社會學 (Sociology) 係一門專門研究社會嘅學科，所有有關個人同社會嘅議題都係社會學會涉及嘅內容。相信大家對社會學呢科有好多疑問，AfterSchool 今日就喺度解答所有有關 Sociology 嘅問題，仲同大家分享有關社會學呢科嘅資訊！究竟 Sociology 社會學同 Social Science 社會科學有咩分別？Sociology 讀咩？社會學出路如何？想知答案嘅你記得要睇到尾 (內附香港各社會學學院收分資訊) 喇！ 延伸閱讀：【Social Science】社會科學出路懶人包！ 延伸閱讀：【JUPAS 選科】最新大學聯招選科必睇秘笈 社會學讀咩？一分鐘導論！ 社會學 Sociology 係一門研究社會議題嘅一科，重點研究人類社交生活與互動、文化、社交關係模式、人類行為嘅後果等等。 社會學通常有唔同分支，以 HKU Sociology 為例，港大社會學就分為以下三大單元： Sociology 社會學 Criminology 犯罪學 Media and Cultural Studies 傳媒及文化研究 以下係部份社會學家有興趣研究嘅問題： 我哋嘅家庭背景、性別、種族有幾大程度影響我哋嘅人生機遇同抉擇？ 媒體點樣影響我哋嘅判斷？ 社交媒體點樣改變我哋嘅生活模式？ 快餐文化嘅背後原因？此文化對個人以及社會有咩影響？ 教育是否公平？ 家庭是什麼？現代同以往嘅家庭觀念有咩分別？有咩因素導致呢啲轉變？ 點解社會會有罪案？ 社會跌序 (Social Order) 是什麼？如果維持社會跌序？誰維持社會跌序？ 個人 (Individual) 同社會 (Society) 嘅關係本質如何？ 現今科技如果改變人類溝通方法、全球暖化、移民、外地工作等社會現象？ 以香港做例子： 香港珍珠奶茶文化嘅背後原因？ 香港嘅連登文化嘅背後原因？ 香港嘅教育制度有多大程度能夠解決貧窮問題？ 香港社會不公嘅背後原因？ 如果同學對以上問題有興趣，甚至有思考過呢啲問題，咁恭喜你！你可能適合讀 Sociology！繼續睇落去睇多啲同社會學有關嘅資訊啦！ 社會學 Sociology 同社會科學 Social Science 分別？ Credit: unsplash @corinnekutz 社會學 Sociology 同社會科學 Social Science 都係同社會研究有關嘅科目，唔怪得之咁多人分唔清啦！即刻睇吓兩者有咩分別啦！ 社會科學係一個用科學方法，研究各種社會現象。喺大學嘅情境，社會科學學院通常包括心理學系、政治與行政研究系 (政政)、新聞與傳播系 (新傳)、地理系同埋社會學系。 所以，社會學 Sociology 係社會科學 Social Science 轄下嘅一科～ 社會學收分 (JUPAS 收分) HKU Sociology / HKU Social Science 港大社會科學 社會學課程全名 Bachelor of Social Science in Sociology (JS6717) 每年收生 114 學費 $42,100 (首年學費) 修讀年長 4 年 面試？ 無 收生分數 (2021; Best 5*) Upper Quartile: 29Median: 26Lower Quartile: 25 *由 2019 年開始，HKU Sociology 嘅 JUPAS admission score 均以 5** = 8.5, 5* = 7, 5 = 5.5, 4 = 4, 3 =3 … 嘅計算方法計分。 資料來源：HKU Sociology 官方網站、HKU Sociology JUPAS、HKU JUPAS Admission Score 2021 CUHK Sociology 中大社會學 社會學課程全名 Bachelor of Social Science in Sociology (JS4886) 每年收生 39 學費 $42,100 (首年學費) 修讀年長 4 年 面試？ 有 (選擇性) 收生分數 (2021; Best 5) Upper Quartile: 24Median: 23Lower Quartile: 22 資料來源：CUHK Sociology 官方網站、CUHK JUPAS Sociology、CUHK JUPAS Admission Score 2021 CUHK Social Science 中大社會科學 社會學課程全名 Bachelor of Social Science in Sociology (JS4801) 每年收生 65 學費 $42,100 (首年學費) 修讀年長 4 年 面試？ 