程。如果同學想有更高嘅教育文憑入讀機會，同學首先要喺大學有良好嘅成績、有自己對教育嘅抱負同想法、有相關經驗等。選擇嘅升學途徑嘅同學，需要有心理準備，入讀大學後都要花唔少心機準備自己嘅 CV，如果唔係就可能同 PGDE 無緣喇。 呢兩種課程適合邊種中六學生？ ✅ 已經確定自己想同適合做老師嘅同學 ✅ 有興趣做老師，但想用多啲時間確定自己諗法嘅同學 老師人工（中學老師人工、小學老師人工） 老師係一個需要考牌嘅工作，屬於半專業人士，老師人工自然唔低。一般 Fresh Grad 入職學位教師嘅薪酬係 $31750（15 點），而老師隨著工作年資增加，小學老師薪金可達 $61415（29 點），而中學老師薪金更可高達 $74775（33 點）！ 以下係官方老師人工表： 資料來源：https://hkfew.org.hk/UPFILE/ArticleFile/202022814170635.pdf 教育學士 Bachelor of Education 常見問題 中學老師、小學老師人工幾多？ 小學老師：文憑老師人工係 $30,235 (薪金頂點：$38,595)，而助理小學學位老師 (GM) 人工係 $31,750 (薪金頂點：$61,415)。 中學老師：文憑老師人工係 $30,235 (薪金頂點：$38,595)，而學位老師 (GM) 人工係 $31,750 (薪金頂點：$73,775)。 做老師要讀啲咩？ 有志做老師嘅同學，可以選擇修讀教育學位 (Bachelor of Education)。冇喺大學修讀教育學士學位嘅同學可以喺大學畢業後修讀 PGDE (教育文憑)。 教育學士 Bachelor of Education 係咩？ Bachelor of Education 教育學士係一個為學生喺學校擔任老師嘅本科專業學位。喺香港，教育課程通常係由 Bachelor of Education 以及另一個學位 (例如 Bachelor of Arts 文學士、Bachelor of Science 理學士等) 組成嘅雙學位。 教育學士收生要求？ 符合課程 DSE 分數 / JUPAS 收生分數，並通過面試即可。報讀 Bachelor of Education 同學普遍喺自己將要教學嘅分數都考到更好嘅分數，有意報讀教育學士嘅同學可以留意一下。 教育學士修讀年長？ 普遍為 5 年。 Bachelor of Education 邊度有得讀？ HKU、CUHK、EDUHK、OUHK 等都有開辦 Bachelor of Education JUPAS 課程。 教育學士 Bachelor of Education 學費？ UGC-funded 課程：首年學費為 $42,100。 你適合做老師嗎？ 如果你對教學有熱誠、已經有想任教嘅科目、有耐性，恭喜你！你可能適合做老師！ 大學學科資訊系列 Social Science 社會科學｜Psychology 心理學｜Speech Therapy 言語治療｜Nursing 護理學｜Social Work 社會工作｜HKU BA 港大文學院｜Linguistics 語言學｜PGDE 教育文憑｜Early Childhood Education 幼兒教育｜Sociology 社會學｜English 英文系｜Science 理學士｜Bachelor of Education 教育學士
