HKU BA 收分幾多？

2020 年 HKU BA 收生分數中位數為 25 分 (Weighted Best 5)。

HKU BA major 有咩選擇？

港大嘅中文學院、英文學院、現代語言及文化學院、人文學院同埋佛學研究中心一共提供 22 個主修同埋 30 個副修選擇，包括各個語言、人文學科等課程。

HKU BA 出路有啲咩？

HKU BA 畢業生出路廣闊，唔少同學畢業後從事文字、政府機構、編輯、教育，甚至商業方面嘅工作。另外唔少同學亦都選擇從事研究工作，繼續升學～由於 HKU BA 並唔係職業導向嘅課程，所以同學喺畢業後選擇嘅工作都好睇自己嘅意願同性格～

讀 HKU Bachelor of Arts 英文要好好？

唔一定！但係始終 HKU 文學士除左中文學院嘅科目之外，所有科都用英文讀，而且同學必須用英文完成所有功課、論文等等，並且用英文作為同其他同學、老師嘅溝通語言，所以英文好嘅同學讀 BA 普遍比較有優勢～另外，喺報讀 HKU BA 嘅時候，英文係必定計分嘅一科，而且仲會加乘，所以英文好嘅同學會更容易考入港大文學院～