有 (選擇性) 收生分數 (2021; Best 5) Upper Quartile: 26Median: 25Lower Quartile: 24 資料來源：CUHK Social Science 官方網站、CUHK JUPAS Social Science、CUHK JUPAS Admission Score 2021 CUHK 有兩個入 Sociology 社會學嘅途徑？無錯！ 由於 CUHK Social Science 同時用大類招生同分科招生方式招生，所以想入 CUHK Sociology 嘅同學有兩個入學途徑： CUHK Sociology → 直接由第一年主修社會學 CUHK Social Science (Broad based)→ 喺第一年修讀唔同嘅社會科學學科 (包括地理與資源管理、政治與行政學、建築系、新聞與傳播、經濟、城市研究、心理學)，然後於第二年選擇社會學作為主修 想睇多啲中大社會科學收生？【JUPAS 大類收生、分科收生】Blog 有詳細解釋！睇完包你明白晒！ HKBU Sociology 浸大社會學 社會學課程全名 Bachelor of Social Sciences (Hons) (Sociology) 每年收生 135 學費 $42,100 (首年學費) 修讀年長 4 年 面試？ 無 收生分數 (2021; 4C+2X) Median: 22Lower Quartile: 22 資料來源：HKBU Sociology 官方網站、HKBU Sociology JUPAS、HKBU JUPAS Admission Score 2021 CityU Social Science / CityU Sociology 社會學課程全名 BSocSci Criminology and Sociology 每年收生 20 學費 $42,100 (首年學費) 修讀年長 4 年 面試？ 無 收生分數 (2021; weighted 4C+2X) Median: 28Lower Quartile: 28 資料來源：CityU Sociology 官方網站、CityU JUPAS、CityU JUPAS Admission Score 2021 EdUHK Sociology 社會學 社會學課程全名 Bachelor of Social Science (Honours) in Sociology and Community Studies 學費 $42,100 (首年學費) 修讀年長 2 年 (Senior Entry) 資料來源：EdUHK Sociology 官方網站、EdUHK JUPAS Admission Score 2021 樹仁 Sociology 社會學 社會學課程全名 BSocSci (Hons) in Sociology 學費 $74,280 (每年) 修讀年長 4 年 資料來源：樹仁 Sociology 官方網站 未諗好 JUPAS 排位？ 即睇 JUPAS 選科攻略 了解更多！ 社會學出路 / Social Science 出路 社會學 Sociology，乃至所有社會科學科學科目都唔係專科，所以理論上社會學同學同文學院、商學院等大部分同學一樣，冇特定可以或者唔可以做嘅職業 (專科除外)。 綜觀各社會學系資料，Sociology 同學畢業後普遍擔任政府、文化、傳媒、社會服務機構、老師、研究、商界工作等等，可謂出路廣泛。由於社會學畢業後冇特定嘅工作，同學嘅就業方向更取決於同學嘅興趣、大學時期嘅實習經歷等其他因素。不過喺現今學歷同職業唔掛鈎嘅年代，選擇從事同本科無關嘅畢業生都大有人在！ 社會學出路 (1): 研究 社會現象千變萬化，新潮流出現得好快，而每個新潮流、新現象背後都會有唔同嘅社會原因。有咁多嘅社會現象要研究，所以部份社會學 Sociology 畢業生會選擇從事社會學研究，亦即係繼續「讀上去」，喺畢業後攻讀社會學研究碩士及博士。 社會學博士畢業之後，同學就可以成為 Sociology 研究人員，亦可以喺大專院校擔任 Sociology 講師，而同學可以喺大學見到嘅講師同教授就係咁樣出嚟嘅研究人員～ 社會學出路 (2): 老師 雖然社會學畢業後冇教師資格，但有至於做老師嘅同學可以係畢業後再修讀教育文憑 (PGDE)。由於教授科目往往需要同同學嘅本科有關，所以 Sociology 同學都可以修讀通識教育，將來擔任通識、人文科目嘅老師。 延伸閱讀：【PGDE】教育文憑必睇報考全攻略！ 社會學出路 (3): 其他（商界工作） 雖然社會學同商界工作似乎冇直接關係， 但唔少 Sociology 同學喺大學時期喺商界公司實習，繼而選擇繼續係商業公司，例如公關、人力資源等工作。 社會學出路 (4): 其他（政府、文化、傳媒、社會服務機構等） 社會學畢業同學喺經歷四年大學 Sociology 教育之後，普遍對社會議題觸覺比較敏鋭，識得用唔同角度看待唔同嘅社會現象同問題。有呢種特質嘅社會學同學可能適合受聘於社會服務機構，擔任政策分析等嘅工作，幫助有需要人士。社會學同學都普遍可以選擇政府、文化、傳媒等同文字以及社會議題相關嘅職業。社會學出路 (或者社會科學出路) 可謂相當廣泛～ 延伸閱讀：【JUPAS 選科出路】一 Blog 睇清 8 個大學科目出路！ 你適合讀社會學嗎？ DSE LS 成績好，讀 Sociology 會唔會著數啲？讀社會學 Sociology 係咪要好熟悉社會議題？讀社會學要唔要英文好㗎？ 睇埋落去就知㗎喇！ 語言能力 喺讀社會學嘅時候，同學普遍要睇大量嘅文獻 (Readings)，寫大量嘅 Paper，而大學普遍用英文做教學語言。如果同學本身嘅英語語言能力較好，讀 Sociology 嘅時候就唔需要話太多時間了解前人寫嘅社會學理論以及文章，事半功倍～ 對社會學議題感興趣 社會學研究嘅議題全部都同社會有關，如果同學本身對社會議題以及有關問題興趣唔大，咁社會學就可能唔適合你喇。 獨立思考能力 社會科學/社會學講求同學自己對議題嘅見解。課堂上，同學需要就住唔同嘅議題提出自己嘅見解，再用社會學理論同埋例子支持自己嘅論點。如果同學能夠結合自身例子，套用返喺唔同嘅理論當中，並且能夠思考唔同嘅社會學理論是否適用於現今時代，同學嘅社會學成績同學習成果都會更好。 不過，如果同學嘅思考能力尚可，又對社會議題有興趣，花四年時間讀自己有興趣嘅科目，同學訓練自己嘅思維模式同思考能力都一定會有所得著！ 社會學 Sociology 常見問題 Q: 社會學讀咩？ A: 社會學係一個研究社會議題、研讀社會理論嘅一門社會科學學科。Sociology 同學喺大學普遍研究家庭、犯罪、傳媒、文化、教育、當代社會、性別、移民等課題，並且修讀社會學經典以及當代理論。 Q: 社會學 (Sociology) 收分？ A: 視乎院校，HKU Sociology 同 CUHK Social Science / Sociology 收分中位數分別係 25 同 23，而 HKBU Sociology、CityU Sociology、EdUHK Sociology 以及樹仁 Sociology 嘅 JUPAS Admission Score 較低，適合唔同 DSE 分數 / JUPAS 分數嘅同學。 Q: 點知自己適唔適合讀社會學 (Sociology)？ A: 首先，如果同學英語語言能力中上，能夠應付社會學嘅文獻、課堂討論同埋論文寫作，咁你讀社會學應該已經唔會太吃力！其次，同所有科目一樣，適唔適合某一科嘅一個重要指標係，你對該學科有興趣！最後，有較好嘅獨立思考能力嘅同學讀 Sociology 嘅時候可能會更得心應手～ Q: 社會學出路 / 社會科學 Social Science 出路？ A: 社會學出路嘅普遍選擇包括政府、文化、傳媒、社會服務機構、老師、研究、商界工作等等。由於 Sociology 並非專科，所以同學畢業後唔一定要從事特定工種，出路非常廣泛～ 大學學科資訊系列 Social Science 社會科學｜Psychology 心理學｜Speech Therapy 言語治療｜Nursing 護理學｜Social Work 社會工作｜HKU BA 港大文學院｜Linguistics 語言學｜PGDE 教育文憑｜Early Childhood Education 幼兒教育｜Sociology 社會學｜English 英文系｜Science 理學士｜Bachelor of Education 教育學士
